27-Oct-2023

ତରଭା(ପ୍ରେରଣା ଖବର ): ସୁବର୍ଣ୍ଣପୁର ଜ଼ିଲ୍ଲା ତରଭା ବ୍ଲକର ଚୁଡାଖାଇ ପର୍ବତ ପାଦ ଦେଶରେ ପାଳିତ ହେଉଛି ଚୁଡାଖାଇ ଡ଼ଙ୍ଗର ଲୋକ ମହୋତ୍ସବ l ଲକ୍ଷାଧିକ ଭକ୍ତ ସାଧୁ ସନ୍ଥ ଦର୍ଶକ ମାନଙ୍କ ମହାକୁମ୍ଭ l ଏହି ଐତିହାସିକ ମହୋତ୍ସବରେ ମୁଖ୍ୟ ଅତିଥି ଭାବରେ  ଓଡିଶା ସରକାରଙ୍କ ମାନ୍ୟବର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରୀ ତଥା ସଂସଦୀୟ ବ୍ୟାପାର ମନ୍ତ୍ରୀ ନିରଞ୍ଜନ ପୁଝାରୀ, ସ୍ୱତନ୍ତ୍ର ଅତିଥି ଭାବରେ ସାଂସଦ (ରାଜ୍ୟସଭା )ଶ୍ରୀ ନିରଞ୍ଜନ ବିଶି, ସୋନପୁର ଜ଼ିଲ୍ଲାପାଳ

ବିମଳେନ୍ଦ୍ର ରାୟ,ଅତିରିକ୍ତ ଜ଼ିଲ୍ଲାପାଳ  ସୂର୍ଯ୍ୟନାରାୟଣ ଦାଶ, ତରଭା ବ୍ଲକ ଚେୟାରମ୍ୟାନ ଶ୍ରୀ ସରୋଜ କମ୍ପ, ତରଭା ଏନଏସି ଚେୟାରମ୍ୟାନ, ସୋନପୁର ଏନଏସି ଚେୟାରମ୍ୟାନ,ତରଭା ଏନଏସି ଉପାଧ୍ୟକ୍ଷ ଗଗନ ଅଗ୍ରୱାଲ ପ୍ରମୁଖ ଉଦବୋଧନ ଦେଇଥିଲେ l ଚୁଡାଖାଇ ଡ଼ଙ୍ଗର ରେ ଆଦିବାସୀ ମାନଙ୍କ ଦ୍ୱାରା ପୂଜା ପାଉଥିବା ପୁଡ଼ାପାଟ, ସିକେରପାଟ, ସର୍ଗlଶିନୀ, ବାଉତି ଙ୍କ ସ୍ୱତନ୍ତ୍ର ଯାତ୍ରା ଡ଼ଙ୍ଗର ଯାତ୍ରା ଆବାହମାନ କାଳ ରୁ ହୋଇ ଆସୁଛି l ଏହି ଆଦିବାସୀ ଡ଼ଙ୍ଗର ଯାତ୍ରା କାଳକ୍ରମେ ଲୋକ ଯାତ୍ରା ରେ ପରିଣତ ହୋଇଯାଇଛି l  ଓଡିଶା ସରକାର ଚୁଡାଖାଇ ଡ଼ଙ୍ଗରକୁ ପର୍ଯ୍ୟଟନ ସ୍ଥଳୀର ମାନ୍ୟତା ଦେବା ସହିତ ମୁଖ୍ୟମନ୍ତ୍ରୀ ସ୍ୱତନ୍ତ୍ର ସହାୟତା ଯୋଜନାରେ ଆର୍ଥିକ ସହାୟତା ପ୍ରଦାନ କରିଛନ୍ତି l ଏଥିପାଇଁ ଲୋକପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମନ୍ତ୍ରୀ

ଶ୍ରୀ ପୁଝାରୀ ଏବଂ ରାଜ୍ୟସଭା ସାଂସଦ ଶ୍ରୀ ବିଶି କୃତଜ୍ଞତା ଜଣାଇଥିଲେ l ଚୁଡାଖାଇ ଡ଼ଙ୍ଗର ମହୋତ୍ସବକୁ ଆହୁରି ସରସ ସୁନ୍ଦର କରିବା ସହିତ ଜାତୀୟ ପର୍ଯ୍ୟଟନ ସ୍ଥଳୀ ର ମାନ୍ୟତା ପାଇଁ ମଧ୍ୟ ଉଦ୍ୟମ କରିବାକୁ ବକ୍ତା ମାନେ ଜନସାଧାରଣଙ୍କ ସହଯୋଗ କାମନା କରିଥିଲେ l  ଚୁଡାଖାଇ ଡ଼ଙ୍ଗର ପାଦଦେଶ ରେ ଲକ୍ଷ ଲକ୍ଷ ଲୋକଙ୍କ ଭିଡ଼ ଦ୍ୱାରା ଆଧ୍ୟାତ୍ମିକ ପରିବେଶ, ଭକ୍ତିମୟ ବାତାବରଣ ସୃଷ୍ଟି ହୋଇଥିଲା l