16-Jun-2026

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ବକଟି ପଂଚାୟତ ପରିସର ରେ ପଂଚାୟତ ସ୍ତରୀୟ ଜନ ଶୁଣାଣି ଶିବିର ଅନୁଷ୍ଠିତ ହୋଇଛି | ପାନୀୟ ଜଳ ସମସ୍ୟା କୁ ନେଇ ଗାଁ ର ଶତାଧିକ ମହିଳା ପଂଚାୟତ ସମ୍ମୁଖରେ ଗରିଆ, ଗଞ୍ଜ, ଡେ଼କଚି ରଖି କାହାରିକୁ ଭିତରକୁ ଛାଡି ନଥିଲେ l ବିଡ଼ିଓ ମହାପାତ୍ର କୁଲଦୀପ ମହାନ୍ତି ପହଂଚିବା ପରେ ଯଥା ଶୀଘ୍ର ଏହାର ସମାଧାନ କରାଯିବ ବୋଲି ପ୍ରତିଶୃତି ଦେବା ପରେ ମହିଳା ମାନେ ଓହରିଥିଲେ l ଯାହା ଫଳରେ ଅଭିଯୋଗ ଶୁଣାଣି ଚାଲିବାରେ ଟିକେ ବିଳମ୍ବ ହୋଇଥିଲା l ପିଇଓ ରିକିତାରାଣୀ ପଟ୍ଟନାୟକ ଙ୍କ ତତ୍ୱାବଧାନ ରେ ଅନୁଷ୍ଠିତ ଶିବିର ରେ ବିଡ଼ିଓ ମହାପାତ୍ର କୁଲଦୀପ ମହାନ୍ତି, ଜିପିଡିଓ ଦେବରାଜ ତାଣ୍ଡି ଯୋଗ ଦେଇଥିଲେ l ମୋଟ ୧୬ ଟି ଅଭିଯୋଗ  ପଞ୍ଜିକୃତ ହୋଇଥିବା ବେଳେ ଏହା ଉପରେ ଶୁଣାଣି କରାଗଲା l ପ୍ରବଳ ଗ୍ରୀଷ୍ମପ୍ରବାହ ଯୋଗୁଁ ବିଶେଷ କରି ପାନୀୟ ଜଳ ସମସ୍ୟା ସମ୍ପର୍କ ରେ ଆଲୋଚନା ହୋଇଥିଲା l ଅଙ୍ଗନଦୀ ରୁ ବକଟି କୁ ପିଇବା ପାଣି ଯୋଗାଣ ହେଉଥିବା ବେଳେ ପ୍ଲାଷ୍ଟିକ ପାଇପ ଲାଗିଥିବାରୁ ବାରମ୍ବାର ପାଇପ ଫାଟୁଥିବା ରୁ ୫ ହଜାର ଲୋକ ସଂଖ୍ୟା ବିଶିଷ୍ଟ ଏହି ଗାଁ ରେ ପାଣି ପାଇଁ ଡହଳବିକଲ ହେଉଛନ୍ତି ଲୋକେ l ଏଥିଯୋଗୁଁ ପ୍ଲାଷ୍ଟିକ ବଦଳ ରେ ଲୁହା ପାଇପ ଦେବାକୁ ଦାବୀ କରିଛନ୍ତି l ଏହି ଜନ ଶୁଣାଣି ଶିବିର ରେ ଏଡିଇଓ ବିଜୟ ସାହୁ, ବିଏସଏସଓ ସୁଶାନ୍ତ ମହାକୁର, ଉନ୍ନୟନ ଯନ୍ତ୍ରୀ ବିପିନ ରାଉତ, ଅଭିରାମ ସାହୁ, ଆଲୋକ ମିଶ୍ର, ଉମାଶଙ୍କର ବେହେରା, ସର୍ବେଶ୍ୱର ପୁଟେଲ ପ୍ରମୁଖ ବ୍ଲକ ସ୍ତରୀୟ ଅଧିକାରୀ ଉପସ୍ଥିତ ଥିଲେ l ଶିବିର ରେ ସୁଶୀଲ ସେଠ ସଭା ସଂଯୋଜନା କରିଥିବା ବେଳେ ସମସ୍ତ ପଂଚାୟତ କର୍ମଚାରୀ ସହଯୋଗ କରିଥିଲେ l