20-Apr-2024

ବୌଦ୍ଧ(ଜୟାନନ୍ଦ ମିଶ୍ର): ଜଣେ ଶିକ୍ଷୟିତ୍ରୀଙ୍କଠାରୁ ୨୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ବୌଦ୍ଧ ଭିଜିଲାନ୍ସ ଟିମ୍ ତାଙ୍କୁ ଧରିଛି। ଏହାସହିତ ବିଇଓ ଙ୍କୁ ପଚରାଉଚରା କରିଛି।ସୂଚନାନୁସାରେ  ହରଭଙ୍ଗା ବ୍ଲକ ବୁରୁଚୁଡା ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ ଅନସୂୟା ନାୟକଙ୍କ ନାମରେ ପ୍ରୋସିଡିଂ ହୋଇଥିଲା। ଉକ୍ତ ଫାଇଲକୁ କ୍ଲିଅର କରିବା ପାଇଁ ସେ ବହୁ ସମୟରେ ବିଇଓ ଅଫିସକୁ ଆସୁଥିଲେ । ଦୌଡ଼ି ଦୌଡ଼ି ନୟାନ୍ତ ହେବା ପରେ ବି କାମ ହୋଇ ନ ଥିଲା ଉକ୍ତ ଫାଇଲ କ୍ଲିୟର ପାଇଁ ବରିଷ୍ଠ କିରାଣି ରବୀନ୍ଦ୍ର ନାଥ ପାଢ଼ୀ କୁଆଡେ ତାଙ୍କୁ ୪୦ ହଜାର ଟଙ୍କା ଲାଞ୍ଚ ମାଗିଥିଲେ। କିନ୍ତୁ ଶିକ୍ଷୟିତ୍ରୀ ଏ ନେଇ ବୌଦ୍ଧ ଭିଜିଲାନ୍ସର ଦ୍ଵାରସ୍ଥ ହୋଇଥିଲେ। ଯୋଜନା ମୁତାବକ ଶୁକ୍ରବାର ଶିକ୍ଷୟିତ୍ରୀଙ୍କ ଠାରୁ ୨୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ରବୀନ୍ଦ୍ରଙ୍କୁ ଭିଜିଲାନ୍ସ ଟିମ୍ ଧରିଥିଲା। ଏହାପରେ ତାଙ୍କ ବୁଟୁପାଲି ବାସ ଭବନରେ ଭିଜିଲାନ୍ସ ରେଡ୍ କରାଯାଇଛି । ହରଭଙ୍ଗା ବ୍ଲକ ଶିକ୍ଷାଅଧୂକାରୀ ଅଜୟ କୁମାର ଲୋହାଙ୍କୁ ମଧ୍ୟ ଫୁଲବାଣୀ ଭିଜିଲାନ୍ସ ଅଫିସରେ ପଚରା ଉଚରା କରାଯାଇଛି। ।