20-Dec-2023

ଧମା,,ଆଜି ମା ଝାଡେଶ୍ବରୀ ଉଚ୍ଚ ମାଧ୍ୟମିକ ବିଦ୍ୟାଳୟ ପକ୍ଷରୁ ନୂଆ-ଓ ଯୁବ ଓଡିଶା ନବୀନ ଓଡିଶା କାର‌୍ୟ୍ୟକ୍ରମ ଅନ୍ତର୍ଗତ ସମନ୍ୱିତ ଯୁବ ବିକାଶ କାର‌୍ୟ୍ୟକ୍ରମରେ ବିଦ୍ୟାଳୟର ପୋଷ୍ୟ ଗ୍ରାମ ହୁମା ପଞ୍ଚାୟତ ଅନ୍ତର୍ଗତ ବାଲପୁର ଗ୍ରାମରେ ‘ଜ୍ୟୋତି’ ଅନୁଷ୍ଠାନର ମିଳିତ ଆନୁକୁଲ୍ୟରେ ଚକ୍ଷୁ ପରୀକ୍ଷା ଓ ସଚେତନତା ଶିବିର ଆୟୋଜିତ ହୋଇଯାଇଛି।ଏହି ଅବସରରେ  ବିଦ୍ୟାଳୟର ଅଧ୍ୟକ୍ଷ ଅଶୋକ କୁମାର ପୁରୋହିତଙ୍କ ସଭାପତିତ୍ୱରେ ଆୟୋଜିତ ସଭାରେ ମୁଖ୍ୟଅତିଥି ଭାବରେ ଜିଲ୍ଲା ପରିଷଦ ସଭ୍ୟା ଗୀତାଞ୍ଜଳି ଯୋଗଦେଇ ିଥିଲେ । ଜ୍ୟୋତି ଅନୁଷ୍ଠାନର ସଭାପତି ଡ. ପରେଶ ଚନ୍ଦ୍ର ଦାନୀ ଉପସ୍ଥିତ ଛାତ୍ରଛାତ୍ରୀ ତଥା ଗ୍ରାମବାସୀଙ୍କୁ ଚକ୍ଷୁ ଦାନର ମହତ୍ତ୍ୱ ଓ ଏହାକୁ ନେଇ ବିଭିନ୍ନ ଅନ୍ଧବିଶ୍ୱାସ ଆଦି ବିଷୟରେ ସଚେତନ କରାଇଥିଲେ। ଡା. ସୁରେଶ ଚନ୍ଦ୍ର ଦାନୀ ତାଙ୍କ ବକ୍ତବ୍ୟରେ ଆଖିପତା ତଥା ସ୍ୱଚ୍ଛ ପଟଳର ସୁରକ୍ଷା ଏବଂ ବିଭିନ୍ନ ଭିଟାମିନ ତଥା ଔଷଧର ପ୍ରୟୋଗ ଆଦି ବିଷୟରେ ବ୍ୟାପକ ଭାବରେ ବୁଝାଇ ଥିଲେ।