11-Dec-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅନ୍ତର୍ଗତ ଲୋଇସିଂହା ପଂଚାୟତ ଠାରେ ବିକଶିତ ଭାରତ ସଂକଳ୍ପ ଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ରେ ପ୍ରଥମେ ସଚେତନତା ରଥ ପହଂଚିବା ପରେ ଭବ୍ୟ ସ୍ବାଗତ କରାଯାଇଥିଲା l ଲୋଇସିଂହା ସରପଞ୍ଚ ଶ୍ରୀ ନବକିଶୋର ନାଏକ ଙ୍କ ସଭାପତିତ୍ୱ ରେ ଆୟୋଜିତ ଏହି କାର୍ଯ୍ୟକ୍ରମ ରେ ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ, ଗୋଷ୍ଠୀ ଉନ୍ନୟନ ଅଧିକାରୀ ଯୁଧିଷ୍ଠିର ମେହେର, ଥାନା ଅଧିକାରୀ ଯାଜ୍ଞସେନୀ ନାଏକ ପ୍ରମୁଖ ଯୋଗାଦେଇ ନିଜ ସୁଚିନ୍ତିତ ମତାମତ ରଖିଥିଲେ l ଅନ୍ୟ ମାନଙ୍କ ମଧ୍ୟରେ ଲୋଇସିଂହା ବିଜେପି ମଣ୍ଡଳ ସଭାପତି ସରୋଜ ସାହୁ, ଭୁତନାଥ ନାଏକ, ଗୌରାଙ୍ଗ ନାଏକ, ରୋହିତ ଜୁଏଡ଼ ଯୋଗଦେଇ କେନ୍ଦ୍ର ସରକାର ଙ୍କ ତରଫରୁ କାର୍ଯ୍ୟକାରୀ ହୋଇଥିବା ବିଭିନ୍ନ ଯୋଜନା ସମ୍ବନ୍ଧରେ ଅବଗତ କରାଇଥିଲେ l ଏହି ଅବସରରେ ରାଷ୍ଟ୍ରୀୟ ବିକାଶ ଓ ସଂହତି କୁ ନେଇ ସାମୁହିକ ଶପଥ ପାଠ କରାଯାଇଥିଲା l କେନ୍ଦ୍ର ସରକାର ଙ୍କ ଦ୍ୱାରା କାର୍ଯ୍ୟକାରୀ ହେଉଥିବା ଜନକଲ୍ୟାଣ ଯୋଜନା ର ସଫଳତା ଉପରେ ଆଲୋଚନା ହୋଇଥିଲା l ଏହି ଅବସରରେ ଲୋଇସିଂହା ବ୍ଲକ ଜିପିଓ ତଥା ନୋଡାଲ ଅଫିସର ଶ୍ରୀଯୁକ୍ତ କିଶୋର ମାନସିଂହ କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ଅନ୍ୟ ମାନଙ୍କ ମଧ୍ୟରେ ସ୍ୱୟଂ ସହାୟକ ଗୋଷ୍ଠୀ ର ମହିଳା, ସି.ଆର. ପି ବ୍ୟାଙ୍କ ମିତ୍ର, ଏମ. ବି. କେ ମହିଳା, ଅଙ୍ଗନୱାଡି କର୍ମୀ, ଆଶା କର୍ମୀ, ଛାତ୍ରଛାତ୍ରୀ ତଥା ଜନ ସାଧାରଣ ଉପସ୍ଥିତ ରହି ସମ୍ପୂର୍ଣ୍ଣ ସହଯୋଗ କରିଥିଲେ l ଶେଷରେ ଲୋଇସିଂହା ସରପଞ୍ଚ ଶ୍ରୀ ନବକିଶୋର ନାଏକ ଧନ୍ୟବାଦ ଅର୍ପଣ କରି କାର୍ଯ୍ୟ ସମାପ୍ତ କରିଥିଲେ l