23-Dec-2020

ନୟାଗଡ଼ ଜିଲ୍ଲା ରେ ନୂତନ ମଶାରୀ ବଣ୍ଟନ କାର୍ଯ୍ୟକ୍ରମ ଚାଲୁ ରହିଛି | ନୂଆ ଗଡିଆସାହି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ଅଧିନସ୍ଥ ଜାକଲା ସ୍ୱାସ୍ଥ୍ୟ ଉପକେନ୍ଦ୍ର ର ସ୍ୱାସ୍ଥ୍ୟ କର୍ମୀ ଙ୍କ ଉପସ୍ଥିତି ରେ କୁମ୍ଭାରପଡ଼ା ଗ୍ରାମପଂଚାୟତ ରେ ମଶାରୀ ବଣ୍ଟନ କାର୍ଯ୍ୟକ୍ରମ ଶେଷ ହୋଇଛି | କୁମ୍ଭାରପଡ଼ା ର ତିନୋଟି ଅଙ୍ଗନବାଡି ର କର୍ମୀ, ଆଶା କର୍ମୀ ଏବଂ କେତେଜଣ ୱାର୍ଡ ସଭ୍ୟ ଏହି କାର୍ଯ୍ୟକ୍ରମ ରେ ଯୋଗଦେଇ ମଶାରୀ ବଣ୍ଟନ କରିଥିଲେ |ସୂଚନା ମୁତାବକ ଅଙ୍ଗନବାଡି ୧ ଅଧୀନରେ ଡବଲ ମଶାରୀ 318 ଏବଂ ଫାମିଲି ମଶାରୀ 120, ଅଙ୍ଗନବାଡି ୨ ଅଧୀନରେ ଡବଲ ମଶାରୀ 348ଏବଂ ଫାମିଲି ମଶାରୀ 120, ଅଙ୍ଗନବାଡି ୩ ଅଧୀନରେ ଡବଲ ମଶାରୀ 237 ଏବଂ ଫାମିଲି ମଶାରୀ 110ଟି ବଣ୍ଟନ କରାଯାଇଛି | ପ୍ରକାଶଥାଉକି ତିନୋଟି ଅଙ୍ଗନବାଡି ର କାର୍ଯ୍ୟକ୍ରମ କୁ ଅଙ୍ଗନବାଡି ୧ ଏବଂ କୁମ୍ଭାରପଡ଼ା ପ୍ରାଥମିକ ବିଦ୍ୟାଳୟ ଠାରେ ସମ୍ପର୍ଣ୍ଣ କରାଯାଇଥିଲା | ଅଙ୍ଗନବାଡି ଗୃହ ନଥିବାରୁ ବିଦ୍ୟାଳୟ ର ଶିକ୍ଷକ ଙ୍କ ସହାୟତା କ୍ରମେ ଏହିକାର୍ଯ୍ୟକ୍ରମ ବିଦ୍ୟାଳୟରେ ହୋଇଥିବାରୁ ଜାକଲା ସ୍ୱାସ୍ଥ୍ୟ ଉପକେନ୍ଦ୍ର ର ମହିଳା ସ୍ୱାସ୍ଥ୍ୟକର୍ମୀ ଶ୍ରୀମତୀ ସୁନିତା ବିଦ୍ୟାଳୟର ପ୍ରଧାନ ଶିକ୍ଷକ ଙ୍କୁ ଧନ୍ୟବାଦ ଦେଇଛନ୍ତି |ମଶାରୀ ବଣ୍ଟନ କାର୍ଯ୍ୟକ୍ରମ ରେ କୋଭିଡ କଟକଣା ଉଲଂଘନ ହୋଇଥିବାରୁ ବୁଦ୍ଧିଜୀବୀ ମହଲରେ ଅସନ୍ତୋଷ ପ୍ରକାଶ ପାଇଛି | ଚର୍ଚାହେଉଛି କି ସ୍ୱାସ୍ଥ୍ୟ କର୍ମୀ ଙ୍କ ଉପସ୍ଥିତି ରେ କୋଭିଡ କଟକଣା ଉଲଘଂନ ସରକାରୀ କର୍ମଚାରୀ ଙ୍କ ଏକ ବେପରୁଆ କାର୍ଯ୍ୟ | ଗୋଟିଏ କମ୍ପାନୀ ର ଅନୁଦାନ ରେ ମଶାରୀ ମିଳିଥିବା ବେଳେ ସରକାର ଙ୍କ ସଚେତନତା ବାଣ୍ଟିବାରେ କର୍ମୀ ମାନଙ୍କ ଦ୍ୱାରା ହେଉଥିବା କାର୍ଯ୍ୟକ୍ରମ କୋଭିଡ ଗାଇଡ଼ ଲାଇନ ଉଲଂଘନ ଏକ ଅପରାଧ ବୋଲି ଜନସାଧାରଣରେ ଆଲୋଚନା ହେଉଛି 

ଖଣ୍ଡପଡା ପ୍ରତିନିଧି ପ୍ରଦୀପ କୁମାର ପଣ୍ଡା ଙ୍କ ରିପୋର୍ଟ ଜନତା ଜିନ୍ଦାବାଦ