26-Nov-2023

ବଲାଙ୍ଗିର(ପ୍ରେରଣା ଖବର ): ଆଜି ରବିବାର ଅପରାହ୍ନ ୪ ଘଣ୍ଟ।ରେ ଶ୍ରୀରାମ ଜନ୍ମଭୂମି ଅଯୋଧ୍ଯାରେ ଶ୍ରୀରାମ ଲାଲା ଙ୍କ ଠାରେ ପୂଜିତ ଅକ୍ଷତ କଳସ ବଲାଙ୍ଗିର ଜିଲ୍ଲାକୁ ଆସି ପହଞ୍ଚି ଯାଇଛି। ଏହି ଅକ୍ଷତ କଳସକୁ ଶତାଧିକ ରାମଭକ୍ତ ସୁଦପଡା ସ୍ଥିତ ହନୁମାନ ମନ୍ଦିର ଠାରେ ସ୍ଵାଗତ କଲାପରେ ହନୁମାନଙ୍କ ଠାରେ ଆରତୀ କରାଯାଇଥିଲା l ପରେ କିର୍ତ୍ତନ ଘଣ୍ଟ ବାଦନ ସହ ଏକ ଭବ୍ଯ ଶୋଭାଯାତ୍ରା ସହିଚ  ନଗର ପରିକ୍ରମା କରାଯାଇ ମାର୍କେଟ ସ୍ଥିତ ଶ୍ରୀରାମ ଚରିତ ମାନସ ମନ୍ଦିରରେ ସ୍ଥାପନା କରାଯାଇ ଥିଲା । ଶୋଭାଯାତ୍ରା ରାସ୍ତାରେ ରାଧାକୃଷ୍ଣ ମନ୍ଦିର, ଜଗନ୍ନାଥ ମନ୍ଦିର, ସମଲେଶ୍ବରୀ ମନ୍ଦିର ଇତ୍ୟାଦିରେ ଏହି ଅକ୍ଷତ କଳସକୁ ପୂଜାର୍ଚ୍ଚନା କରାଯାଇଥିଲା । ଆଗାମୀ ଦିନରେ ଏହି ଅକ୍ଷତ ଜିଲ୍ଲାର ସମସ୍ତ ପରିବାରକୁ ନିମନ୍ତ୍ରଣ ସ୍ଵରୂପ ପହଁଞ୍ଚିବ ବୋଲି ବିଶ୍ବହିନ୍ଦୁ ପରିଷଦର ବଲାଙ୍ଗିର ଜିଲ୍ଲା ସଭାପତି ଗୋବିନ୍ଦ ଚନ୍ଦ୍ର ମିଶ୍ର ଜଣାଇଛନ୍ତି ।
  ଗୋବିନ୍ଦ ଚନ୍ଦ୍ର ମିଶ୍ର ସଭାପତି ବିଶ୍ବହିନ୍ଦୁ ପରିଷଦ ଓ ସୌମ୍ୟରଞ୍ଜନ ମିଶ୍ର (ବରିଷ୍ଠ ନଗର ଶାରୀରିକ ପ୍ରମୁଖ 
ଆର ଏସ ଏସ) ଏହି ଅକ୍ଷତ କଳସ ଧରି ବଲାଙ୍ଗିର ଆସି ଥିଲେ ।