28-Oct-2023

ବଲାଙ୍ଗୀର(ପ୍ରେରଣା ଖବର)-ଅଭିନେତା ମନୋଜ ମିଶ୍ରଙ୍କୁ ରାଜ୍ୟ ଫିଲ୍ମପ୍ରୟୋଜକ ସଂଘ ବାସନ୍ଦ କରିବା ଘଟଣାକୁ ନେଇ ରାଜ୍ୟସାରା ତୁମ୍ବିତୁଫାନ ଚାଲିଥିବା ବେଳେ ମନୋଜ ନିଜେ ଆଜି ବଲାଙ୍ଗୀରରେ ସାମ୍ବାଦିକ ସମ୍ବିଳନୀ କରି ନିଜର ମତ ସ୍ପଷ୍ଟ କରିଛନ୍ତି । ସ୍ଥାନୀୟ ସାମ୍ବାଦିକ ଭବନଠାରେ ଆୟୋଜିତ ସାମ୍ବାଦିକ ସମ୍ବିଳନୀରେ ମନୋଜ ଓଡିଶାରେ  ଡିଷ୍ଟ୍ରିବ୍ୟୁଟର ଓ ସିନମୋହଲର ମାଲିକଙ୍କ ବ୍ୟବସାୟୀକ ମନୋବୃତ୍ତି କାରଣରୁ ଓଡିଆ ସିନେମା ପଛରେ ପଡିଯାଉଛି ବୋଲି ଅଭିଯୋଗ ଉଠାଇଛନ୍ତି । କେବଳ ସେତିକି ନୁହେଁ ସେ ଓଡିଆ ସିନେମାର ଉନ୍ନତି ପାଇଁ ସ୍ୱରଉତ୍ତୋଳନ କରୁଥିବାରୁ ତାଙ୍କୁ ଟୁଟୁ ନାୟକ ଓ ଜିତୁ ମଙ୍ଗରାଜ ଭଳି ଲୋକ ବିରୋଧ କରୁଛନ୍ତି ବୋଲି କହି ଟାର୍ଗେଟ କରିଛନ୍ତି । ଯେଉଁ ଫିଲ୍ମକୁ ଲୋକ ଦେଖିବାକୁ ପସନ୍ଦ ପରୁଛନ୍ତି ସେହି ଫିଲ୍ମକୁ ଜାଣିଶୁଣି ବଦଳାଯାଇ ଅନ୍ୟ କିଛି ଫିଲ୍ମ ଚଳାଯାଉଛି । ଏପରିକି ସିନେମାହଲରେ ଠିକ ସମୟରେ ଫିଲ୍ମ ଦେଖିବାକୁ ଲୋକଙ୍କୁ ସୁଯୋଗ ମିଳୁନାହିଁ । ସେଥିପାଇଁ ଓଡିଶାରେ ଯେତେ ଭଲ ଭଲ ଫିଲ୍ମ ନିର୍ମାଣ ହେଉଥିଲେ ହେଁ ତାହା ସେତେଟା ସଫଳ ହେଉନାହିଁ । ଏଥିରେ ନିଦ୍ଦ୍‌ିଷ୍ଟ କିଛି ଲୋକଙ୍କୁ ବ୍ୟବସାୟୀକ ଚକ୍ରାନ୍ତ ରହିଛି ବୋଲି କହିଛନ୍ତି ।   କିଛି ଲୋକଙ୍କ ଏକଚାଟିଆ ନିସ୍ପତ୍ତିରେ ସେ ବିଲକୁଲ ବିବ୍ରତ ନୁହଁନ୍ତି ବୋଲି କହିବା ସହିତ ଏପର୍ଯ୍ୟନ୍ତ ତାଙ୍କୁ ରାଜ୍ୟ ପ୍ରୟୋଜକ ସଂଘର ଚିଠି ମିଳିନାହିଁ । କେବଳ ଟୁଟୁ ନାୟକ ଗଣମାଧ୍ୟମରେ ଦେଇଥିବା ବୟାନରୁ ଏକଥା ଜାଣିଛନ୍ତି । ତେବେ ତାଙ୍କୁ ବାସନ୍ଦ କରିବାକୁ ଟୁଟୁ ନାୟକ କିଏ ବୋଲି ପ୍ରଶ୍ନ କରିଛନ୍ତି ମନୋଜ ମିଶ୍ର । ସେ ଏହି ଅବସରରେ କହିଛନ୍ତି ଯେ,ଫିଲ୍ମ କେବଳ କୌଣସି ଭାଷାର ନୁହେଁ କି ଅଞ୍ଚଳର ନୁହେଁ । ଫିଲ୍ମ କୌଣସି ଦେଶକୁ ଓ ବିଶ୍ୱକୁ ଯୋଡିବାର କ୍ଷମତା ରଖିଥାଏ । ତେଣୁ ଯେତେ ଭାଷାରେ ଫିଲ୍ମକୁ କରାଯାଇ ପାରିବ ତାହା ସେତେ ସମୃଦ୍ଧ ହୋଇଥାଏ । ତେଣୁ କେଉଁ ଭାଷାରେ ଫିଲ୍ମ କରାଯିବ ତାହା କାହାକୁ ପଚାରିକି କରାଯିବ ନାହିଁ । ତେବେ ଗତକାଲି କଂଗ୍ରେସର ବିଧାୟକଦଳର ନେତା ଦେଇଥିବା ବୟାନ ଉପରେ ତାଙ୍କୁ ପଚରା ଯିବାରୁ ତାଙ୍କୁ ବିଭିନ୍ନ ମହଲରୁ ସମର୍ଥଣ ମିଳୁଛି । ସେଥି ମଧ୍ୟରେ ନରସିଂହ ମିଶ୍ର ଯେଉଁ ରାଜ୍ୟ ଭାଗଭାଗ କଥା କହିଛନ୍ତି ତାହା ତାଙ୍କର ନିଜସ୍ୱ ମତ ଓ ତାଙ୍କ ନିଜସ୍ୱ ଢଙ୍ଗରେ ସମର୍ଥନ ବୋଲି କହିଛନ୍ତି ।