19-Jan-2024

ଡୁଙ୍ଗୁରିପାଲି(ଅରବିନ୍ଦ ମିଶ୍ର) ଡୁଙ୍ଗୁରିପାଲି ଉଚ୍ଚ ବିଦ୍ୟାଳୟରେ ଭାଷା, ସାହିତ୍ୟ ଓ ସୃଜନଶୀଳତା ଉତ୍ସବ ଆଜୋୟିତ ହୋଇଯାଇଛି ।  ପ୍ରଧାନ ଶିକ୍ଷକ ବୈଶାଖୁ ପଧାନଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ କୋସଲ କବି ତଥା କୋସଲ ସାମ୍ବାଦିକ ସଂଘ ସଭାପତି ବିପ୍ରଚରଣ ସାହୁ  ମୁଖ୍ୟ ଅତିଥି, ଅବସରପ୍ରାପ୍ତ ଶିକ୍ଷକ ଡାକ୍ତର ବାରିକ ସମ୍ମାନିତ ଅତିଥି ଭାବେ ଯୋଗଦାନ କରିଥିଲେ । ଭାଷାର ଗୁରୁତ୍ୱ ତଥା ସୃଜନଶୀଳତାର ବିକାଶ କିପରି ସମାଜର  ହିତ ସାଧନ କରେ ସେ ବିଷୟରେ ଅତିଥି ଗଣ ଆଲୋକପାତ କରିଥିଲେ ।  ଉକ୍ତ କାଯ୍ୟକ୍ରମରେ  ଛାତ୍ରମାନେ କବିତା ଆବୃତି, ଗଳ୍ପ ଲିଖନ କରିଥିଲେ । ପରେ ଶିକ୍ଷକ ମୀନକେତନ ମେହେର ବିଜ୍ଞାନର ଉନ୍ନତିରେ ସୃଜନଶୀଳତାର ଭୂମିକା ବିଷୟରେ  ଉପସ୍ଥାପନ କରିଥିଲେ ।  ଶିକ୍ଷକ  କୁମୁଦ ମଟାରୀ ଧନ୍ୟବାଦ ଅର୍ପଣ କରିଥିଲେ ।  ବିଭିନ୍ନ ହାଉସର କାର୍ଯ୍ୟକ୍ରମକୁ  ତର୍ଜମା କରି ପୁରସ୍କାର ବିତରଣ କରାଯାଇଥିଲା । ସାହିତ୍ୟ ସୃଜନୀ କ୍ଲବର ଛାତ୍ରମାନଙ୍କ ଦ୍ୱାରା ପ୍ରସ୍ତୁତ ‘ପୁସ୍ତକସମୀକ୍ଷା’ପ୍ରଦର୍ଶନ କରାଯାଇଥିଲା । ଜିଜ୍ଞାସା କ୍ଲବ ପକ୍ଷରୁ ବିଜ୍ଞାନ ମଡେଲ ତଥା ପ୍ରକଳ୍ପ ପ୍ରଦର୍ଶନ ହୋଇଥିବା ବେଳେ, କୌଶଳୀ କ୍ଲବ ତରଫରୁ ସ୍କାଏର ଏନିମେସନ ଏବଂ କ୍ରୀଡାଙ୍ଗନ କ୍ଲବ ତରଫରୁ କାର୍ଯ୍ୟଫର୍ଦ ପ୍ରଦର୍ଶନ କରାଯାଇଥିଲା । ଏହି ଉତ୍ସବରେ ବିଦ୍ୟାଳୟର ଶିକ୍ଷକ କରୁଣା ମେହେର, ମୁକେଶ ରାଉତ ଶିକ୍ଷୟିତ୍ରୀ ନିହାରିକା ଗୁରୁ, ସୌଦାମିନୀ ଭୋଇ ଓ ଅନ୍ୟ ଶିକ୍ଷା କର୍ମଚାରୀ ତଥା ଛାତ୍ରମାନଙ୍କ ଅଭିଭାବକମାନେ ଅଂଶ ଗ୍ରହଣ କରିଥିଲେ । ସେହିପରି ସହଲା ଆଦିବାସୀ ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷକ ସୁବୋଧ ନାରାୟଣ ସାଙ୍କ ସଭାପତିତ୍ୱରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ମୁଖ୍ୟ ଅତିଥି ଭାବେ ଡୁଙ୍ଗୁରିପାଲି ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ଭାଗିରଥ ପୁରୋହିତ ସମ୍ମାନିତ ଅତିଥି ଭାବେ କବିଚନ୍ଦ୍ର ପଧାନ, ସଂପାଦକ ଯାବଦଚନ୍ଦ୍ର ସିଂ ଯୋଗ େଇଥିଲେ ।  ଦିଗସିରା ଉଚ୍ଚ ବିଦ୍ୟାଳୟରେ ମଧ୍ୟ ଅନୁରୁପ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।