24-Oct-2023

ଲୋଇସିଂହା, (ପ୍ରେରଣା ଖବର) ଲୋଇସିଂହା ବ୍ଲକ ହୀରାପୁର ପଂଚାୟତ ର ବିଭିନ୍ନ ଉନ୍ନତିମୂଳକ କାର୍ଯ୍ୟ କୁ ନେଇ ମଝିରେ ମଝିରେ ଚର୍ଚ୍ଚା ଚାଲିଥିବା ବେଳେ ଏହି ପଂଚାୟତ ର ବାରଡୋଳ ଗ୍ରାମରେ ଗତକାଲି ଏକ କଂକ୍ରିଟ କାମକୁ ନେଇ ଲୋକଙ୍କ ମଧ୍ୟରେ ହୋ ହାଲ୍ଲା ଦେଖିବାକୁ ମିଳିଥିଲା l ସୂଚନାରୁ ପ୍ରକାଶ ଯେ ବାରଡୋଳ ଗ୍ରାମ ଆଦର୍ଶ ଗ୍ରାମ ଭାବେ ସରକାରୀ ସ୍ତରରେ ସ୍ୱୀକୃତି ହୋଇଛି l ଗ୍ରାମ ର ଉନ୍ନତି ପାଇଁ ଲକ୍ଷ ଲକ୍ଷ ଟଙ୍କା ସରକାରୀ ଅନୁଦାନ ଆସିବାର କାର୍ଯ୍ୟକ୍ରମ ଥିବାବେଳେ ବର୍ତମାନ ଗ୍ରାମ ମଝିରେ ଏକ କଂକ୍ରିଟ ରାସ୍ତା ତିଆରି ହେଉଛି l ହେଲେ ତାହା କେତେ ଟଙ୍କା ର ହେଉଛି ଜଣାନାହିଁ l ବିନା ସୂଚନା ଫଳକରେ ଉକ୍ତ କାର୍ଯ୍ୟ ଟି ଚାଲିଛି ତାହା ପୁଣି ସହକାରୀ ଯନ୍ତ୍ରୀ ଅଥବା କନିଷ୍ଠ ଯନ୍ତ୍ରୀ ଙ୍କ ଅନୁପସ୍ଥିତି ରେ l ଗ୍ରାମ ଲୋକଙ୍କ କହିବା ଏହା ଯେ ଗତ ପଂଚାୟତ ନିର୍ବାଚନ ପୂର୍ବରୁ ଦଶ ଲକ୍ଷ ର ଏକ କମ୍ୟୁନିଟି ସେଣ୍ଟର ବାରଡୋଳ ଗ୍ରାମ ପାଇଁ ସାଂକ୍ସନ ହୋଇ ଶୁଭ ଦେବା ସହ ନିହ ଖୋଲାଯିବା ସହ ଲେଆଉଟ ଓ ମେଟେରିଆଲ ମଧ୍ୟ ପଡିଥିଲା କନିଷ୍ଠ ଯନ୍ତ୍ରୀ ବେହେରା ବାବୁ ଙ୍କ ଉପସ୍ଥିତି ରେ l ଏଣୁ ଲୋକଙ୍କ କହିବା ଏହା ଯେ ଦୀର୍ଘ ଦେଢ଼ବର୍ଷ ହେଲା କମ୍ୟୁନିଟି ସେଣ୍ଟର ର କାମ ଦେଖାନାହିଁ l ଯଦି କାମ ହେଲାନାହିଁ ସେ ପଇସା ଅଛି ନା କୁଆଡେ ଗଲା l ଏହାସହ ଗ୍ରାମରେ ଆଦର୍ଶ ପାଇଁ ଏକ କଂକ୍ରିଟ କାମ ଚାଲିଛି ଯାହାକି ଲୋକଙ୍କ ବିନା ଆଲୋଚନା ରେ l ଏ ବିଷୟ କୁ ନେଇ ଗ୍ରାମର ଲୋକେ ବିଡ଼ିଓ ଲୋଇସିଂହା ଓ ଜିଲ୍ଲାପାଳ ଙ୍କ ଦ୍ୱାରସ୍ତ ହୋଇଛନ୍ତି l ଏ ବିଷୟ କୁ ନେଇ ଆମ ପ୍ରତିନିଧି ହୀରାପୁର ସରପଞ୍ଚ ରମାକାନ୍ତ ବିଶ୍ୱାଳ ଙ୍କୁ ପଚାରି ବୁଝିବାରୁ ପ୍ରତିକ୍ରିୟା ଦେବାକୁ ମନା କରିଦେଲେ l ସରପଞ୍ଚ, ୱାର୍ଡମେମ୍ବର ଓ ଲୋକଙ୍କ ମଧ୍ୟରେ କଥାବାର୍ତା ହେବାପରେ ଉକ୍ତ କାର୍ଯ୍ୟ ବର୍ତ୍ତମାନ ବନ୍ଦ କରାଯାଇଛି l ପ୍ରକୃତ ରେ କଥା ହେଉଛି ଯେ ବିନା ଫଳକ ରେ ବିନା ଲେଆଉଟ କାମ ହେବା କେତେ ଯୁକ୍ତିଯୁକ୍ତ ତାହା ଲୋକଂକ ମନରେ ପ୍ରଶ୍ନବାଚୀ ସୃଷ୍ଟି କରିଛି l ସରକାର ତଥା ବଡ଼ବଡ଼ିଆ ବାବୁ ମାନଙ୍କ ମଧୁଚନ୍ଦ୍ରିକା ରେ ଏସବୁ ହେଉଥିବାର ଅନୁମାନ କରାଯାଉଛି l