11-Dec-2023

ରେଢାଖୋଲ ( ଅନିଲ ପୃଷ୍ଟି ) ସନ୍ଥକବି ଭୀମ ଭୋଇ କୃଷକ ସଂଘର ସମ୍ପାଦକ ଅଜୟ କୁମାର ସାହୁ ଙ୍କ ନେତୃତ୍ୱରେ ରେଢାଖୋଲ ଉପଖଣ୍ଡ ର ଉପ ସଭାପତି ମହେଶ ପ୍ରଧାନ ଙ୍କ ସହଯୋଗ ରେ ରେଢାଖୋଲ ପଞ୍ଚାୟତ ସମିତି ଅଞ୍ଚଳ ବିଭିନ୍ନ କୃଷକ ସଂଘର କୃଷକ ନେତୃବୃନ୍ଦ ଙ୍କ କୃଷକଙ୍କ ବିଭିନ୍ନ ସମସ୍ୟା ନେଇ ୧୨ ଦଫା ଦାବି ନେଇ ରେଢାଖୋଲ ଉପ ଜିଲ୍ଲାପାଳଙ୍କ ଜରିଆରେ କାର୍ଯ୍ୟାଳୟ କୁ ଆସି ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟରେ ଦାବିପତ୍ର ଦିଆହୋଇଥିଲା ଏଥିରେ ମୁଖ୍ୟ ସମସ୍ୟା ହେଲା ସର୍ବନିମ୍ନ ସହାୟକ ମୂଲ୍ୟ ଧାନ କ୍ୱିଣ୍ଟାଲ ପ୍ରତି ୩୨୦୦ ଟଙ୍କା କୁ ବୃଦ୍ଧି କରାଯାଉ, ମଣ୍ଡି ମାନଙ୍କରେ କଟନୀ ଛଟନି ବନ୍ଦକରାଯାଉ, ରବିଫସଲ ଓ ଧାନର ଏମ ଏସ ପି କୁ ଆଇନରେ ପରିଣତ କରାଯାଉ,ଚାଷିଙ୍କ ଟୋକନରେ ବିକ୍ରି କରିବାପାଇଁ ଅନୁମତି ଦିଆଯାଇଥିବା ଧାନ ର ପରିମାଣ ର ପୁନର୍ବାର ଆକଳନ କରି ( ରିଭେରିଫିକେସନ )କରାଯାଉ, ଅଣଜଳ ସେଚିତ ଜମିରେ ଧାନ ର ଏକର ପ୍ରତି ୧୮ କ୍ୟୁଣ୍ଟାଲ କରାଯାଉ,ପ୍ରାକୃତିକ ଦୁର୍ବିପାକ ହେଲେ ଓ ମରୁଡ଼ି ହେଲେ ଇନପୁଟ ସବସିଡି ଏକର ପ୍ରତି 20 ହଜାର ଟଙ୍କା କରାଯାଉ,ଚାଷିକୁ ଯଦି କୌଣସି ମୃତ୍ୟୁ ହେଲେ ବା ଦୁର୍ଘଟଣା ଜନିତ ମୃତ୍ୟୁ ହେଲେ ପରିବାର ବର୍ଗଙ୍କୁ ୧୫ ଲକ୍ଷ ଟଙ୍କା ସମୟ ସୀମା ମଧ୍ୟରେ ଦିଆଯାଉ, ମାଙ୍କଡ ମାନଙ୍କ ଦ୍ୱାରା କ୍ଷୟକ୍ଷତି ହେଲେ ଆଇନରେ ପରିଣତ କରାଯିବା ସହିତ ବନବିଭାଗ ଦ୍ୱାରା କ୍ଷତିପୂରଣ ରାଶି ସମୟ ସୀମା ମଧ୍ୟରେ ଦିଆଯାଉ,ଅଦିନିଆ ବର୍ଷରେ କ୍ଷୟକ୍ଷତି ଓ ବନ୍ୟଜନ୍ତୁ ଙ୍କ ଦ୍ୱାରା ତଦନ୍ତ କରି କ୍ଷତିଗ୍ରସ୍ତ ଚାଷୀମାନଙ୍କୁ ତାଙ୍କ କ୍ଷତିପୂରଣ ପ୍ରଦାନ କରାଯାଉ, କୃଷିବିଭାଗ ଓ କୃଷିଯନ୍ତ୍ରପାତି ବିକ୍ରି କରୁଥିବା ଡିଲର ସହିତ ବ୍ୟାଙ୍କ ମାନଙ୍କରେ ଦେଖାଦେଉଥିବା ସମସ୍ୟା ଉପରେ

ଦୃଷ୍ଟି ଆକର୍ଷଣ କରି  ଚାଷୀଙ୍କ ପାଇବାକୁ ଥିବା ସବସିଡି ର ରାଶି ସମୟ ସୀମା ମଧ୍ୟରେ ଦିଆଯାଉ, ଏଭଳି ୧୨ ରୁ ଉର୍ଦ୍ଧ୍ଵ ଦଫା ଦାବି ଦିଆଯାଇଥିଲା ।ବିଭିନ୍ନ ପଞ୍ଚାୟତ ରୁ ଚାଷୀ ନେତୃବୃନ୍ଦ ଉପସ୍ଥିତ ରହି ଦିଆହୋଇଥିଲା,  ଯଦି ଆଗାମୀ ଦିନରେ କୃଷକଙ୍କ ସମସ୍ୟା ସମାଧାନ ନ ହେଲେ ଆନ୍ଦୋଳନ ପନ୍ଥା ଗ୍ରହଣ କରାଯିବ ବୋଲି ଚେତାବନୀ ଦିଆଯାଇଛି। ଏଥିରେ ରେଢାଖୋଲ ଉପଖଣ୍ଡ ଉପସଭାପତି ମହେଶ ପ୍ରଧାନ,ସନ୍ଥ କବି ଭୀମ ଭୋଇ କୃଷକ ସଂଘର  ସଭାପତି ଅଶ୍ୱିନି ପ୍ରଧାନ, ଉପ ସଭାପତି ପ୍ରମୋଦ ପ୍ରଧାନ, ରାଜେନ୍ଦ୍ର ବେହେରା,  ରାଜେନ୍ଦ୍ର ପ୍ରଧାନ , ପୁର୍ବତନ ସରପଞ୍ଚ ନିର୍ବାଚନ ଦେହୁରୀ, ନନ୍ଦକିଶୋର ବେହେରା, କଦଳୀଗଡ ଦଧିବାମନ କୃଷକ ସଂଘ ର ସଭାପତି ବୃଷଭାନୁ ପ୍ରଧାନ,ସତ୍ୟାନନ୍ଦ ବାଘ, ଭୁବନେଶ୍ବର ପ୍ରଧାନ,ବଡବାହାଳ ଗ୍ରାମ ପଞ୍ଚାୟତର କୃଷକ ନେତା ଭଗବାନ ପ୍ରଧାନ,ଭିକାରି ବେହେରା, ବିଭିନ୍ନ ପଞ୍ଚାୟତ ରୁ ବହ କୃଷକ ନେତୃବୃନ୍ଦ ଉପସ୍ଥିତ ରହି ଦାବିପତ୍ର ଦିଆହୋଇଥିଲା,