12-Apr-2024

ବଲାଙ୍ଗିର(ପ୍ରେରଣା ଖବର ): ବଲାଙ୍ଗିର ରମାଇ ଟକିଜ୍ ରୋଡ ସ୍ଥିତ ପାରାଡାଇଜ୍ ଜୁଏଲାରୀ  ଦୋକାନରେ ଜନୈକ ଗ୍ରାହକ ଧାରରେ ସୁନା ଗହଣା କିଣି ଗ୍ରାହକ  ଜଣକ ଟଙ୍କା ଦେବାରେ ଆହେତୁକ ବିଳମ୍ବ କରିଥିଲେ l ଦୋକାନୀଙ୍କୁ ଦେଇଥିବା ଚେକ୍ ମଧ୍ଯ ବାଉନ୍ସ  ହୋଇଥିଲା l ଠକାମିର ଶିକାର ହୋଇଥିବା ସନ୍ଦେହ କରି ସୁନା ଗହଣା ଦୋକାନ ମାଲିକ କୋର୍ଟ ର ଆଶ୍ରୟ ନେଇଥିଲେ l ଗତ ମାର୍ଚ ୧୨ ତାରିଖରେ ବଲାଙ୍ଗିର ଜେ ଏମ୍ ଏଫ୍ ସି କୋର୍ଟ, ଆଇ ସି ସି କେଶ୍ ନମ୍ବର ୫୦/୨୧  ଅନୁସାରେ ନିଜ ରାୟରେ ଆସନ୍ତା ଏକ ମାସ ମଧ୍ୟରେ ଦୋକାନ ମାଲିକଙ୍କୁ  ଗ୍ରାହକ ଜଣକ ବକେୟା ଟଙ୍କା ଫେରସ୍ତ ନକଲେ  ଠକାମୀ ଅଭିଯୋଗରେ ଗ୍ରାହକଙ୍କୁ ଦୁଇ ବର୍ଷ କାରାଦଣ୍ଡ ଆଦେଶ ଶୁଣାଇଥିଲେ l ଗତ ମାର୍ଚ ୧୨ତାରିଖରେ ବଲାଙ୍ଗୀର ମାନ୍ୟବର ଜେ ଏମ୍ ଏଫ୍ ସି କୋର୍ଟ ପ୍ରକାଶ କରିଥିବା ଏହି ରାୟ ଅନୁସାରେ ଆଜି ମାଜିଷ୍ଟ୍ରେଟ ଓ ଦୁଇ ପକ୍ଷ ଓକିଲଙ୍କ ସମ୍ମୁଖ ରେ  ଅଭିଯୋଗକାରୀ ପାରାଡାଇଜ୍ ଜୁଏଲାରୀ ମାଲିକଙ୍କୁ ସୁନା କିଣି ଥିବା ବାବୁଲାଲ ମେହେର ଆଜି ବକେୟା ୧ ଲକ୍ଷ ୨୯ ହଜାର ୯୧୦ ଟଙ୍କା ଟଙ୍କା ପ୍ରଦାନ କରିଛନ୍ତି l କୋର୍ଟ ରାୟ ମୁତାବକ ନିର୍ଦ୍ଧାରିତ ଟଙ୍କା ଫେରସ୍ତ ପରେ ଏଣୁ ଏଣିକି ବାବୁଲାଲ ଦୋଷ ମୁକ୍ତ ହେଲେ ଓ ଦୁଇ ପକ୍ଷ ଙ୍କ ଆପୋଷ ବୁଝାମଣା ପରେ ଏହି ମକଦ୍ଦମା କୁ କ୍ଲୋଜ୍ କରିଦେଇଛି କୋର୍ଟ l କ୍ରେତା ଙ୍କ ତରଫରୁ ଏଡଭୋକେଟ୍ ଏସ୍ .ଲତାଶ୍ରୀ ମକଦ୍ଦମା ପରିଚାଳନା କରୁଥିଲେ