23-Oct-2023

ବୀରମହାରାଜପୁର,( ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା
 ବିରାମହରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ବଡ଼ଖମାର ସ୍ଥିତ ସ୍ବେଛାସେବୀ ଅନୁଷ୍ଠାନ ଲାଲବାହାଦୁର ଯୁବକ ସଂଘର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ବିରାମହରାଜପୁର ପଞ୍ଚାୟତ ସମିତି ଅଧ୍ୟକ୍ଷା  ଶାନ୍ତି ଲୁହା ,  ସମ୍ମାନିତ ଅତିଥିଭାବେ ମୁର୍ଷୁଣ୍ଢୀ ପଞ୍ଚାୟତ ସମିତି ସଭ୍ୟା ରିତା ଗରଡିଆ, ଯୁବକସଙ୍ଘ ପୂର୍ବତନ ସଭାପତି ଗଣପତି ପଣ୍ଡା, ପ୍ରଭାଞ୍ଜନ କର୍ମୀ, ମୁଖ୍ୟ ବକ୍ତା ମୀନକେତନ ମହାକୁର,ସମ୍ପାଦକ ଗଦାଧର ବାଦୀ, ଓ କାର୍ଯ୍ୟକାରୀ ସଭାପତି ଆଶିଷ କୁମାର ସାହୁ ପ୍ରମୁଖ ମଞ୍ଚାସିନ  ଥିଲେ l ଆଶିଷ ସାହୁଙ୍କ ଅଧ୍ୟକ୍ଷତା ଅନୁଷ୍ଠିତ ବୈଠକରେ ସମ୍ପାଦକ ଗଦାଧର ବାଦୀ ସଂଘର ବାର୍ଷିକ ବିବରଣୀ ପଠନ କରିଥିଲେ l ସମାଜରୁ ଅନ୍ଧବିଶ୍ୱାସ  ଓ କୁସଂସ୍କାର ଦୂରୀକରଣ ସାଙ୍ଗକୁ ଦେଶରେ ଯୁବସମାଜର ଭୂମିକାକୁ ଗୁରୁତ୍ୱ ଆରୋପ କରିଥିଲେ l ଅଞ୍ଚଳ ର ଛାତ୍ର ଛାତ୍ରୀ ମାନଙ୍କୁ ନେଇ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା। ବିରାମହରାଜପୁର ଭୀମଭୋଇ କଲାପରିଷଦ କଳାକାରଙ୍କ ଦ୍ବାରା ମାଧ୍ୟ୍ୟରାତ୍ରି ପର୍ଯ୍ୟନ୍ତ ନାଚଗୀତ ଆୟୋଜନ ହୋଇଥିଲା l ଯୁବକ ସଂଘର ସମସ୍ତ ସଭ୍ୟମାନ ସହଯୋଗ କରିଥିଲେ l ସହ ସମ୍ପାଦକ ହେମନ୍ତ ପଧାନ, କୋଷାଧକ୍ଷ ମନୋଜ କର୍ମୀ, ଦୀପକ ଭୋଇ, ହରିଶଙ୍କର ଖେତୀ, ବିଜୟ ସାହୁ, ପିଙ୍କୁ ଭୋଇ କାର୍ଯ୍ୟକ୍ରମ ରେ ବିଭିନ ଦାୟିତ୍ୱ ରେ ଥିଲାବେଳେ ବରିଷ୍ଠ ସଦସ୍ୟ ସଚ୍ଚିଦାନନ୍ଦ ମହାକୁର ମଞ୍ଚ ପରିଚାଳନା କରିଥିଲେ l ଉପସଭାପତି ସଞ୍ଜିବ ସାହୁ ଶେଷରେ ଧନ୍ୟବାଦ ଅର୍ପଣ କରିଥିଲେ।