27-Oct-2023

ବଲାଙ୍ଗିର (ପ୍ରେରଣା ଖବର ): ବଲାଙ୍ଗିର ସଦର ବ୍ଲକର କୁଟୁମଡୋଳା ଗାଁ ରେ ଜ଼ିଲ୍ଲା ଆଦିବାସୀ କଲ୍ୟାଣ ସଂଘର ନୁଆଁଖାଇ ଭେଟଘାଟ ଅବସରରେ ଗାଁ ରେ ବିଶାଳ ସାଂସ୍କୃତିକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି l ଶୋଭାଯାତ୍ରା ପରେ ହାଇସ୍କୁଲ ପଡ଼ିଆ ରେ ନୁଆଁଖାଇ ଭେଟଘାଟ ଉପଲକ୍ଷେ ସମ୍ମିଳନୀ ହୋଇଥିଲା l ଶୋଭାଯାତ୍ରାରେ କୀର୍ତ୍ତନ ଦଳ,ଡକା ଦଳ, ଢ଼ାପ ଦଳ ସାମିଲ ହୋଇଥିଲେ l ସାଂସ୍କୃତିକ ଶୋଭାଯାତ୍ରା ରେ ଗାଁ ପରିକ୍ରମା କରିଥିଲେ ରାଜ୍ୟସଭା ସାଂସଦ ନିରଞ୍ଜନ ବିଶି l ଗାଁରେ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ ଗ୍ରାମବାସୀ l ଆଦିବାସୀ ମାନେ ଗାଁ ର ଗୁପ୍ତେଶ୍ୱର ଶିବ ମନ୍ଦିର, ବିନ୍ଧ୍ୟାବାସିନୀ ପୀଠ ରେ ପୂଜାର୍ଚନା କରି ସଭାସ୍ଥଳକୁ ଆସିଥିଲେ l ଜ଼ିଲ୍ଲା ଆଦିବାସୀ କଲ୍ୟାଣ ସଂଘର ଡାକରା ରେ ହଜାର ହଜାର ଆଦିବାସୀ ସମ୍ମିଳନୀ ରେ ଯୋଗଦେଇଥିଲେ l ଆଦିବାସୀ ସଂଘ ର ବ୍ଲକ ସଭାପତି ପlଳେଶ୍ୱର ଭୋଇଙ୍କ ସଭାପତିତ୍ୱ ରେ ବିଶାଳ ସଭାକୁ ଉଦବୋଧନ ଦେଇଥିଲେ

ରାଜ୍ୟସଭା ସାଂସଦ ନିରଞ୍ଜନ ବିଶି l ଓଡିଶା ସରକାର ଙ୍କ ଜନହିତକର ଯୋଜନା, ଆଦିବାସୀ ସଶକ୍ତିକରଣ ଯୋଜନା, ମହିଳା, ଚାଷୀ, ଶ୍ରମିକ ସଶକ୍ତିକରଣ ଯୋଜନା ବିଷୟରେ ଆଲୋକପାତ କରିଥିଲେ l ଆଦିବାସୀ ଦେବଦେବୀ ପୀଠ ରେ ସେବାପୂଜା କରୁଥିବା ଆଦିବାସୀ ଝାଙ୍କର, ପୁଝାରୀ,ସେବାକାରୀ ମାନଙ୍କୁ ସ୍ୱତନ୍ତ୍ର ଉନ୍ନୟନ ପରିଷଦ ତରଫରୁ ମାସକୁ ୬ ଶହ ଟଙ୍କା ଭତ୍ତା, ସାଂସ୍କୃତିକ ଦଳ ର କଳାକାର ମାନଙ୍କୁ ଡ୍ରେସ, ବାଦ୍ୟ ସାମଗ୍ରୀ ପ୍ରଦାନ, ଆଦିବାସୀ ଖେଳାଳି ମାନଙ୍କୁ ଫୁଟବଲ, କ୍ରିକେଟ, ଭଲିବଲ, ହକି, ତୀରନ୍ଦାଜ ର କ୍ରୀଡା ସାମଗ୍ରୀ ପ୍ରଦାନ ବ୍ୟବସ୍ଥା କୁ ରାଜ୍ୟସଭା ସାଂସଦ ନିରଞ୍ଜନ ବିଶି ପ୍ରକାଶ କରି ଓଡିଶା ସରକାର ଙ୍କୁ ପ୍ରଶଂସା କରିଥିଲେ l ସଭା ରେ କେନ୍ଦ୍ର ସରକାର କେନ୍ଦୁପତ୍ର ରୁ ଜିଏସଟି ପ୍ରତ୍ୟାହାର କରିବା,ଆବାସ ପୋର୍ଟାଲ ଖୋଲି ଗରିବ ଆଦିବାସୀ ମାନଙ୍କୁ ଆବାସ ପ୍ରଦାନ,ଆଦିବାସୀ ଭାଷା ହୋ, ମୁଣ୍ଡାରୀ, ଭୂମିଜ, ସଓରା, କୁଇ, ଗୋଣ୍ଡି ଭାଷା କୁ ସମ୍ବିଧାନ ର ଅଷ୍ଟମ ସୂଚୀ ରେ ଅନୁମୋଦନ କରିବା,ଆଦିବାସୀ ଅଧ୍ୟୁଷିତ ଗାଁ ମାନଙ୍କ ରେ ଇଣ୍ଟରନେଟ ରେ ପାଠ ପଢିବା ଓ ଅନଲାଇନ କାର୍ଯ୍ୟ ପାଇଁ ନେଟୱର୍କ ସଂଯୋଗ ବ୍ୟବସ୍ଥା କରିବା, ପ୍ରଧାନମନ୍ତ୍ରୀ ଫସଲବୀମା ଯୋଜନା ରେ କ୍ଷତିଗ୍ରସ୍ତ ଚାଷୀ ଙ୍କୁ ଆର୍ଥିକ ସହାୟତା ପ୍ରଦାନ, ପ୍ରତି ବ୍ଲକ ରେ କେନ୍ଦ୍ର ଆଦିବାସୀ କାର୍ଯ୍ୟ ମନ୍ତ୍ରଣାଳୟ ତରଫରୁ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ପ୍ରତିଷ୍ଠା ଉପରେ ବକ୍ତା ମାନେ ଆଲୋକପାତ କରିଥିଲେ l ପାଇଁ ଦାବୀ ଉପସ୍ଥାପନା କରାଯାଇଥିଲା l ଓଡିଶା ସରକାର ଙ୍କ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା, କାଳିଆ ବଳିଆ ଯୋଜନା, ଆଦିବାସୀ ସଶକ୍ତିକରଣ ଯୋଜନା, ମହିଳା ଶସକ୍ତିକରଣ ଯୋଜନା ଭଳି ଜନହିତକର ଯୋଜନାରେ ସାମିଲ ହେବା ପାଇଁ ଆହ୍ୱାନ କରାଯାଇଥିଲା l ଆଦିବାସୀ ଏବଂ ଅନ୍ୟାନ୍ୟ ବନବାସୀ ଙ୍କ ଜଙ୍ଗଲ ଜମି ଅଧିକାର ସ୍ୱୀକୃତି ଆଇନ ଅନୁସାରେ ଜଙ୍ଗଲ ଜମି ର ପଟ୍ଟା ପ୍ରଦାନ, ବେଛାପରି ଗାଁ ଗୁଡିକୁ ରାଜସ୍ବ ଗ୍ରାମର ମାନ୍ୟତା ପ୍ରଦାନ, ଆଦିବାସୀ ଛାତ୍ରଛାତ୍ରୀ ମାନଙ୍କୁ ମହାବିଦ୍ୟାଳୟ ଗୁଡିକ ରେ ସିଟ ର ଅଭାବ ହେଉଥିବା ରୁ ସିଟ ବୃଦ୍ଧି କରିବା , ଏଟ୍ରୋସିଟି କେଶ ରେ ଅଭିଯୁକ୍ତ ମାନଙ୍କୁ ଗିରଫ କରିବା, ଆଦିବାସୀ ଛାତ୍ରଛାତ୍ରୀ ମାନଙ୍କ ଷ୍ଟାଇପେଣ୍ଡ ବୃଦ୍ଧି କରିବା, ଆଦିବାସୀ ମାନଙ୍କ ପାଇଁ ଖାଲି ପଡ଼ିଥିବା ପଦବୀ ଗୁଡିକୁ ସ୍ୱତନ୍ତ୍ର ନିଯୁକ୍ତି ପ୍ରକ୍ରିୟା ରେ ପୂରଣ କରିବା ପାଇଁ ମଧ୍ୟ ବକ୍ତା ମାନେ ସରକାର ଦୃଷ୍ଟି ଦେବାକୁ ଦାବୀ କରିଥିଲେ l ସଭା ରେ ମୁଖ୍ୟଅତିଥି ଭାବରେ ରାଜ୍ୟସଭା ସାଂସଦ ନିରଞ୍ଜନ ବିଶି, ସ୍ୱତନ୍ତ୍ର ଉନ୍ନୟନ ପରିଷଦ ର ଅଧ୍ୟକ୍ଷ ବ୍ରଜ ମୋହନ ବିଶୋଇ, ଜ଼ିଲ୍ଲା ସଭାପତି ଶ୍ୟାମ ସୁନ୍ଦର ଭୋଇ, ବ୍ଲକ ସଭାପତି ପlଳେଶ୍ୱର ଭୋଇ, ସଇଁତଲା

ବ୍ଲକ ସଭାପତି ସନ୍ତୋଷ ପୁଟା, ଲୋଇସିଂହା ବ୍ଲକ ସଭାପତି ଦଶରଥ ଛତ୍ରିଆ,ଦେଓଗାଁ କାର୍ଯ୍ୟକାରୀ ସଭାପତି ସୁରଥ ଧରୁଆ, ବଲାଙ୍ଗିର ନଗର ସଭାପତି ରାମଚନ୍ଦ୍ର ମୁର୍ମୁ, ଉପସଭାପତି ରାଜା ଭୋଇ,ଗୋପାଳ ପ୍ରଧାନ, ଅଚ୍ୟୁତ ଧରୁଆ,ସୁଦାମ ବରିହା, ବିସିକେଶନ ମିର୍ଦ୍ଧା ପ୍ରମୁଖ ମଞ୍ଚାସିନ ଥିଲେ l ପାଟଣାଗଡ ବ୍ଲକ ଯୁଗ୍ମ ସମ୍ପାଦକ ଗିରିଧାରୀ ଭୋଇ ସଭା ପରିଚାଳନା କରିଥିଲେ l