03-Nov-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ସହରର  ଢ଼େରlପଡା ଠାରେ  ପ୍ରସିଦ୍ଧ ହରଗୌରୀ  ଯାତ୍ରାରେ ପ୍ରତିଦିନ ହରଗୌରୀଙ୍କ ଠାରେ ତେଲୁଗୁ ରୀତିନୀତି ଅନୁଯାୟୀ ପୂଜାପାଠ ଚାଲିଛି। ରାୟଗଡ଼ା ଜିଲ୍ଲା ଗୁମୁଡାରୁ ଆସିଥିବା ତେଲୁଗୁ ପାନ୍ତୁଲୁ ଏ. ଦୁର୍ଗାପ୍ରସାଦ  ସମସ୍ତ ପୂଜାବିଧି ନିର୍ବାହ କରୁଛନ୍ତି। ଆଜିର ରୁଦ୍ରାଭିଷେକ, ଷୋଡଶ ଉପଚାର ପୂଜାର କର୍ତ୍ତା ଭାବରେ ରମେଶ ଅଗ୍ରୱାଲ, ସନ୍ତୋଷ ପାତ୍ର ଓ ରବି ନାରାୟଣ ମେହେର ସପତ୍ନୀକଙ୍କ ଦ୍ଵାରା  ପୂଜା ଅନୁଷ୍ଠିତ ହୋଇଥିଲା।   ପରଂମ୍ପରା ଅନୁଯାୟୀ ହରଗୈ।ରୀ ଙ୍କଠାରେ ପ୍ରତିଦିନ ପିଠାପଣା ଲାଗି କରାଯାଇଥାଏ। ହର ଗୌରୀ ମହାପ୍ରଭୁଙ୍କ ଯୃଗଳ ଦର୍ଶନ

କରିବା ପାଇଁ ଭକ୍ତ ଓ ଶ୍ରଦ୍ଧାଳୁଙ୍କ ଭିତରେ ଅପୂର୍ବ ଉତ୍ସାହ ପ୍ରକାଶ ପାଇଛି। ବିଶେଷ କରି ଏହି ଅବସରରେ   ମହିଳାଙ୍କ ଦ୍ଵାରା ବହୁ ପ୍ରତିକ୍ଷିତ କୁଙ୍କୁମ ପୂଜା ଆଜି ଅନୁଷ୍ଠିତ ହୋଇଛି। ଆଜି ସଂଧ୍ୟାର ସାଂସ୍କୃତିକ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଜିଲ୍ଲାପାଳ ବିମଳେନ୍ଦୁ ରାୟ, ମୁଖ୍ୟ ଅତିଥି ଭାବରେ ଯୋଗ ଦେଇ ସୁବର୍ଣ୍ଣପୁରରେ ସବୁ ପ୍ରକାର କଳା ସଂସ୍କୃତି  ଭରି ରହିଛି l ଏବଂ ପର୍ଯ୍ୟଟକ ଙ୍କ ଆକର୍ଷଣ କେନ୍ଦ୍ର ପାଲଟିଛି ବୋଲି ମତ ରଖି ଥିଲେ l ସମ୍ମାନିତ ଅତିଥି ଭାବରେ ବିଜେଡି ନେତା ରମେଶ  ପୂଝାରୀ, ବୌଦ୍ଧ ବ୍ଲକ ଅଧ୍ୟକ୍ଷ ପ୍ରିୟଦର୍ଶୀ ପ୍ରତ୍ୟୁଷ ରଥ  (ବବି) ସୋନପୁର ବ୍ଲକ ଅଧ୍ୟକ୍ଷ ପ୍ରହଲ୍ଲାଦ ନାୟକ, ବିଜେଡି ନେତା ଶତ୍ରୁଘ୍ନ ପୃଷ୍ଟି,, ବିଜେଡି ନେତା ବେଲାର ସେନ ସାହୁ, ପ୍ରାକ୍ତନ ନିଗମ ଅଧ୍ୟକ୍ଷ ଅଭିମନ୍ୟୁ କୁଶଳ, ଯୋଗ ଦେଇ ଏହି ଯାତ୍ରାର ଭୁୟସୀ ପ୍ରଶଂସା କରି ଏହି ଯାତ୍ରା ଉନ୍ନତି ଲାଗି ସମସ୍ତ  ସହଯୋଗ ଲାଗି ପ୍ରତିଶୁତି ଦେଇଥିଲେ l  ସଭାକୁ କମିଟି ସଭାପତି ଦିଲ୍ଲୀପ ପାତ୍ର, ସଂଯୋଜନା କରିଥିବା ବେଳେ ସମ୍ପାଦକ ଜନ୍ମଞ୍ଜୟ ପାତ୍ର, ଉପ ସଭାପତି ଆନନ୍ଦ ପାତ୍ର, ସତ୍ୟ ନାରାୟଣ ରାଓ, ଶ୍ୟାମ ସୁନ୍ଦର ପାତ୍ର ଉପସ୍ଥିତ ଥିଲେ l ସୁଦୂର ରାଞ୍ଚି ର ମେଲୋଡ଼ି ଇକୋଡିଲା ଇଭେଣ୍ଟ୍ ର କଳାକାର ଙ୍କ ଗୀତ ନାଚ ରେ  ବିଳମ୍ବିତ ରାତି ଯାଏ  ହଜାର ହଜାର ଦର୍ଶକ ଖୁବ ମଜା ନେଇ ଥିଲେ l