17-Feb-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ରାଜ୍ୟ ସରକାରଙ୍କ ନେତୃତ୍ୱ ରେ ସାରା ରାଜ୍ୟରେ ହେଉଥିବା ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ର ଅଷ୍ଟମ ଦିବସ ଥିବା ବେଳେ ଆଜି ବେଲପଡା ବ୍ଳକ ଉପାନ୍ତ ଅଞ୍ଚଳ ବାଗଦୋର ପଞ୍ଚାୟତ ରେ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ ରେ ପାଟଣାଗଡ଼ ନିର୍ବାଚନ ମଣ୍ଡଳୀର ଲୋକ ପ୍ରିୟ ବିଧାୟକ ସରୋଜ କୁମାର ମେହେର ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟ ର ଶୁଭାରମ୍ଭ କରିଥିଲେ। ସମ୍ମାନୀତ ଅତିଥି ଭାବେ ବିଧାୟକ ଙ୍କ ପ୍ରତିନିଧି କୁମୁଦ ମହାଖୁଡ (ବାପି), ବ୍ଳକ ଅଧ୍ୟକ୍ଷା କୁମାରୀ ଟିନା କୁମ୍ଭାର, ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର, ଜିଲ୍ଲା ପରିଷଦ ଜୟ ଧରୁଆ, ବାଗଦୋର ପଞ୍ଚାୟତ ର ଯୁବ ସରପଞ୍ଚ ସରପଞ୍ଚ ପ୍ରଦୀପ କୁମାର ବେହେରା,ପିଇଓ କରମବୀର ତାଣ୍ଡି ପ୍ରମୁଖ ମଞ୍ଚାସୀନ ଥିଲେ। ଉକ୍ତ କାର୍ଯ୍ୟକ୍ରମରେ ଆମ ଓଡ଼ିଶା ନବୀନ ଓଡ଼ିଶା ର ନୋଡାଲ ଅଫିସର୍ ପାଣ୍ଡବ ମଲ୍ଳିକ ମଞ୍ଚ ପରିଚାଳନା କରିଥିଲେ। ଉପାନ୍ତ ଅଞ୍ଚଳ ରେ ବିକାଶ ପହଞ୍ଚି ପାରୁନଥିବା ବେଳେ ବିଧାୟକ ସରୋଜ କୁମାର ମେହେର ଓ ସରପଞ୍ଚ ପ୍ରଦୀପ କୁମାର ବେହେରା ଙ୍କ ପ୍ରଚେଷ୍ଟାରେ ଅନେକ ଗୁଡ଼ିଏ ବିକାଶ କାର୍ଯ୍ୟକାରୀ ହୋଇଛି। ରାଜ୍ୟ ସରକାରଙ୍କ ଅନେକ ଯୋଜନା ବିଷୟରେ ଲୋକମାନଙ୍କୁ ଅବଗତ କରାଯାଇଅଛି । ତନ୍ମଧ୍ୟରୁ ବିକାଶ ଅଭିମୁଖୀ ଯୋଜନା ମାନଙ୍କ ପର୍ଯ୍ୟବେକ୍ଷଣ କରାଯାଇଥିଲା। ଯଥା ୧୪ ଟି ପ୍ରକଳ୍ପ ପାଇଁ ୫୦ ଲକ୍ଷ ଟଙ୍କା ର ବ୍ୟୟ ଅଟକଳ ଆମ ଓଡ଼ିଶା ନବୀନ ଓଡ଼ିଶା ଯୋଜନା ଉକ୍ତ ରେ ପଞ୍ଚାୟତ କୁ ଦିଆଯାଇଥିଲା ଓ ୧୯୫୫ ପରିବାର ବର୍ଗଙ୍କୁ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ରେ ଅନ୍ତର୍ଭୁକ୍ତ କରାଯାଇଛି। ତତ୍ ସହିତ ୧୧୦୧ ପରିବାର ଙ୍କ ପାଇଁ ମୁଖ୍ୟମନ୍ତ୍ରୀ ଙ୍କର କାଳିଆ ଯୋଜନାରେ ଅନ୍ତର୍ଭୁକ୍ତ କରାଯାଇ ୪୦୭ ହିତାଧିକାରୀଙ୍କୁ ସାମାଜିକ ସୁରକ୍ଷା ଯୋଜନା ରେ ବିଭିନ୍ନ ବର୍ଗର ଲୋକମାନଙ୍କ ପାଇଁ ବ୍ୟବସ୍ଥା କରାଯାଇଛି ଏବଂ ୨୮ ଟି ମହିଳା ସ୍ୱୟଂ ସହାୟିକା ଗୋଷ୍ଠୀ ଙ୍କୁ ମିଶନ ଶକ୍ତି ମାଧ୍ୟମରେ ମୋଟ ୮୧୯୭୦୦ ଟଙ୍କା ବିନା ସୁଧରେ ଋଣ ପ୍ରଦାନ କରାଯାଇଛି।

ତତ୍ ସହିତ ୧୯୫୫ ପରିବାର ଙ୍କୁ ରାସନ୍ କାର୍ଡ ମାଧ୍ୟମରେ ରାସନ୍ ଯୋଗାଇ ଦିଆଯାଇଛି।୧୦୫ ଗର୍ଭବତୀ ମହିଳାଙ୍କୁ ମମତା ଯୋଜନା ରେ ସହାୟତା ରାଶି ପ୍ରଦାନ କରାଯାଇଛି। ଏବଂ ମିଶନ ଶକ୍ତି ମାଁ ମାନଙ୍କ ପାଇଁ ଆନୁଗତ୍ୟ ଅନୁଯାୟୀ ବ୍ୟାଙ୍କିଙ୍ଗ ସୁବିଧା ପାଇଁ ଆମ ବ୍ୟାଙ୍କ ସୁବିଧା କରାଯାଇଛି। କିଛି ଲୋକ ଙ୍କ ସମସ୍ୟା ର ଅଭିଯୋଗ କୁ ମାନ୍ୟବର ବିଧାୟକ ଗ୍ରହଣ କରି ଶୁଣାଣି କରିଥିଲେ। ପରିଶେଷରେ ନୋଡାଲ ଅଫିସର୍ ପାଣ୍ଡବ ମଲ୍ଳିକ ଧନ୍ୟବାଦ ଅର୍ପଣ କରି ସଭାସ୍ବାଙ୍ଗ କରିଥିଲେ।