26-Nov-2023

ସୋନେପୁର( ପ୍ରେରଣା ଖବର )
 ସୋନେପୁର ମହାବିଦ୍ୟାଳୟ ପରିସରରେ ଜାତୀୟ ସମର ଶିକ୍ଷାର୍ଥୀ ବାହିନୀ ଦିବସ ମହାସମାରୋହରେ ପାଳିତ ହୋଇ ଯାଇଛି। ଏହି ଅବସରରେ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ରାଜୀବ ଲୋଚନ ଆଚାର୍ଯ୍ୟ ପତାକା ଉତ୍ତୋଳନ କରି ଏନ୍ ସି ସି କ୍ୟାଡେଟ ମାନଙ୍କୁ ଏକତା ଶୃଙ୍ଖଳା ଓ ଅନୁଶାସନ ରକ୍ଷା କରି ଦେଶ ଜାତି ଓ ସମାଜ ପାଇଁ ଉତ୍ସର୍ଗୀକୃତ ହେବାକୁ ପରାମର୍ଶ ଦେଇଥିଲେ। ମହାବିଦ୍ୟାଳୟର ଏନ୍ ସି ସି ଅଫିସର ଲେପ୍ଟେନାଣ୍ଟ ଆଶିଷ କୁମାର ଅଗ୍ରୱାଲ ଏନ୍ ସି ସି ର ଇିହାସ ଓ ଉଲ୍ଲେଖନୀୟ କାର୍ଯ୍ୟ ସମ୍ପର୍କରେ ଦୃଷ୍ଟିପାତ କରିଥିଲେ। ମହିଳା ସମର ଶିକ୍ଷ୍ୟାର୍ଥି ବାହିନୀ ଇଉନିଟର କ୍ୟାଡେଟ ମାନେ ଏନ୍ ସି ସି ର ସାମୁହିକ ସଙ୍ଗୀତ ପରିବେଶ କରିଥିଲେ। ଏହାପରେ ଅଧ୍ୟକ୍ଷ ଉଭୟ ପୁରୁଷ ଓ ମହିଳା ଏନ୍ ସି ସି ଇଉନିଟ ମିଳିତ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ ପ୍ୟାରେଡ ଓ ଗାର୍ଡ ଅଫ ଅନର କାର୍ଯ୍ୟକୁ ଅଣ୍ଡର ଅଫିସର ସୁବ୍ରତ ନାୟକ ପରିଚାଳନା କରିଥିଲେ। କାର୍ଯ୍ୟକ୍ରମର ଦ୍ବିତୀୟ ପର୍ଯ୍ୟାୟରେ ଅନୁଷ୍ଠିତ ବ୍ୟୋଦ୍ଧିକ ଶିବିରରେ କ୍ୟାଡେଟ ମାନଙ୍କୁ ବିଭିନ୍ନ ପ୍ରକାରର ସାମାଜିକ କର୍ତ୍ତବ୍ୟ ଉପରେ ତାଲିମ ଦିଆଯାଇଥିଲା। ଏହି ଉତ୍ସବରେ ଏନ୍ ସି ସି ର ପୂର୍ବତନ କମାଣ୍ଡର ତଥା ଅଭିଜ୍ଞ ପରାମର୍ଶ ଦାଦାମନେ ଯୋଗ ଦେଇଥିବା ବେଳେ ମହାବିଦ୍ୟାଳୟର ସମସ୍ତ ପୁରୁଷ ଓ ମହିଳା କ୍ୟାଡେଟ ମାନେ ଅଂଶଗ୍ରହଣ କରିଥିଲେ ମିଷ୍ଟାଣ୍ଟ ବଣ୍ଟନପରେ କର୍ଯ୍ୟକ୍ରମ ସମାପ୍ତ ହୋଇଥିଲା।ଏନସିସି କେଡେଟ ଆକାଶ, ଶିରୋମଣି, ସୁବ୍ରତ, ଛବିଳ,ଝାସକେତନ, ଲୋକନାଥ, ବିଦ୍ୟାଧର, ଲୋକନାଥ, ଜଗନ୍ନାଥ, ଉଜ୍ଜଲ, ରାଜେଶ୍, ବିଘ୍ନେଶ୍ୱର,କଲ୍ୟାଣୀ ତଥା ସମସ୍ତ ସମର ଶିକ୍ଷାର୍ଥି ବାହିନୀ ଯୋଗଦେଇ ସହଯୋଗ କରିଥିଲେ