22-Oct-2023

କଣ୍ଟାମାଳ, କଣ୍ଟାମାଳ ବ୍ଲକ ତିଲକାମାଳ ଗ୍ରାମରେ ମହାମାୟୀ ଠାକୁରାଣୀଙ୍କ ପର୍ବ ପାଳିତ ହୋଇଯାଇଛି l ଠାକୁରାଣୀ ପୂଜକ ସରଣ ନାଏକ ରୀତିକାନ୍ତି ଅନୁଯାୟୀ ଦେବୀଙ୍କୁ ପୂଜାର୍ଚ୍ଚନା କରିଥିଲେ l ଗ୍ରାମର ମହିଳାମାନେ ସକାଳୁ ଉପବାସ ରହି ଠାକୁରାଣୀଙ୍କୁ ଭକ୍ତିପୂତ ଭାବେ ପୂଜାର୍ଚ୍ଚନା କରି ଦର୍ଶନ ଲାଭ

କରିଥିଲେ l ଦେବୀଙ୍କ ପୂଜା ନିମନ୍ତେ ମୁଆଁ, ମନ୍ଦାର ଫୁଲ, ଅରୁଆ ଚାଉଳ, ଧୋପ, ଦୀପ, ସିନ୍ଦୁର ଅର୍ପଣ କରାଯାଇଥିଲା l ମାଆଙ୍କୁ ନିଷ୍ଠାର ସହିତ ପୂଜା କରିବା ଦ୍ୱାରା ପରିବାରର ମଙ୍ଗଳ ହୋଇଥାଏ ବୋଲି ମହିଳା ଭକ୍ତମାନେ କହିଛନ୍ତି l ଅନୁଷ୍ଠିତ ପର୍ବରେ ବରଗାଁ ପଞ୍ଚାୟତର ପୂର୍ବତନ ସରପଞ୍ଚ ବେଳମତୀ ସେଠି ଯୋଗ ଦେଇଥିଲେ l ସନ୍ଧ୍ୟାରେ ସତସଙ୍ଗ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l କାର୍ଯ୍ୟକ୍ରମରେ ମଧୁସୂଦନ

ରଣା, ହିମାଂଶୁ ରଣା, ନିର୍ମଳ ନାଏକ ଏବଂ ତିଲକାମାଳ ଗ୍ରାମବାସୀ ସହଯୋଗ କରିଥିଲେ l ଦୀର୍ଘ ୧୮ ବର୍ଷ ହେଲା  ତିଲକାମାଳ ଗ୍ରାମବାସୀ ମା' ମହାମାୟୀଙ୍କୁ ଏକ ଅସ୍ଥାୟୀ ପୀଠରେ ପୂଜାର୍ଚ୍ଚନା କରି ଆସୁଛନ୍ତି l ସରକାରୀ ସହାୟତା ଯୋଗାଇ ଦିଆଗଲେ ପୀଠର ଉନ୍ନତି ହୋଇପାରନ୍ତା ବୋଲି ପୂଜା କମିଟିର ମୁଖ୍ୟ ମଧୁସୂଦନ ରଣା କହିଛନ୍ତି l

(କଣ୍ଟାମାଳରୁ ଜୟ କୁମାର ମହାରଣାଙ୍କ ରିପୋର୍ଟ)