16-Jun-2026

ବରପାଲି,(ସୁଦାମ ଦୀପ ): ବରପାଲି ଶୀତଳଷଷ୍ଠୀ ମହୋତ୍ସବର ଉନପଞ୍ଚାଶତ୍ତମ (୧୪୯ତମ) ବର୍ଷରେ ପଦାର୍ପଣ ହୋଇଥିବା ବେଳେ ଆଦ୍ୟପର୍ବ ପତରପେଣ୍ଡୀ ନିତି ସମ୍ପର୍ଣ୍ଣ ହୋଇଯାଇଛି। ଗତ ରାତ୍ର ସମୟରେ ଯାତ୍ରାକମିଟି ଓ ଶୈବଭକ୍ତଙ୍କ ଗହଣରେ ଏକ ଶୋଭାଯାତ୍ରା ଭଣ୍ଡାରଗୃହରୁ ବାହାରି ବାବା କପିଳେଶ୍ବର ମନ୍ଦିରରେ ପହଞ୍ଚି ପୂଜାର୍ଚ୍ଚନା ସହିତ ଶିବପାର୍ବତୀ ଦେବଦମ୍ପତିଙ୍କୁ ପାଲିଙ୍କିଯାତ୍ରାରେ ପରିକ୍ରମା ମାଧ୍ୟମରେ ପୂଜାମଣ୍ଡପ (ଭଣ୍ଡାରଗୃହ)କୁ ଆଣିଥିଲେ। ଶୋଭାଯାତ୍ରା  ଗାନ୍ଧୀଛକରେ ପହଞ୍ଚିଲା ପରେ ଭକ୍ତ ମାନଙ୍କ ଦ୍ୱାରା ସହସ୍ର ଆରତୀ ଅର୍ପଣ କରାଯାଇଥିଲା। ମଧ୍ୟରାତ୍ର ସମୟରେ ଶ୍ରୀ ଶ୍ରୀ କପିଳେଶ୍ଵର ବାବବାଙ୍କ ମନ୍ଦିରରେ ମହାଦୀପ ସଂସ୍ଥାପନ କରାଯାଇଥିଲା।
 ମଙ୍ଗଳବାର (ଜ୍ୟେଷ୍ଠ ଶୁକ୍ଳପକ୍ଷ ଦ୍ବିତୀୟା) ପତରପେଣ୍ଡି ଉତ୍ସବ ଆୟୋଜିତ ହୋଇଥିଲା।
ପୁର୍ବାହ୍ନରେ ଶ୍ରୀ ଶ୍ରୀ ହରପାର୍ବତୀ ଓ ନଟରାଜ ଦେବଙ୍କ ସ୍ନାନ ସମାପନ ପରେ ଶତଆରତୀ, ପ୍ରାର୍ଥନା, ଭୋଗ ଅର୍ପଣ ହୋଇଥିଲା। ମଧ୍ୟାହ୍ନ ସମୟରେ ବରିଷ୍ଟ ପଣ୍ଡିତ ମାନଙ୍କ ଦ୍ବାରା ରୁଦ୍ରଯଜ୍ଞର ଶୁଭାରମ୍ଭ କରାଯାଇଥିଲା। ପରେ ଦେବଦମ୍ପତିଙ୍କୁ ଅମୃତ ମଣୋହୀ ଭୋଗ ଅର୍ପଣ କରାଯାଇଥିଲା।
 ସନ୍ଧ୍ୟା ସମୟରେ ଆରତୀ, ପ୍ରାର୍ଥନା ପରେ ବାବା ଶ୍ରୀ ଶ୍ରୀ କପିଳେଶ୍ୱରଙ୍କ ତରଫରୁ ପାତ୍ରୀ (କନ୍ୟା) ମନୋନୟନ ପତରପେଣ୍ଡି ଶୋଭାଯାତ୍ରା ବାହାରି ନଗର ପରିକ୍ରମା କରିବା ସହ ହିମାଦ୍ରୀ ନଗର ନୁଆପଡାରେ ପହଞ୍ଚିଥିଲା। ପରେ ପାତ୍ରୀ ମନୋନୟନ ଉତ୍ସବ ରାତ୍ର ୧୦ଘ. ମଧ୍ୟେ ବୈଦିକ ରୀତିରେ ସମ୍ପନ୍ନ ହୋଇଥିଲା ସହରର ବିଭିନ୍ନ ସ୍ଥାନରେ ମନୋରଞ୍ଜନ କାର୍ଯ୍ୟକ୍ରମ ମାନ ପରିବେଷଣ କରାଯାଇଥିଲା।
 ରାତ୍ର. ସମୟରେ ଶ୍ରୀ ଶ୍ରୀ ଯୋଗେଶ୍ୱର ମନ୍ଦିରରେ ମହାଦୀପ ସଂସ୍ଥାପନ ହୋଇଥିଲା। ଆସନ୍ତା କାଲି ବୁଧବାର (ଜ୍ୟେଷ୍ଠ ଶୁକ୍ଳପକ୍ଷ ତୃତୀୟା ରାତ୍ର ସମୟରେ ଭୈରବ ଦେବଙ୍କର ପରିକ୍ରମାରେ ଦେବନିମନ୍ତ୍ରଣ ଓ ଗୁଆଗୁଣ୍ଡା ବିତରଣ ଉତ୍ସବ ପାଳିତ ହେବ ।