30-Oct-2023

ବେଲପଡ଼ା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଲକ ନୁନହାଡ ଗାଁ ରେ ୩୮ ତମ ପ୍ରସିଦ୍ଧ ମାଁ ଗଜଲକ୍ଷ୍ମୀ ପୂଜା ଅନୁଷ୍ଠିତ ହୋଇଯାଇଛି। ସୂଚନା ଅନୁସାରେ ୨୭.୧୦.୨୩ ଦିନ ଅପରାହ୍ନ ୨ ଟାରେ ସ୍ଥାନୀୟ ଲାନ୍ଥ ନଦୀ ଠାରୁ କିର୍ତନ୍ୟ ମୃଦଙ୍ଗ କରି ପାଣି ଆଣି କଳସ ଯାତ୍ରା କରାଯାଇଥିଲା।୨୮.୧୦.୨୩ ଦିନ ସକାଳେ ପୂଜାରମ୍ଭ ହୋଇଥିବା ବେଳେ ରାତିରେ ମନୋରଞ୍ଜନ ପାଇଁ ବୈଠକୀ କୀର୍ତ୍ତନ ଓ ପୁରୁଷ ଦଣ୍ଡନୃତ୍ୟ ର ଆୟୋଜନ କରାଯାଇଥିଲା।୨୯/୧୦/୨୩ ଦିନ ରାତି ରେ ମନୋରଞ୍ଜନ ପାଇଁ ପୁରୁଷ ଦଣ୍ଡନୃତ୍ୟ ଓ ମହିଳା ଦଣ୍ଡନୃତ୍ୟ ର ଆୟୋଜନ କରାଯାଇଥିଲା।୩୦/୧୦/୨୩ ପୁରୁଷ ଓ ମହିଳା ଦଣ୍ଡନୃତ୍ୟ ର ଆୟୋଜନ କରାଯାଇଥିବାବେଳେ ୩୧/୧୦/୨୩ ରାତିରେ ଉଭୟ ପୁରୁଷ ଓ ମହିଳା ଦଣ୍ଡନୃତ୍ୟ ର ଆୟୋଜନ କରାଯାଇଛି।୧/୧୧ ଶେଷ ଦିବସ ରେ ଖାଲି ପୁରୁଷ ଦଣ୍ଡନୃତ୍ୟ ରହିଛି। ପ୍ରତ୍ୟେକ ଦିନ ସନ୍ଧ୍ୟାରେ ଦର୍ଶକଙ୍କ ପାଇଁ ଷ୍ଟେଜ ରହିଛି। ମୁଖ୍ୟ ଆକର୍ଷଣ ରେ କଟକ ର ରାଜଧାନୀ ଅପେରା ଚାଲୁଥିବା ବେଳେ ମୀନାବଜାର ମଧ୍ୟ ଚାଲିଛି। ନୁନହାଡ଼ ଗାଁ ର ଶାନ୍ତି ଶୃଙ୍ଖଳା ଓ ନାରୀମାନଙ୍କ ପ୍ରତି ସମ୍ମାନ ରହୁଥିବା ଯୋଗୁଁ ଅଞ୍ଚଳର ବହୁତ ଗୁଡ଼ିଏ ଶିଶୁ ଓ ମହିଳା ଏବଂ ପୁରୁଷ ଙ୍କ ଭିଡ଼ ଜମୁଛି। ପ୍ରତ୍ୟେକ ଶ୍ରଦ୍ଧାଳୁ ପାଇଁ କମିଟି ପକ୍ଷରୁ ଅନ୍ନ ପ୍ରସାଦ ଦିଆଯାଇଥାଏ। ମାଁ ଙ୍କ ପୂଜା ସ୍ଥାନରେ ମହାଦେବ ମେହେର ଓ ତାଙ୍କ ଧର୍ମପତ୍ନୀ କର୍ତ୍ତା ଭାବେ ଦାୟୀତ୍ବ ତୁଲାଉଥିବା ବେଳେ ପୂଜକ ଭାବେ ଶ୍ୟାମ ସୁନ୍ଦର ପଣ୍ଡା ଦାୟିତ୍ଵ ତୁଲାଉଛନ୍ତି। ଭକ୍ତମାନଙ୍କ ପାଇଁ ଗୀତଗାନ କରାଇବା ପାଇଁ ଗାୟକ ଭାବେ ସଞ୍ଜିବ ଶତପଥୀ ରହିଛନ୍ତି।ଚଳିତବର୍ଷ କମିଟିର ସଭାପତି ଦେବ ସାହୁ,ଉପ ସଭାପତି ସ୍ବପ୍ନେଶ୍ବର ମଲ୍ଳିକ, ସମ୍ପାଦକ ପ୍ରମୋଦ ମେହେର,ସହ ସମ୍ପାଦକ ଶୁଶାନ୍ତ ସାହୁ, କୋଷାଧ୍ୟକ୍ଷ ସମୀର ପଣ୍ଡା ଓ ଅନ୍ୟାନ୍ୟ ସଦସ୍ୟ ଗଣେଶ ମେହେର, ଅନିଲ ସାହୁ, ଟିକେଶ୍ବର ମେହେର, ସୂର୍ଯ୍ୟକାନ୍ତ ପୁଟେଲ, ଜ୍ଞାନ ସମରଥ,ତପନ ମେହେର,ଭକ୍ତ ବେହେରା, ନରେଶ ସାହୁ, ରାଧେଶ୍ୟାମ ବାଗ , ତ୍ରିଭୁବନ ନାଏକ,ସୁରେଶସନ ମେହେର, ଅର୍ଜୁନ ମହାଖୁଡ, ରଞ୍ଜନ ସାହୁ,ଭୋଲାନାଥ ସାହୁ, ମଣ୍ଟୁ ନାଏକ ଦାୟିତ୍ଵ ତୁଲାଉଛନ୍ତି। ମାଁ ଙ୍କ ଦର୍ଶନ କରିବାକୁ ଆଜି କଂଗ୍ରେସ ର ପି ସି ସି ସଦସ୍ୟ ଅନିଲ କୁମାର ମେହେର ଯୋଗଦାନ କରିଥିବା ବେଳେ ତାଙ୍କ ସାଙ୍ଗରେ ଯୁବ କଂଗ୍ରେସ ସଭାପତି ଚନ୍ଦନ ସାହୁ ,ସାଧୁ ମେହେର, ବିଦ୍ୟାଧର ମେହେର ପ୍ରମୁଖ ଉପସ୍ଥିତ ଥିଲେ। ନୁନହାଡ଼ ଗାଁ ର ଏକତା ହିଁ ବଳ ଯାତ୍ରା କୁ  ଆଗାମୀ ଦିନରେ ଆହୁରି ସୁଦୃଢ଼ କରିପାରିବ ବୋଲି ଜନସାଧାରଣରେ ମତ ପ୍ରକାଶ ପାଉଛି।