28-Oct-2023

ବଲାଙ୍ଗୀର(ପ୍ରେରଣା ଖବର): ଆଜି ସଦର ମହକୁମାରେ ପାଳିତ ହେଇଚି ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ କାର୍ଯ୍ୟକ୍ରମ | ଏହି କାର୍ଯ୍ୟକ୍ରମରେ ୱାକାଥନ୍ ସହିତ ପଥୋତ୍ସବ କରାଯାଇଛି | ୱାକାଥନ କାର୍ଯ୍ୟକ୍ରମକୁ ଅତିରିକ୍ତ ଜିଲ୍ଲାପାଳ ଲମ୍ବୋଦର ଧରୁଆ ଏବଂ ମୁଖ୍ୟ ଉନୟନ ଅଧିକାରୀ ତଥା କାର୍ଯ୍ୟନିର୍ବାହୀ ଅଧିକାରୀ ସୁଶାନ୍ତ ସିଂ ପତାକା ଦେଖେଇ ଆରମ୍ଭ କରିଥିଲେ | ବିଭିନ୍ନ

ଛାତ୍ରଛାତ୍ରୀ , ମହିଳା, ଅନୁଷ୍ଠାନ ମାନଙ୍କର ବିଶିଷ୍ଠ ବ୍ୟକ୍ତି , ଜିଲ୍ଲାର ଅଧିକାରୀଗଣ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ | ବଲାଙ୍ଗିର ଉପଜିଲ୍ଲାପାଳଙ୍କ କାର୍ଯ୍ୟାଳୟରୁ ଏହି ସଚେତନତା ରାଲି ଜିଲ୍ଲାପାଳଙ୍କ କାର୍ଯ୍ୟାଳୟ ଏବଂ ଶେଷରେ ଗାନ୍ଧୀ ଭବନ ପାଠାଗାର ଯାଏଁ ଆସିଥିଲା | ଭୋଟର ସଚେତନତା ତଥା ସଠିକ ମତଦାନର ନାରା ସହ ସମସ୍ତେ ସହର ଭ୍ରମଣ କରିଥିଲେ | ଦ୍ଵିତୀୟ ପର୍ଯ୍ୟାୟରେ ପଥୋତ୍ସବରେ ଏକ ସଭା ଅନୁଷ୍ଠିତ ହେଇଥିଲା | ଅତିରିକ୍ତ ଜିଲ୍ଲାପାଳ ମୁଖ୍ୟ ଅତିଥି ଭାବେ

ମତଦାନ ପାଇଁ ନାମ ପଞ୍ଜିକରଣ କରିବାକୁ କହିଥିଲେ | ସୁସ୍ଥ ନିର୍ବାଚନ ପାଇଁ ସଠିକ ତଥ୍ୟ ଏବଂ  ନିର୍ଭୁଲ ଭୋଟର ତାଲିକା ନିତାନ୍ତ ଜରୁରୀ | ତେଣୁ କୌଣସି ଭୁଲ କୁ ଏହି ଅଭିଯାନ ରେ ସଂଶୋଧନ କରିବାକୁ ଆହ୍ୱାନ କରିଥିଲେ | ଜାନୁଆରୀ , ଏପ୍ରିଲ ,ଜୁଲାଇ ,ଅକ୍ଟାବର ପହିଲାରେ ଯାହାକୁ ୧୮ ବର୍ଷ ହେଉଥିବ ସେମାନେ ନିଜକୁ ଭୋଟର ତାଲିକାରେ ପଂଜିକୃତ କରାଇପାରିବା ସହ ଭୋଟ ଦେଇପାରିବେ | ଏଥିପାଇଁ ନିର୍ବାଚନ କମିଶନଙ୍କ ତରଫରୁ ଚାରୋଟି ଫର୍ମ ରେ ଆବେଦନ କରିହେବ | ଫର୍ମ ୬ ରେ ଭୋଟର ପଞ୍ଜିକରଣ , ଫର୍ମ ୭ରେ ନାମ ଅପସାରଣ , ଫର୍ମ ୮ରେ ସବିଶେଷ ସଂଶୋଧନ ତଥା ଫର୍ମ 6ବି ରେ ଆଧାର ଭୋଟର ପରିଚୟ କାର୍ଡ ଲିଙ୍କ କରିହେବ ବୋଲି ଉପଜିଲ୍ଲାପାଳ ପ୍ରଭାସ ଦଣ୍ଡସେନା କହିଥିଲେ | ଭୋଟର ତାଲିକାର ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ ନିମନ୍ତେ ଆସନ୍ତା ନଭେମ୍ବର ମାସ ୫/୧୧/୧୯/୨୫  ତାରିଖ ବୁଥସ୍ତରୀୟ ଅଧିକାରୀଙ୍କ ନିକଟସ୍ଥ ବୁଥରେ ରହି ଆବେଦନ ଗ୍ରହଣ କରିବ | ଭୋଟର ହେଲ୍ପଲାଇନ ଆପ ଜରିଆରେ ମଧ୍ୟ ଘରେ ବସି ଜଣେ ଆବେଦନ କରିପାରିବେ | ଅକ୍ଟାବର ୨୭ ରୁ ଚିଠା ତାଲିକା ପ୍ରକାଶନୀ ଦିନଠାରୁ ଡିସେମ୍ବର ୯ ପର୍ଯ୍ୟନ୍ତ ଭୋଟର ତାଲିକାରେ ଥିବା ତ୍ରୁଟି ସଂଶୋଧନ ନିମନ୍ତେ ଆବେଦନ ଗ୍ରହଣ କରାଯାଇ ସଂଶୋଧନ ପାଇଁ ଶୁଣାଣି କରାଯିବ | କାର୍ଯ୍ୟକ୍ରମ ଶେଷରେ ଝୋଟି  , ରଙ୍ଗୋଲି ତଥା ହସ୍ତାକ୍ଷର ଅଭିଯାନ କରାଯାଇଥିଲା | ଓଡିଶା ଆଦର୍ଶ ବିଦ୍ୟାଳୟ ,ମହୀମୁଣ୍ଡା , ଜିଂଜ୍ଞାସା କୁମ୍ଭାର , ପୁଇଁତଳାର ଘୁଙ୍ଗୁର କଳା ପରିଷଦ  ପଥରଚେପାର ଅନ୍ବେଶା ହଷ୍ଟେଲ, ସାମରିକ କଳା ତଥା ଉଷୁ ପ୍ରଦର୍ଶନ କରିଥିଲେ | ଆସିଷ୍ଟାଣ୍ଟ କଲେକ୍ଟର ଫାଲ୍ଗୁନୀ ଶବର ଧନ୍ୟବାଦ ଦେଇଥିଲେ |