28-Feb-2024

ବିନିକା(ହିମାଂଶୁ ଶେଖର ପୁଟେଲ) ଇନଷ୍ଟିଚ୍ୟୁଟ ଅଫ ଲାଇଫ ସାଇନସ ଭୁବନେଶ୍ୱର ଆନୁକୁଲ୍ୟରେ ବିନିକା ସ୍ଥିତ ସିଦ୍ଧାର୍ଥ ଜୁନିଅର କଲେଜ ଠାରେ ଆଜି ଜାତୀୟ ବିଜ୍ଞାନ ଦିବସ ପାଳିତ ହୋଇଯାଇଛି।କଲେଜ ଅଧ୍ୟକ୍ଷା ରେଖା ପ୍ରଧାନଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବୈଜ୍ଞାନିକ ସୀମା  ପ୍ରଧାନ ଯୋଗଦେଇ ବିଜ୍ଞାନର ଉପକାରିତା ଏବଂ ଆଜିର ଦିନରେ ବିଜ୍ଞାନ ବଳରେ ଆମେ କିପରି ଲାଭବାନ ହେଉଛୁ ସେ ଉପରେ ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ପ୍ରାଞ୍ଜଳ ଭାବରେ ଅବଗତ କରିଥିଲେ ।ପରେ ବିଜ୍ଞାନ ଉପରେ ବିଭିନ୍ନ ପ୍ରଶ୍ନତ୍ତୋର ପରଦାରେ ପ୍ରଦର୍ଶିତ କରାଇ ଛାତ୍ରଛାତ୍ରୀଙ୍କ ଠାରୁ ଉତ୍ତର ରଖି ସଠିକ ଦାତାଙ୍କୁ ପୁରସ୍କୃତ କରିଥିଲେ ।ଏଥିରେ ମୁଖ୍ୟ ଅତିଥି ଭାବେ ଇତିହାସ ବିଭାଗ ବରିଷ୍ଟ ଅଧ୍ୟାପକ ଗୋପାଳ କୃଷ୍ଣ ଦାଶ,ସମ୍ମାନିତ ଅତିଥି ଭାବେ ବିନିକା ମହିଳା ଜୁନିଅର କଲେଜ ଅଧ୍ୟକ୍ଷ ପଞ୍ଚାନନ ସାହୁ ଯୋଗଦେଇ ବିଜ୍ଞାନ ଦ୍ବାରା ଯୁବ ସମାଜର ଭୂମିକା ଉପରେ ଆଲୋକପାତ କରିଥିଲେ।ପରେ ଇନଷ୍ଟିଚ୍ୟୁଟର ଜୁନିଅର ରିସର୍ଚଫେଲୋ ସୁଶୁଭମ ସାଧୁଖାନ,ବିଶ୍ୱଜିତ ପରିଡ଼ା,ପ୍ରୋଜେକ୍ଟ ରିସର୍ଚ୍ଚ ଫେଲୋସିପ ପ୍ରୀତି ବାଳା ବିଜ୍ଞାନ ଉପକରଣ ସାମଗ୍ରୀମାନ  ଦେଖାଇ ତାର କାର୍ଯ୍ୟକାରିତା ଉପରେ ଛାତ୍ରଛାତ୍ରୀ ମାନଙ୍କୁ ବୁଝାଇଥିଲେ ।ଅଧ୍ୟାପକ ଧନେଶ୍ଵର ସାହୁ ସଭାକୁ ସଂଯୋଜନା କରିଥିବା ବେଳେ ଅଧ୍ୟାପକ ମନୀଷ ଆଚାର୍ଯ୍ୟ ଧନ୍ୟବାଦ ଅର୍ପଣ କରିଥିଲେ।ଅନୁଷ୍ଟିତ କାର୍ଯ୍ୟକ୍ରମ ପରିଚାଳନାରେ କଲେଜର ସମସ୍ତ ଷ୍ଟାଫ ସହଯୋଗ କରିଥିଲେ।