20-Feb-2024

ବୋଡ଼େନ (ଡୋଲେସ୍ଵର ଵାଗ )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ତରାପୁର ଗ୍ରାମର ଶ୍ରୀ ଜଗନ୍ନାଥ ମନ୍ଦିରରେ ଏକାଦଶୀ,ଶିବରାତ୍ରୀ ,ରାମନବମୀ,ନୃସିଂହ ଚତୁର୍ଦ୍ଦଶୀ,ଜନ୍ମାଷ୍ଟମୀ,ବାମନ ଦ୍ଵାଦଶୀ,ଦୀପାବଳୀ ଓ ସଂକ୍ରାନ୍ତି ଦିବସରେ ଉପବାସ ରହି ଅଖଣ୍ଡ ଦୀପ ଜାଳିବା ନିମନ୍ତେ ଗ୍ରାମର ୪୦ ଯୋଡ଼ା ପତି ପତ୍ନୀ ସଂକଳ୍ପ ଗ୍ରହଣ କରିଛନ୍ତି ।ଆଜି  ଏକାଦଶୀ ବ୍ରତ ପାଳନ ସହ ଅଖଣ୍ଡ ଦୀପ ପ୍ରଜ୍ବଳନ ପୂର୍ବକ ପୂଜାର୍ଚ୍ଚନାର ଶୁଭାରମ୍ଭ କରିଛନ୍ତି ।ମୁଖ୍ୟ ପୂଜକ ତଥା ପୁରାଣ ପଣ୍ଡିତ ରୂପେ ନନ୍ଦ କିଶୋର ଯୋଶୀ ,ଅନ୍ୟ ପୂଜକ ଦ୍ବୟ କୃଷ୍ଣ ଚନ୍ଦ୍ର ଯୋଶୀ ଓ ବିରଞ୍ଚି ନାରାୟଣ ଯୋଶୀଙ୍କୁ ଏହି ବ୍ରତ ପାଳନରେ ବ୍ରାହ୍ମଣ ରୂପେ ବରଣ କରାଯାଇଛି । ବିରେନ୍ଦ୍ର କୁମାର ମୁଣ୍ଡ ଓ ତାଙ୍କ ଧର୍ମ ପତ୍ନୀ  ଭାରତୀ ଖମାରୀ ସାମୁହିକ ପୁଣ୍ୟ ନିମିତ୍ତ କର୍ତ୍ତା ରୂପେ ସ୍ଥାନ ଗ୍ରହଣ କରିଛନ୍ତି ।ବର୍ଷକୁ ବର୍ଷ ଅଲଗା ଅଲଗା ବ୍ରତ  ନିମନ୍ତେ ଅଖଣ୍ଡ ଦୀପ ଜାଳିବା ପ୍ରକ୍ରିୟା ରହିଛି ଆଉ ସେସବୁ ବ୍ରତ ନିମନ୍ତେ ଅଖଣ୍ଡ ଦୀପ ଜଳିବାକୁ  ପ୍ରାୟତଃ ୯ ବର୍ଷ ଲାଗିବ ।ଏସବୁ ଉପବାସ ଏବଂ ଦୀପ ଜାଳିବା ଦ୍ଵାରା ମଣିଷ ନିଜେ ପୁଣ୍ୟ ଲାଭ କରିବା ସହିତ ସମାଜର ମଧ୍ୟ କଲ୍ୟାଣ ହୋଇଥାଏ ।