30-Oct-2023

ବଲାଙ୍ଗୀର/ତୁଷୁରା(ପଞ୍ଚାନନ ନାଏକ ): ବଲାଙ୍ଗୀର ଜିଲ୍ଲା ଗୁଡଭେଲାବ୍ଲକର ଧରିତ୍ରୀ ସାମ୍ବାଦିକ ମନୋଜ କୁମାର ଜୈନଙ୍କୁ ତୁଷୁରା ପୋଲିସ ଅଯଥାରେ ହଇରାଣ କରିବା ସହ ମିଥ୍ୟା କେଶରେ ଛନ୍ଦି ଦେଉଥିବା ନେଇ ସୋମବାର ବଲାଙ୍ଗୀର ଅତିରିକ୍ତ ଜିଲ୍ଳା ଅରକ୍ଷୀଧିକାରୀ ସୁରେଶ ନାୟକଙ୍କ ଠାରେ ଶ୍ରୀ ଜୈନ ଅଭିଯୋଗ କରିଥିଲେ । ଅଭିଯୋଗରେ ସତ୍ଯାସତ୍ଯା ଥିବା ଅନୁଭବ କରି ଶ୍ରୀ ଜୈନଙ୍କ ମାମଲାକୁ ବଲାଙ୍ଗୀର ଏସଡିପିଓ ତୁଫାନ ବାଗକୁ ତଦନ୍ତ କରିବାକୁ ଦେଇଥିଲେ। ଅଭିଯୋଗ ପତ୍ର ଅନୁଯାଇ,  ଗୁଡଭେଲାବ୍ଲକ ଅନ୍ତର୍ଗତ ପେନ୍ଦିମୁଣ୍ଡା ଠାରେ ଥିବା ଗଜାନନ ରାଇସ ମିଲ ମାଲିକଙ୍କ ବଡଭାଇ ଓମ ପ୍ରକାଶ ଶର୍ମା ହଠାତ ଆସି ସାମ୍ବାଦିକ ଶ୍ରୀ ଜୈନଙ୍କ ଛାତି ଉପରକୁ ଦୁଇ ହାତ ଠେଲି ଦେଲେ। ଏନେଇ ଶ୍ରୀ ଜୈନଙ୍କ ଅଭିଯୋଗ କ୍ରମେ ଏକ ମାମଳା ତୁଷୁରା ଥାନାରେ ତା୧୫-୧୦-୨୩ରେ ରୁଜୁ ହେଲା।  ଘଟଣା ସତ୍ଯଥିବା ନେଇ

ସିଭିସି କ୍ୟାମେରାରୁ ଜଣାପଡିଥିବା ପୋଲିସ ଜଣାଥିଲା।  କିନ୍ତୁ ରାଇସ ମିଲ ମାଲିକଙ୍କ ସହ ମଧୁଚନ୍ଦ୍ରିକା ରହିଥିବାରୁ ରାଇସ ମିଲ ମାଲିକଙ୍କୁ ଖୁସ କରିବାକୁ ଯାଇ ତୁଷୁରା ଥାନାଧିକାରୀ ସଞ୍ଜୀବ କୁମାର ପ୍ରଧାନ ପଲଟା ସାମ୍ବାଦିକଙ୍କ ନାମରେ ଏକ ମାମଳା ରୁଜୁ କରିବା ସହ ତାଙ୍କ ପରିବାରର ସମସ୍ତ ସଦସ୍ଯଙ୍କ ନାମରେ ୧୦୭ କେଶ ଲଗାଇଛନ୍ତି। ଥାନାଧିକାରୀ ଜଣକ ଅଯଥାରେ ମତେ ଆଇନ ଜାଲରେ ଫସାଇବା ଚେଷ୍ଟା କରୁଥିବା ଶ୍ରୀ ଜୈନ ନିଜ ଅଭିଯୋଗ ପତ୍ରରେ ଦର୍ଶାଇଛନ୍ତି।  ଏନେଇ ତୁଷୁରା ଥାନାଧିକାରୀ ସଞ୍ଜୀବ କୁମାର ପ୍ରଧାନଙ୍କୁ ପଚାରିବାରୁ ସବୁ ଅଭିଯୋଗ ମିଥ୍ୟା, ମୁଁ ଆଇନ ଅନୁଯାଇ କାର୍ଯ୍ଯ କରୁଛି ବୋଲି ସଫେଇ ଦେଇଥିଲେ।