23-Oct-2023

ତୁଷୁରା ସହରର ଇଷ୍ଟ ଦେବୀ ମାଁ ସମଲେଶ୍ବରୀ ଓ ଗୁଡଭେଲାବ୍ଲକ ବିଭିନ୍ନ ଗ୍ରାମରେ ପୂଜା କମିଟି ପକ୍ଷରୁ ଆୟୋଜିତ ଦୁର୍ଗା ପୂଜା ଅବସରରେ ରାଜ୍ୟ ଜଳସମ୍ପଦ, ବାଣିଜ୍ଯ ଓ ପରିବହନ ମନ୍ତ୍ରୀ ଟୁକୁନୀ ସାହୁ ବିଭିନ୍ନ ପୂଜା ମଣ୍ଡପ ବୁଲି ଦେବୀ ଦର୍ଶନ କରିଥିଲେ। ପ୍ରଥମେ ତୁଷୁରା ସହର ସ୍ଥିତ ମାଁ ସମଲେଶ୍ବରୀଙ୍କ ଦର୍ଶନ କରିଥିଲେ । ଏହାପରେ ଚାଣ୍ଟିପଦର ଗ୍ରାମରେ ଦୁର୍ଗାପୂଜା ମଣ୍ଡପରେ ମାଁ ଦୁର୍ଗାଙ୍କ ଦର୍ଶନ କରିଥିଲେ । ଏହାପରେ ଗୁଡଭେଲା, ଜାମୁଟ, ଡାହିମାଳ,  ନୂଆଁପଡ଼ା ଓ ସମରା ଗ୍ରାମର ବିଭିନ୍ନ ପଡାରେ ଆଯୋଜିତ ପୂଜା ମଣ୍ଡପ ବୁଲି ଦେବୀଙ୍କ ଦର୍ଶନ କରିବା ସହ ଆର୍ଶୀବାଦ ନେଇଥିଲେ। ଆଯୋଜକ ମାନଙ୍କ ସହ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ । ଅଞ୍ଚଳର ସୁଖ, ସମୃଦ୍ଧି ଏବଂ ସୁସ୍ଥତା ପାଇଁ ଦେବୀ ମା'ଙ୍କଠାରେ ସେ ପ୍ରାର୍ଥନା କରିଥିଲେ। ମନ୍ତ୍ରୀ ଶ୍ରୀମତି ସାହୁଙ୍କ ସହ ତୁଷୁରା ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ବାଲ, ଉପାଧ୍ୟକ୍ଷା ମାମୀ ଦାଶ, ଜିଲାପରିଷଦ ସଭ୍ଯ ପ୍ରଦୀପ ପଣ୍ଡା, ରାମନିବାଶ ଅଗ୍ରୱାଲ, ବିକାଶ ଶର୍ମା, ପୃଥୀରାଜ ନନ୍ଦ, ରଣ ପୁଷ୍ଟି ଆଦି ଦଳୀୟ ନେତା ମାନେ ଉପସ୍ଥିତ ରହି ବିଭିନ୍ନ ପୂଜା ମଣ୍ଡପ ବୁଲିଥିଲେ।

(ପଞ୍ଚାନନ ନାଏକ ଙ୍କ ରିପୋର୍ଟ )