12-Apr-2024

ବଲାଙ୍ଗିର (ପ୍ରେରଣା ଖବର ): କେନ୍ଦ୍ରରେ ନେତୃତ୍ୱାଧୀନ ନରେନ୍ଦ୍ର ମୋଦୀ ସରକାରଙ୍କ ଜନ କଲ୍ୟାଣକାରୀ ଯୋଜନା ଲୋକଙ୍କୁ ପ୍ରଭାବିତ କରିଛି l ବିଜେପି ର ଆଦର୍ଶ ଓ ଉନ୍ନତ ଚିନ୍ତାଧାରା ଯୋଗୁଁ ପ୍ରତିଦିନ ବହୁ ସଂଖ୍ୟାରେ ଯୁବକ ଓ ମହିଳା ବିଜେପି ରେ ସାମିଲ ହେଉଛନ୍ତି l ବଲାଙ୍ଗିରରେ ଚଳିତ ବିଧାନସଭା ଓ ଲୋକସଭା ନିର୍ବାଚନ ପୂର୍ବରୁ ଏହାର ପ୍ରତିଫଳନ ଦେଖିବାକୁ ମିଳିଛି l ଆଜି ବଲାଙ୍ଗିର ମୁନିସିପାଲିଟି ଅନ୍ତର୍ଗତ ବିଭିନ୍ନ ୱାର୍ଡ଼ ର ଶତାଧିକ ଯୁବଗୋଷ୍ଠୀ ସ୍ୱତଃପ୍ରବୃତ୍ତ ଭାବେ ବିଜେପିରେ ସାମିଲ ହୋଇଛନ୍ତି l ଉଭୟ ବିଜେଡି ଓ କଂଗ୍ରେସର ମନମୁଖୀ କାରବାର ଓ ତୃଣମୂଳ ସ୍ତରର କର୍ମୀ ମାନଙ୍କୁ ହେୟଜ୍ଞାନ କରାଯାଉଥିବା ଘଟଣାରେ ଅତିଷ୍ଟ ହୋଇ ଏହି ଯୁବଗୋଷ୍ଠୀ ପଦ୍ମ ଦଳରେ ସାମିଲ ହୋଇଛନ୍ତି l ଆଜି ବଲାଙ୍ଗିର ପଥରଚେପl ସ୍ଥିତ ବିଜେପି କାର୍ଯ୍ୟାଳୟ ଠାରେ ଏମାନଙ୍କୁ ଫୁଲତୋଡା ଦେଇ ସ୍ଵାଗତ କରାଯାଇଥିଲା l

ବର୍ତ୍ତମାନର ବିଜେପି ଦଳର ବିଧାୟକ ପ୍ରାର୍ଥୀ ଗୋପାଳଜୀ ପାଣିଗ୍ରାହୀଙ୍କ ବଳିଷ୍ଠ ନେତୃତ୍ବରେ ବଲାଙ୍ଗୀର ସହରର ଶତାଧିକ ଯୁବକ  ଦଳରେ ସାମିଲ ହୋଇ ଆସନ୍ତା ନିର୍ବାଚନରେ ଗୋପାଳଜୀ ପାଣିଗ୍ରାହୀ ଙ୍କୁ ବହୁ ସଂଖ୍ୟାରେ ଭୋଟ୍ ଦେଇ ବଲାଙ୍ଗିର ରେ ବିଜେପିର ବିଜୟ ବାନା ଉଡାଇବାକୁ ଶପଥ ନେଇଥିଲେ l