22-Oct-2023

ନୂଆପଡ଼ା,ବୋଡ଼େନ: ସରକାର ଶିଶୁ ଓ ମା ମାନଙ୍କ ବିକାଶ ନିମନ୍ତେ ଅନେକ ପ୍ରକାର ଯୋଜନା କରୁଥିବା ବେଳେ,ସେହି ଯୋଜନା ମାନଙ୍କର ମନମୁଖୀ କରୁଥିବା ଦୃଶ୍ୟ ଦେଖିବାକୁ ମିଳିଛି ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଅଙ୍ଗନୱାଡ଼ି କର୍ମଚାରୀ  ଓ।ଅଧିକାରୀ ଙ୍କ ଦ୍ଵାରା।ବୋଡ଼େନ ବ୍ଲକ ଅଞ୍ଚଳର ମାତ୍ରାଧିକ ଲୋକ ମାନେ ନିଜ ପେଟପାଟଣା ତଥା ନିଜ ପୁଅ ଝିଅ ମାନଙ୍କୁ କିଭଳି ଭାବରେ ଅର୍ଣ୍ଣ,ବସ୍ତ୍ର ଏବଂ ଉତ୍ତମ ଶିକ୍ଷା ଯୋଗାଇବା ପାଇଁ ଦାଦନ ଖଟିବାକୁ ଯାଇ ମୃତ୍ୟୁ ବରଣ ମଧ୍ୟ କରିଥାନ୍ତି।କିନ୍ତୁ ସରକାର ଏଭଳି ଅଞ୍ଚଳର ଶିଶୁ ମାନଙ୍କ ସ୍ବାସ୍ଥ୍ୟ ଓ ଶିକ୍ଷାର ଉନ୍ନତି ହେବା ସହ ଶିଶୁ ମାନେ ପ୍ରାଥମିକ ସ୍ତରରୁ କିଭଳି ଦୃଢ଼ ଏବଂ ଶିକ୍ଷାର ଆଗ୍ରହୀ ହୋଇ ପଢ଼ାପଢ଼ି ନିଜ ତଥା ଅଞ୍ଚଳର ବିକାଶ କରିବା ନିମନ୍ତେ ସରକାର ଅନେକ ପ୍ରୟାସ କରୁଥିବା ବେଳେ,ସେହି ପ୍ରୟାସ କୁ ମନମୁଖୀ କରୁଛନ୍ତି ବୋଡ଼େନ ବ୍ଲକ ଅଞ୍ଚଳର ଅଙ୍ଗନୱାଡ଼ି କର୍ମଚାରୀ ତଥା ବ୍ଲକ ଅଧିକାରୀ। ଜିଲ୍ଲା ଶିଶୁ ସମ୍ୟନିତ ବିକାଶ ଅଧିକାରୀଙ୍କ ସୂଚନା ଏବଂ ଆଇ ସି ଡ଼ି ଏସ କ୍ୟାଲେଣ୍ଡର ଅନୁସାରେ ମା ଦୁର୍ଗାଙ୍କ ସପ୍ତମୀ ଦିନରେ ନିୟମ ଅନୁଯାୟୀ କୌଣସି ଛୁଟି ନଥିବା ବେଳେ,ଆଜି ବୋଡ଼େନ ବ୍ଲକର ସମ୍ପୂର୍ଣ୍ଣ ଭାବରେ ଅଙ୍ଗନୱାଡି କେନ୍ଦ୍ର ଗୁଡ଼ିକ ବନ୍ଦ କରିଥିବା ସୂଚନା ଦେଇଛନ୍ତି କିଛି ଅଙ୍ଗନୱାଡ଼ି କର୍ମୀ ଏବଂ ବ୍ଲକ ସମ୍ୟନିତ ବିକାଶ ଅଧିକାରୀ। କେବଳ ଏତିକି ନୁହେଁ ଅନେକ ପର୍ବ ପର୍ବାଣୀ ରେ ଛୁଟି ନଥିବା ସତ୍ୟେ ମଧ୍ୟ ଅଙ୍ଗନୱାଡ଼ି ରେ ତାଲା ଝୁଲୁଥିବା ଦେଖିବାକୁ ମିଳେ।ଏହା ଶିଶୁ ମାନଙ୍କ ସ୍ବାସ୍ଥ୍ୟ ଓ ଶିକ୍ଷା ପ୍ରତି ଅବହେଳା ନୁହେତ ଆଉ କଣ ? ତେଣୁ ଶିଶୁ ମାନଙ୍କ ହକ ଅଧିକାର ପାଇଁ ତୁରନ୍ତ ପଦକ୍ଷେପ ନେବାକୁ ଜିଲ୍ଲା ପ୍ରଶାସନକୁ ସାଧାରଣରେ ଦାବି ହୋଇଛି।

(ନୂଆପଡା ଜ଼ିଲ୍ଲା ବୋଡେ଼ନ ବ୍ଲକରୁ ଡୋଲେସ୍ୱର ବାଗ ଙ୍କ ରିପୋର୍ଟ )