30-Oct-2023

ବଲାଙ୍ଗିର(ପ୍ରେରଣା ଖବର )- ଗତ ୨୮ ଓ ୨୯ ଦୁଇ ଦିନ ଧରି ଭୁବନେଶ୍ୱର ସ୍ଥିତ ଉତ୍କଳ କରାଟେ ସ୍କୁଲରେ ୩୫ତମ ରାଜ୍ୟ ସ୍ତରୀୟ ସବ୍ ଜୁନିୟର କରାଟେ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ଅସୀମ କରାଟେ ଏକାଡେମୀର ୮ ଜଣ ପ୍ରତିଯୋଗୀ କୋଚ ଅସୀମ କୁମାର ଭୋଇଙ୍କ ନେତୃତ୍ୱରେ ଭାଗ ନେଇଥିଲେ ।  ଏଥିରେ ସମୀକ୍ଷା ସମୃଦ୍ଧି ଷଡଙ୍ଗି ୧୧ ବର୍ଷ

ବାଳିକା (+୪୫ କେଜି) କୁମିତେ ବିଭାଗରେ ସ୍ୱର୍ଣ୍ଣପଦକ, ଜୟମ ସାହୁ ୧୨ ବର୍ଷ ବାଳକ (-୫୦ କେଜି), କୁମିତେ ବିଭାଗରେ ସ୍ୱର୍ଣ୍ଣ ପଦକ ଓ ଦିପିକା ଭୋଇ ୮ ବର୍ଷ, ବାଳିକା ବିଭାଗ (-୩୦ କେଜି)କୁମିତେ ବିଭାଗରେ ବ୍ରୋଞ୍ଚ ପଦକ ପାଇଁ ଓଡିଶାକୁ ଗୌରବାନ୍ୱିତ କରିଛନ୍ତି । ଆସନ୍ତା ନଭେମ୍ବର ରେ ଦିଲ୍ଲୀରେ ହେବାକୁ ଥିବା ଜାତୀୟ ସ୍ତରୀୟ କରାଟେ ପ୍ରତିଯୋଗିତାରେ ସମୀକ୍ଷା ସମୃଦ୍ଧି ଷଡଙ୍ଗୀ ଓ ଜୟମ ସାହୁ ଭାଗ ନେବେ ବୋଲି କୋଚ ଅସୀମ ଭୋଇ ପ୍ରକାଶ କରିଛନ୍ତି ।

ଏ ଅବସରରେ ଓଡିଶା ରାଜ୍ୟ କରାଟେ ସଂଘ ସଂପାଦିକା ଡ. ଗୌରୀ ମହାନ୍ତି କୃତି ଛାତ୍ର ଛାତ୍ରୀମାନଙ୍କୁ ଶୁଭେଚ୍ଛା ଜ୍ଞାପନ କରିଛନ୍ତି । ପ୍ରକାଶ ଥାଉକି ବିଶ୍ୱ ପରିବେଶ ଦିବସ ଉପଲକ୍ଷେ ଭୁବନେଶ୍ୱର ସ୍ଥିତ ଲୋକସେବା ସଦନ ଠାରେ ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ପ୍ରଦୀପ କୁମାର ଅମାତ ବଲାଙ୍ଗିର ଜିଲ୍ଲା କରାଟେ ଅର୍ଗାନାଇଜେନସକୁ ପ୍ରକୃତି ମିତ୍ର ପୁରସ୍କାରରେ ପୁରସ୍କୃତ କରିଥିଲେ ।