30-Oct-2023

ବୀରମହାରାଜପୁର,( ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଖଣ୍ଡହତା ଠାରେ ୧୫ ତମ ଗଜଲକ୍ଷ୍ମୀ ପୂଜା ଅବସରରେ ଚାଲିଥିବା ଜଳନ୍ଧର ଦରବାର ସୋମବାର ଥିଲା ଚତୁର୍ଥ ରଜନୀ। ମୁକ୍ତ କାଶ ରଙ୍ଗମଞ୍ଚ ରେ ନାଟ୍ୟାଭିନୟ ରେ ଦେବର୍ଷି ନାରଦ ପରାମର୍ଶ କ୍ରମେ ପାର୍ବତୀ ଙ୍କୁ ହରଣ ପାଇଁ ହିମାଳୟ ଗମନ  ନାଟ୍ୟ ଅଭିନୟ ହୋଇଥିଲା। ଏଥିରେ ଜଳନ୍ଧର ଭୂମିକାରେ ଗୋପାଳ ଦାସ,ଶୁକ୍ରଚାର୍ଯ୍ୟ ଦିଲ୍ଲିପ ପୁଢ, ରାହୁଦତ୍ୟ କିଶୋର ଦଣ୍ଡସେନା, ନାରଦ ରାତ୍ର ବିଶ୍ଵାଳ ଓ ଶିବ ପଞ୍ଚା ଅଭିନୟ କରିଥିଲେ। ରଙ୍ଗସଭାରେ ରାଜନର୍ତ୍ତକୀ ଙ୍କ ଦ୍ଵାରା ରଙ୍ଗାରଙ୍ଗ ନୃତ୍ୟ ପରିବେଷଣ କାରାଯାଇଥିଲା। ବିଳମ୍ବିତ ରାତ୍ରି ପର୍ଯ୍ୟନ୍ତ ଦର୍ଶକ ମନଭରି ଉପଭୋଗ କରିଥିଲେ।‌  ଜଳନ୍ଧର ଦରବାରରେ ରାଜ ଅତିଥି ଭାବେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା, ଆତ୍ମା ଅଧ୍ୟକ୍ଷ ତପନ ପଣ୍ଡା, ସମାଜସେବୀ ମହେନ୍ଦ୍ର ମହାଲ୍ଲିକ, ସୁରେନ୍ଦ୍ର କର୍ଣ୍ଣ ପ୍ରମୁଖ ଯୋଗଦେଇ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲା। ସଭାପତି ରୁଦ୍ର ପ୍ରକାଶ ମିଶ୍ର, ସମ୍ପାଦକ ଆଶୁତୋଷ ପଣ୍ଡା, ଉପ ସମ୍ପାଦକ ପ୍ରଦୀପ ମାଝୀ , ସୁଭାଷ ପଧାନ ଓ କମିଟି ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।