29-Oct-2023

ଆଗଲପୁର, (ବିନୋଦ କୁମାର ଦୀପ) ମା ଚ୍ଛେଳିଆ ପାଟ ମହୋତ୍ସବ ଆଗଲପୁର ବ୍ଲକର ଭରସୁଜା ଠାରେ ବଡ଼ ଧୁମ୍ ଧାମରେ ପାଳିତ ହୋଇଯାଇଛି l ତିନିଦିନ ଧରି ଅନୁଷ୍ଠିତ ହେବାକୁ ଥିବା ମହୋତ୍ସବ ର ଆଜି ଥିଲା ଦ୍ୱିତୀୟ ରଜନୀ l ଆଜିର କାର୍ଯକ୍ରମ କୁ ମୁଖ୍ୟ ଅତିଥି ଭାବରେ ଧାମନଗର ବିଜେପି ବିଧାୟକ ସୂର୍ଯ୍ୟବଂଶୀ ସୁରଜ୍ ଆସି ଯୋଗ ଦେଇଥିଲେ l ସମ୍ମାନନୀୟ ଅତିଥି ଭାବରେ ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗ ଯୋଗ ଦେଇଥିଲେ l ତା ସଙ୍ଗେ ସଙ୍ଗେ ଆଗଲପୁର ବ୍ଲକ୍ ଉପାଧ୍ୟକ୍ଷା ଶ୍ରୀମତୀ ନିରୁପମା ପଧାନ ଓ ଓମଫେଡ କେବିଏନ ର ଚେୟାରମେନ ଶ୍ରୀମତୀ ସୀମା ପଟେଲ ଉପସ୍ଥିତ ଥିଲେ l ଆଉଜଣେ ଅତିଥି ହେଲେ ସରକାରଙ୍କ ପ୍ରଶାସନିକ ଅଧିକାରୀ ଭାବରେ କାର୍ଯ୍ୟରତ ଶ୍ରୀ ତୁଲାରାମ କଲେଥ ଯୋଗ ଦେଇଥିଲେ। ପ୍ରଥମେ ଅତିଥି ମାନେ ଆସିବା ପରେ ସେମାନଙ୍କୁ ପାଛୋଟି ଆଣି ମଂଚାସୀନ କରା ଯାଇଥିଲା। ଏହାପରେ ଫୁଲତୋଡ଼ା ଓ ଉପଢ଼ୌକନ ଦେଇ ସମ୍ମାନିତ କରାଯାଇଥିଲା l

l ମା ଛେଲୀଆ ପାଟ ଙ୍କ ଫଟୋ ଚିତ୍ରରେ ମାଲ୍ୟାର୍ପଣ ଓ ଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମ କରାଯାଇଥିଲା l ଆଗମୀ ଦିନରେ ଏହି ମହୋତ୍ସବ କିପରି ରାଜ୍ଯ ଓ ଜାତୀୟ ସ୍ତରରେ ପ୍ରତିଷ୍ଠା ଲାଭ କରିବ ସେ ବିଷୟରେ ଅତିଥି ମାନେ ମତାମତ ଦେଇଥିଲେ l ସରକାରଙ୍କ ଦ୍ଵାରା କିପରି ଆଗକୁ ମହୋତ୍ସବ ପାଇଁ ଅନୁଦାନ ଆସିପାରିବ ସେ ବିଷୟରେ ମଧ୍ୟ ଅତିଥି ମାନେ ଚେଷ୍ଟା କରିବେ ବୋଲି ନିଜ ନିଜ ଭାଷଣ ମାଧ୍ୟମରେ କହିଥିଲେ l ଏହି ମହୋତ୍ସବ କୁ ଭରସୁଜା ଅଞ୍ଚର ର ମା ଛେଲିଆ ପାଟ ସଂଗଠନ ଅୟୋଜନ କରିଛି। ଭରସୁଜା ଗ୍ରାମର ପୂର୍ବତନ ସରପଂଚ ତଥା ବଲାଂଗୀର ଜିଲ୍ଲା କଂଗ୍ରେସ ର ଯୁବ ସଭାପତି ଶ୍ରୀ ଗଣେଶ ସାହୁ ଙ୍କ ବହୁ ପ୍ରଚେଷ୍ଟା ଫଳରେ ଆଜି ସଫଳତାର ସହ କାର୍ଯକ୍ରମ ଅନୁଷ୍ଠିତ ହେଉଅଛି l ସଂଗଠନର ମୁଖ୍ୟ ଶ୍ରୀ ଗଣେଶ କୁମାର୍ ସାହୁ ଓ ସମସ୍ତ ସକ୍ରିୟ ସଦସ୍ୟ ଙ୍କ ପୁର୍ଣ୍ଣ ସହଯୋଗ ରେ ବେଶ ସଫଳତା ପାଇଛି l ସଭା କାର୍ଯ ସରିବା ଆରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା।  ଅଞ୍ଚଲ ରେ ଥିବା ବିଶିଷ୍ଟ ବ୍ୟକ୍ତି ବିଶେଷ ଙ୍କୁ ସମ୍ବାନିତ କରା ଯାଇଥିଲା।ସାଂସ୍କୃତିକ କାର୍ଯକ୍ରମ କୁ ଦର୍ଶକ ମାନେ ବିଳମ୍ବିତ ରାତି ପର୍ଯ୍ୟନ୍ତ ରହି ବେଶ୍ ଉପଭୋଗ କରୁ ଥିବାର ଦେଖିବାକୁ ମିଳିଥିଲା l ବିଶେଷ କରି ତୁଷୁରା ରୁ ଆସିଥିବା ଘୁଡୁକା ନାଚ, କଲାଜିବି ଅନୁଷ୍ଠାନ ବରଗଡର ସମ୍ବଲପୁରୀ ନୃତ୍ୟ ଓ ବିଶିଷ୍ଟ ସମ୍ବଲପୁରୀ ଗାୟକ ଙ୍କ ସୁମଧୁର ଗୀତ ଲୋକଙ୍କ ମନଙ୍କୁ ମୁଗ୍ଧ କରିଥିଲା। ଅଚଳର ବୁଦ୍ଧିଜୀବୀ ମାନେ ଶ୍ରୀ ଗଣେଶ କୁମାର୍ ସାହୁ ଙ୍କ ଏ ପ୍ରକାର ଅୟୋଜନ କୁ ବେଶ୍ ପ୍ରଶଂସା କରିଛନ୍ତି। ପ୍ରଥମ ଦିନରେ ରାଜ୍ୟ ସରକାର ଙ୍କ ବୟନ ଓ ହସ୍ତତନ୍ତ ମନ୍ତ୍ରୀ ଶ୍ରୀମତି ରୀତା ସାହୁ ଓ ବରିଷ୍ଠ କଂଗ୍ରେସ ନେତା ଶ୍ରୀ ନରସିଂହ ମିଶ୍ର ଯୋଗ ଦେଇଥିଲେ l