30-Oct-2023

ବଲାଙ୍ଗିର(ସନ୍ତୋଷ କୁମାର ଠାକୁର): ଦୁର୍ନୀତି ନିବାରଣ ସଚେତନତା ସପ୍ତାହ ୨୦୨୩ ପାଳନ ଉପଲକ୍ଷେ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟ ଅସ୍ଵାନ ହଲରେ ସାଧୁତାର ଶପଥ ପାଠ ଉତ୍ସବ ଅନୁଷ୍ଠିତ ହେଇଥିଲା । ଆଭାସୀ ମାଧ୍ୟମରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ସମସ୍ତଙ୍କୁ ଏହି ଶପଥ ପାଠ କରାଇଥିଲେ । ଦେଶର ଆର୍ଥିକ , ରାଜନୈତିକ ଏବଂ ସାମାଜିକ ପ୍ରଗତିପଥେ ଦୁର୍ନୀତି ସବୁଠୁ ବଡ ପ୍ରତିବନ୍ଧକ ।

ତେଣୁ ଏହାର ମୂଳପ୍ଲାଟୋନ ନିମନ୍ତେ ସରକାର,ନାଗରିକ ତଥା ଘୋରୋଇ କ୍ଷେତ୍ରରେ ଏକତ୍ର ହୋଇ କାର୍ଯ୍ୟକରିବା ଆବଶ୍ୟକ । ତେଣୁ ସମସ୍ତ ନାଗରିକ ସବୁ ସମୟରେ ସତର୍କତା ତଥା ସାଧୁତା ଓ ସତ୍ୟନିଷ୍ଠାରେ ପ୍ରତିବଦ୍ଧ ରହି ଦୁର୍ନୀତି ବିରୁଦ୍ଧରେ ସଂଗ୍ରାମ କୁ ସମର୍ଥନ କରିବା ଉଚିତ ବୋଲି ଶପଥ ପାଠ ହେଇଥିଲା । ତେଣୁ ଜୀବନର ପ୍ରତ୍ୟେକ କ୍ଷେତ୍ରରେ ସଚ୍ଚୋଟତା ଏବଂ  ଆଇନ ଅନୁପାଳନ କରିବା , ଉତ୍କୋଚ ନ ନେବାକୁ କି ନ ଦେବାକୁ ତଥା  ନିଜ ଦାୟିତ୍ଵକୁ ସାଧୁତା ଏବଂ ସ୍ଵଚ୍ଛତାର ସହ ସମ୍ପାଦନ କରିବାକୁ ସମସ୍ତେ ଶପଥ ନେଇଥିଲେ । ଜନସାଧାରଣଙ୍କ ହିତ ସାଧନ ସହ ବ୍ୟକ୍ତିଗତ ଆଚରଣରେ

ଦୃଷ୍ଟାନ୍ତମୂଳକ ସାଧୁତା ବଜାୟ ରଖି ଦୁର୍ନୀତି ସମ୍ପର୍କିତ କୌଣସି ଘଟଣା ଉପଯୁକ୍ତ କତ୍ତୃପକ୍ଷଙ୍କୁ ଅବଗତ କରାଇବାକୁ ସମସ୍ତେ ଶପଥ କରିଥିଲେ । ଏହି କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ଶ୍ରୀ ଲମ୍ବୋଦର ଧରୁଆ, ଭିଜିଲାନ୍ସ ଡିଏସପି ପୌଲସ୍ତି ଛତ୍ରିଆ ତଥା ଜିଲ୍ଲାପାଳଙ୍କ କାର୍ଯ୍ୟାଳୟର ଅଧିକାରୀ ଏବଂ କର୍ମକର୍ତ୍ତା ଉପସ୍ଥିତ ଥିଲେ । ଜିଲ୍ଲାପାଳ ଏବଂ ଆରକ୍ଷୀ ଅଧିକ୍ଷକ ଯୁଗ୍ମ ଜନଶୁଣାଣି କାର୍ଯ୍ୟକ୍ରମ ପାଇଁ ବେଲପଡା ବ୍ଲକ ଅଫିସରେ ସମସ୍ତ ଜିଲ୍ଲାସ୍ତରୀୟ ଅଧିକାରୀ ତଥା ବ୍ଲକ ଅଧିକାରୀଙ୍କ ସହ ଏହି ଆଭାସୀ ଶପଥ ପାଠରେ ଯୋଗ ଦେଇଥିଲେ ।