23-Dec-2020

ସମ୍ବଲପୁର (ଦେବାଶିଷ ବେହେରାଙ୍କ ରିପୋର୍ଟ) ଚଳିତ ବର୍ଷ ଧାନ ଅମଳ ପରେ ଧାନ ବିକ୍ରି କୁ ନେଇ ଚାଷୀ ଓ ସରକାର ଙ୍କ ମଧ୍ୟରେ ଚାଲିଛି ଛକାପଞ୍ଜା । ରାଜ୍ୟ ରେ ଧାନ ବିକ୍ରି ପାଇଁ ପ୍ରଚଳିତ ଟୋକନ ବ୍ୟବସ୍ଥା ସମ୍ପୂର୍ଣ୍ଣ ରୂପେ ବିଫଳ ହେବା ପରେ ଚାଷୀ ଙ୍କ ମଧ୍ୟରେ ତେଜିଥିଲା ବିରୋଧ ର ସ୍ୱର । ତା ଉପରେ ମଣ୍ଡି ମାନଙ୍କରେ ଅବ୍ୟବସ୍ଥା, ମଣ୍ଡି ମାନଙ୍କରେ ମିଲରଙ୍କର ଦୌରାତ୍ମା, ଧାନରେ କଟନୀ ଛଟନୀ, ସପ୍ତାହ ସପ୍ତାହ ଧରି ମଣ୍ଡି ରେ ପଡି ରହୁଛି ଧାନ ଭଳି ପ୍ରସଙ୍ଗରେ ରାଜ୍ୟ ରେ ବିଭିନ୍ନ ସ୍ଥାନରେ ମୁଣ୍ଡ ଟେକିଛି ଚାଷୀ ଆନ୍ଦୋଳନ । ଏହି ପ୍ରସଙ୍ଗ କୁ ନେଇ କିଛି ଦିନ ପୂର୍ବେ ସମ୍ବଲପୁର ଜିଲ୍ଲା ଯୋଗାଣ ଅଧିକାରୀ ଙ୍କ କାର୍ଯ୍ୟାଳୟ ରେ ତାଲା ପକାଇ ଘେରିଥିଲେ ଯୋଗାଣ ଅଧିକାରୀ ଙ୍କୁ । ରାଜ୍ୟ ସରକାର ଙ୍କର ଏଭଳି ଚାଷୀ ବିରୋଧୀ ନୀତି କୁ ନେଇ ଆଜି ପୁଣି ସମ୍ବଲପୁର ବିଜେପି କୃଷକ ମୋର୍ଚ୍ଚା ପକ୍ଷରୁ ହୋଇଥିଲା ଜେଲଭରୋ ଆନ୍ଦୋଳନ ।
        ସମ୍ବଲପୁର ବିଜେପି କୃଷକ ମୋର୍ଚ୍ଚା ପକ୍ଷରୁ ଆୟୋଜିତ ଆଜିର ଏହି ଆଇନ ଅମାନ୍ୟ ଓ ଜେଲଭରୋ କାର୍ଯ୍ୟକ୍ରମ ରେ ଏକତ୍ରିତ ହୋଇଥିଲେ ଅଞ୍ଚଳର ହଜାର ହଜାର ଚାଷୀ ।
          ସମ୍ବଲପୁର ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ହୋଇଥିବାର ଆଜିର ବିକ୍ଷୋଭ କାର୍ଯ୍ୟକ୍ରମ ରେ ସମ୍ବଲପୁର ବିଜେପି ଜିଲ୍ଲା ସଭାପତି *ଶ୍ରୀଯୁକ୍ତ ଗିରିଶ ପଟେଲ ସଭାପତିତ୍ୱ କରିଥିବା ବେଳେ ସମ୍ବଲପୁର ବିଜେପି କୃଷକ ମୋର୍ଚ୍ଚା ର ଜିଲ୍ଲା ସଭାପତି  ମୃତ୍ୟୁଞ୍ଜୟ ପାଣିଗ୍ରାହୀ  କାର୍ଯ୍ୟକ୍ରମ ପରିଚାଳନା କରିଥିଲେ । ପୂର୍ବତନ ମନ୍ତ୍ରୀ ତଥା ସମ୍ବଲପୁର ବିଧାୟକ *ଶ୍ରୀଯୁକ୍ତ ଜୟ ନାରାୟଣ ମିଶ୍ର*, ରାଜ୍ୟ ବିଜେପି ଉପସଭାପତି ତଥା ରେଙ୍ଗାଲି ବିଧାୟକ *ଶ୍ରୀଯୁକ୍ତ ନାଉରି ନାଏକ* ରାଜ୍ୟ ସାଧାରଣ ସମ୍ପାଦକ ତଥା କୁଚିଣ୍ଡା ର ପୂର୍ବତନ ବିଧାୟକ  ରବି ନାରାୟଣ ନାଏକ ସମ୍ବଲପୁର ଜିଲ୍ଲା ପରିଷଦ ଅଧ୍ୟକ୍ଷ ରାଧେଶ୍ୟାମ ବାରିକ* ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷ *ଶ୍ରୀଯୁକ୍ତ ବୃନ୍ଦାବନ ମାଝୀ* ରାଜ୍ୟ ସମ୍ପାଦକ ଶ୍ରୀଯୁକ୍ତ ଶୀମାଞ୍ଚଳ ଖଟେଇ, ରାଜ୍ୟ କାର୍ଯ୍ୟକାରିଣୀ ସଦସ୍ୟ *ଶ୍ରୀଯୁକ୍ତ ଦେବେନ୍ଦ୍ର ମହାପାତ୍ର ଓ ରାମଚନ୍ଦ୍ର ମେହେର* କୃଷକ ମୋର୍ଚ୍ଚା ର *ସର୍ବଶ୍ରୀ ଶଶୀ ଭୂଷଣ ତ୍ରିପାଠୀ, ଚନ୍ଦ୍ର ଶେଖର ପଣ୍ଡା, ଜୟରାମ ନାଏକ, ଦେବେନ୍ଦ୍ର ନାଏକ* ପ୍ରମୁଖ ନେତୃ ମଣ୍ଡଳୀ ଉପସ୍ଥିତ ଆନ୍ଦୋଳନକାରୀ ଙ୍କୁ ଉଦ୍ବୋଧନ ଦେଇଥିଲେ । ବକ୍ତା ମାନେ ନିଜର  ନିଜର ବକ୍ତବ୍ୟରେ *କୃଷି ଓ କୃଷକ କୁ ସମୃଦ୍ଧ କରିବା ପାଇଁ କେନ୍ଦ୍ର ସରକାର ନେଇଥିବା ବିଭିନ୍ନ ବଳିଷ୍ଠ ପଦକ୍ଷେପ ଓ କୃଷକ କଲ୍ୟାଣକାରୀ ଯୋଜନା ବିଷୟ ରେ ଉଲ୍ଲେଖ କରିବା ସଙ୍ଗେ ସଙ୍ଗେ ରାଜ୍ୟ ସରକାର ଙ୍କର ଅପାରଗତା, ଭ୍ରଷ୍ଟାଚାର, ଦୁର୍ନୀତି, ଅଧିକାରୀ ଓ ମିଲର ଙ୍କ ମଧୁଚନ୍ଦ୍ରିକା ଓ ବିଭିନ୍ନ ଚାଷୀ ସମସ୍ୟା* ବିଷୟରେ କହିଥିଲେ । ପରେ ବିଜେପି ର ନେତୃ ମଣ୍ଡଳୀ ଙ୍କ ସଙ୍ଗେ ସଙ୍ଗେ ଚାଷୀ ମାନେ ଜିଲ୍ଲାପାଳଙ୍କ କାର୍ଯ୍ୟାଳୟ କୁ ପ୍ରବେଶ କରିବା ସମୟରେ ପୋଲିସ ସହ ଧସ୍ତାଧସ୍ତି ହୋଇଥିଲେ । ଶେଷରେ ଶତାଧିକ ଆନ୍ଦୋଳନକାରୀ ଙ୍କୁ ଗିରଫ କରି ସମ୍ବଲପୁର ଟାଉନ ଥାନା କୁ ନିଆ ଯାଇଥିଲା ଓ ସେଠାରେ ସମସ୍ତ ଔପଚାରିକତା ପୂରଣ ପରେ ଛାଡି ଦିଆଯାଇଥିଲା ।

        ଆଜିର କାର୍ଯ୍ୟକ୍ରମ ରେ ଅନିଲ ବେହେରା, ଗୋବିନ୍ଦ ଅଗ୍ରୱାଲ, ନରେନ୍ଦ୍ର ମିଶ୍ର, ସୁଶାନ୍ତ ପୁରୋହିତ, ସରୋଜ କୁମାର ଘଡାଇ, ସୁଶୀଲ କର, ମହମ୍ମଦ ହାସିମ, ମୋହନ ଦାଶ, ଡା. ପ୍ରଭାସ ଦେବତା, ଅନ୍ନପୂର୍ଣ୍ଣା ବାରିକ, ସୀତା ଛୁରିଆ, ସଂଯୁକ୍ତ ପ୍ରଧାନ, ରୁନୁ ପ୍ରଧାନ, ପୁଷ୍ପାଞ୍ଜଳି ଜେନା, ସେବତୀ ପଟ୍ଟନାୟକ, ଲକ୍ଷ୍ମୀ ଜେନା, ସବିତା ହୋତା, ଅଶ୍ୱିନୀ ମାଝୀ, ମାନସ ରଞ୍ଜନ ବକ୍ସି ବହୁ ମଣ୍ଡଳ ସଭାପତି, ଜିଲ୍ଲା ପଦାଧିକାରୀ, କୃଷକ ମୋର୍ଚ୍ଚା ପଦାଧିକାରୀ ସାମିଲ ଥିଲେ ।