28-Oct-2023

ଲୋଇସିଂହା, (ବିନୋଦ କୁମାର ଦୀପ) ସ୍ଥାନୀୟ ବ୍ଳକ୍ ଛକ ଗଜଲକ୍ଷ୍ମୀ ପୂଜା କମିଟି,ଲୋଇସିଂହା ଦ୍ବାରା ଚଳିତ ବର୍ଷ ୩୦ତମ  ଗଜଲକ୍ଷ୍ମୀ ପୂଜା ମହାସମାରୋହ ରେ ଶନିବାର ଠାରୁ ଆରମ୍ଭ ହୋଇଛି l ଅଜିତ କୁମାର ସାହୁ ସପତ୍ନିକ ଚଳିତ ବର୍ଷ କର୍ତ୍ତା ଦାୟୀତ୍ବ  ତୁଲାଇଥିବା ବେଳେ ପଣ୍ଡିତ ଶ୍ରୀୟାକାନ୍ତ ଦାସ୍ ଓ ପ୍ରଫୁଲ୍ଲ କୁମାର ମିଶ୍ର ପୂଜକ ଅଛନ୍ତି l ଚଳିତ ବର୍ଷ ପୂଜା ଦିନ ଅପରାହ୍ନ ରୁ ଚନ୍ଦ୍ର ଗ୍ରହଣ ହେଉଥିବାରୁ ଏହାକୁ ଆଖି ଆଗରେ ରଖି ଶୁକ୍ରବାର କଳସ ଆବାହନ କରାଯାଇଛି ଓ ଶନିବାର ଭୋର୍ ରୁ ପୂଜା କାର୍ଯ୍ୟ ଆରମ୍ଭ କରାଯାଇ ଚନ୍ଦ୍ରଗ୍ରହଣ ପୂର୍ବ ରୁ ନିର୍ଧାରିତ ସମୟ ରେ ପୂଜାକାର୍ଯ୍ୟ ସମାପନ କରାଯାଇଥିଲା l ଏହା ସହିତ ଆଜି ଦିନକ ପାଇଁ ପୂଜା ମଣ୍ଡପ କୁ ବନ୍ଦ କରାଯାଇ  ମାଁ ଙ୍କୁ ଦର୍ଶନ ପାଇଁ ବନ୍ଦ ଓ ସଂଧ୍ୟା ଆଳତିକୁ ବନ୍ଦ କରାଯାଇଥିବା ଦେଖିବାକୁ ମିଲିଛି l ଶନିବାର ସଂଧ୍ୟା ରେ ପୂଜା କମିଟିର ଉପଦେଷ୍ଠା ଧର୍ମ ସିଂ ମିଶ୍ର ଙ୍କ ଅଧ୍ୟକ୍ଷତା ରେ ଏକ କବି ସମ୍ମଳନୀ ର ଆୟୋଜନ ହୋଇଥିଲା l ସ୍ଥାନୀୟ ତଥା ଜିଲ୍ଲା ଓ ଜିଲ୍ଲା ବାହାରୁ ଅନେକ କବି ଯୋଗଦାନକରି ମାଁ ଗଜଲକ୍ଷ୍ମୀ ଙ୍କ ଉପରେ ଆଧାରିତ କବିତା ପଠନ କରିଥିଲେ। ଏହି ପରିପ୍ରେକ୍ଷୀରେ ବିଶିଷ୍ଟ କବି,ନାଟ୍ଯକାର ତଥା ସିନେ ଅଭିନେତା ସ୍ବର୍ଗତ ନେତ୍ରାନନ୍ଦ ବାରିକ ଙ୍କ ସ୍ମୃତି ଉଦ୍ଦେଶ୍ଯ ରେ  ବିଶିଷ୍ଟ ଚିତ୍ର ଶିଲ୍ପି ପ୍ରଭାକର ସାହୁଙ୍କୁ ନେତ୍ରାନନ୍ଦ ସ୍ମୃତି ସମ୍ମାନ ରେ ସମ୍ମାନିତ କରାଯାଇଛି l ପ୍ରତିଦିନ  ଅପରାହ୍ନ ରେ ସାର୍ବଜନୀନ ଅନ୍ନଭୋଗ ବଣ୍ଟନ ଓ ସଂଧ୍ୟା ରେ ଆଳତି ସହିତ ପ୍ରସାଦ ବଣ୍ଟନ କାର୍ଯ୍ୟକ୍ରମ ରହିଛି l ଯାହା ଉକ୍ତ ପୂଜା କମିଟିର ବିଶେଷତ୍ବ ଅନୁଭବ କରିଥାନ୍ତି ଭକ୍ତ ମାନେ ଓ ବହୁ ସଂଖ୍ୟା ରେ ଯୋଗଦାନ କରିଥାନ୍ତି ବୋଲି ପୂଜାକମିଟିର କର୍ମକର୍ତ୍ତା ମାନେ ସୂଚନା ଦେବାସହ ଅଞ୍ଚଳବାସୀଙ୍କୁ  ପ୍ରସାଦ ପାଇବା ପାଇଁ ଯୋଗଦେବାକୁ ଅନୁରୋଧ କରିଛନ୍ତି l