17-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): କଣ୍ଟାମାଳ ଅବକାରୀ ପୁଲିସ ଆଜି ସକାଳେ ପେଟ୍ରୋଲିଙ୍ଗ କରୁଥିବା ସମୟରେ ଗଞ୍ଜେଇ  ସହ ଜଣେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଥିବା ବିଭାଗୀୟ ସୂତ୍ରରୁ ପ୍ରକାଶ  l   ମିଳିଥିବା ସୂଚନାନୁସାରେ କଣ୍ଟାମାଳ ଅବକାରୀ ଥାନାଧିକାରୀ ସୂର୍ଯ୍ୟକାନ୍ତ ମଲିକ ଙ୍କ ତତ୍ୱାବଧାନରେ ଆଜି ସକାଳୁ କଣ୍ଟାମାଳ ଥାନା ଅନ୍ତର୍ଗତ କୁମେଲବନ୍ଧ ଛକ ନିକଟରେ ପେଟ୍ରୋଲିଙ୍ଗ କରୁଥିଲେ  l  ଏହି ସମୟରେ କୁମେଲବନ୍ଧ ଛକ ରାସ୍ତାରେ ଗୋଟିଏ ବସ୍ତା ନେଇ ଯାଉଥିବା ଜଣେ ବ୍ୟକ୍ତି କୁ ସନ୍ଦେହରେ ଅଟକାଇ ଯାଞ୍ଚ କରିଥିଲେ  l   ଯାଞ୍ଚ ସମୟରେ ବସ୍ତା ଭିତରୁ ଗଞ୍ଜେଇ ଜବତ କରିଥିଲା  l  ଜବତ ଗଞ୍ଜେଇ ର ପରିମାଣ 12.5କିଲୋଗ୍ରାମ ହୋଇଥିବା ବେଳେ ଗିରଫ ଅଭିଯୁକ୍ତ ଜଣକ ଲୋକନାଥ ଦିଗାଲ (47)ବର୍ଷ ବୋଲି ତଦନ୍ତରୁ ଜଣାଯାଇଥିଲା  l  ଏନେଇ କଣ୍ଟାମାଳ ଅବକାରୀ ଥାନା ପକ୍ଷରୁ ଏନଡିପିଏସ କେଶ ନମ୍ବର 175/2024 ରେ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଅବକାରୀ ଥାନାଧିକାରୀ ଶ୍ରୀ ମଲ୍ଲିକ ପ୍ରକାଶ କରିଛନ୍ତି l