20-Dec-2023

ବଲାଙ୍ଗୀର(ପ୍ରେରଣା ଖବର) -ବଲାଙ୍ଗୀର ଜିଲ୍ଲା ପାଟଣାଗଡ ଉପଖଣ୍ଡର ବନେଇମୁଣ୍ଡା ପେକ୍ସରେ ଧାନବିକ୍ରିରେ ଚାଷୀ ମାନେ ବହୁତ ଅସୁବିଧାର ସମ୍ମୁଖିନ ହେଉଛନ୍ତି । ଚଳିତବର୍ଷ ୨୦୨୩-୨୪ ଖରିଫରେ ଧାନବିକ୍ରୀ ପାଇଁ ପଞ୍ଜିକରଣ କରିଥିଲେ ହେଁ ଚାଷୀଙ୍କ ଟୋକନ ଜେନେରେଟ ହୋଇନାହିଁ କି ମେସେଜ ମଧ୍ୟ ଆସିନାହିଁ । ଏପଟେ ଜିଲ୍ଲାରେ ଧାନମଣ୍ଡି ଖୋଲି ଧାନ ବିକ୍ରୀ ଆରମ୍ଭ ହୋଇଥିଲେ ହେଁ ବନେଇମୁଣ୍ଡାର ଚାଷିଙ୍କ ସମସ୍ୟାର ସମାଧାନ ହୋଇନାହିଁ । ଚାଷୀମାନେ ଏନେଇ ପାଟଣାଗଡ ଉପଜିଲ୍ଲାପାଳଙ୍କୁ ପ୍ରଥମେ ଭେଟି ଆଲୋଚନା କରିଥିଲେ । କିନ୍ତୁ କିଛି ମଧ୍ୟ ସମସ୍ୟାର ସମାଧାନ ହେଲା ନାହିଁ । ତେଣୁ ଆଜି ଚାଷୀମାନେ ଜିଲ୍ଲାପାଳ କାର୍ଯ୍ୟାଳୟକୁ ଅତିରିକ୍ତ ଜିଲ୍ଲାପାଳ ଲମ୍ବୋଦର ଧରୁଆଙ୍କୁ ଭେଟିଥିଲେ । ଏଡିଏମ ଶ୍ରୀ ଧରୁଆଙ୍କ କାର୍ଯ୍ୟାଳୟରେ ଚାଷିମାନଙ୍କ ସହିତ ସମବାୟ ବିଭାଗର ଡିଆରସିଏସ ଡ.ଦମୟନ୍ତି ସିଂ ଆଲୋଚନା କରିଥିଲେ ।  ଚାଷୀ ମାନେ ଅଭିଯୋଗ କରିଛନ୍ତି ଯେ,ବନେଇମୁଣ୍ଡା ପେକ୍ସରେ ପ୍ରାୟ ୩୫୦ ଜଣ ଚାଷୀ ଧାନବିକ୍ରି ପାଇଁ ପଞ୍ଜିକରଣ କରିଥିଲେ । କିନ୍ତୁ ଚାଷୀ ିମାନଙ୍କର ଟୋକନ ଆସିନାହିଁ । ଯେଉଁମାନେ ୫୦କ୍ୱିଣ୍ଟାଲ ପାଇଁ  ଆବେଦନ କରିଥିଲେ ସେମାନଙ୍କର ୩ରୁ ୫କ୍ୱିଣ୍ଟାଲ ଧାନବିକ୍ରୀ ପାଇଁ ମେସେଜ ଆସିଛି । ଫଳରେ ଚାଷୀମାନେ ଚିନ୍ତାରେ ରହିଛନ୍ତି । ଚାଷି ପୂର୍ଣ୍ଣଚନ୍ଦ୍ର ମେହେର,କୃଷ୍ଣ ନାଏକ,ପ୍ରଦ୍ୟୁମ୍ନ ନାଏକ,ବିଶ୍ୱରାଜ ପଟେଲ,ସୁଶାନ୍ତ ମେହେର,ନିଳାମ୍ବର ମେହେର,ଲିଙ୍ଗରାଜ ମେହେର,ଅମିତ ମେହେର,ଜଗବନ୍ଧୁ ମେହେର,ସୁରୁ ମେହେର,ପରମାନନ୍ଦ ରାଉତ,ଗଣ୍ଡାରାମ ମାଝୀ,ପ୍ରଦୀପ ନାଏକଙ୍କ ସହ ଶତାଧିକ ଚାଷୀ ଆଜି ଆସିଥିଲେ । ତେବେ ଡିଆରସିଏସ ଶ୍ରୀମତୀ ସିଂଙ୍କୁ ପଚାରିବାରୁ ଚାଷିଙ୍କ ଟୋକନ ସମସ୍ୟା ରହିଛି । ଚାଷୀଙ୍କ ତାଲିକା ପ୍ରସ୍ତୁତ କରି ସମସ୍ୟା ବିଷୟରେ ରାଜ୍ୟସରକାରଙ୍କୁ ପତ୍ରଲେଖି ଅବଗତ କରାଯିବା ବୋଲି ସେ କହିଛନ୍ତି ।