16-Oct-2023

ବଲାଙ୍ଗୀର,-ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ୭୭ତମ ଜନ୍ମଦିବସ ଉପଲକ୍ଷେ ବଲାଙ୍ଗୀରରେ ବିଜେଡିଦଳ ତରଫରୁ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ବଲାଙ୍ଗୀର ନିର୍ବାଚନମଣ୍ଡଳି ବିଜୁଜନତା ଦଳ ତରଫରୁ ଜୀବନବିନ୍ଦୁ କାର୍ଯ୍ୟକ୍ରମ ସ୍ୱରୂପ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ସ୍ଥାନୀୟ ପେଲେସଲାଇନ ସ୍ଥିତ ମୀନା ଟେଣ୍ଟ ହାଉସଠାରେ ଆୟୋଜିତ ଏହି ରକ୍ତଦାନ ଶିବିରକୁ ବଲାଙ୍ଗୀର ପୌରାଧ୍ୟକ୍ଷା ଲିକା ସାହୁ ଓ ଜିଲ୍ଲାପରିଷଦ ସଭାପତି ଦେବକୀ ସାହୁ ଉଦଘାଟନ କରିଥିଲେ । ଦିନ ୧୦.୩୦ରୁ ଏହି ରକ୍ତଦାନ ଶିବିର ଅନୁଷ୍ଠିତ ହୋଇ ୨ଟା ପର୍ଯ୍ୟନ୍ତ ଚାଲିଥିଲା ଓ ଏଥିରେ ୮୩ୟୁନିଟ ରକ୍ତ ସଂଗ୍ରହ କରାଯାଇଥିଲା । ଉଭୟ ମହିଳା ଓ ପୁରୁଷମାନେ ଆସି ସ୍ୱେଚ୍ଛାକୃତ ଭାବରେ ରକ୍ତଦାନ କରିଥିଲେ । କାର୍ଯ୍ୟକ୍ରମରେ ବିଜୁଜନତା ଦଳର ମହିଳା ସଭାନେତ୍ରୀ ଦମୟନ୍ତି ବାଗ,ଦେଓଗାଁର ବ୍ଲକସଭାପତି ସୁଶିଳ ଚାନ୍ଦ,ସଦର ବ୍ଲକଅଧ୍ୟକ୍ଷା ସରିତା ବାଗ,ଦେଓଗାଁ ବ୍ଲକ ଅଧ୍ୟକ୍ଷ ଦୟାନିଧି ଖମାରୀ, ପୂର୍ବତନ ବ୍ଲକ ଅଧ୍ୟକ୍ଷ ଲକ୍ଷ୍ମଣକୁମାର ମେହେର,କୈଳାଶ ମହାନ୍ତି,ପୂର୍ବତନ ପୌରଉପାଧ୍ୟକ୍ଷା ଲିପିଶ୍ରୀ ସାଏ,ନଗର ଶଭାପତି ଶମ୍ଭୁ ନାଗ,ବରିଷ୍ଠ କାଉନସିଲର ମହେନ୍ଦ୍ର ବାଗ,ସନ୍ତୋଷନୀ ପୋଢ,ଛାତ୍ରନେତା ଗୁଞ୍ ଖାନ,ସୁମନ ନନ୍ଦ,ବୁଲୁ ବେହେରା,ଲେଙ୍କା ସାହୁ,ବିଭୂତିଭୂଷଣ ମିଶ୍ର,ସଦର ବ୍ଲକସଭାପତି ନିହାରରଂଜନ ସ୍ୱାଇଁ,ପୂର୍ବତନ ସଦର ବ୍ଲକଅଧ୍ୟକ୍ଷ ଗୁଲାବ ବାଗ,ପ୍ରଦ୍ୟୁମ୍ନ ହୋତା ପ୍ରମୁଖଙ୍କ ସହିତ ଶତାଧିକ ବିଜେଡିନେତା ଓ କର୍ମି ଉପସ୍ଥିତ ରହିଥିଲେ । କାର୍ଯ୍ୟକ୍ରମକୁ ଓଡିଶା ମୋ ପରିବାର ଜୀବନବିନ୍ଦୁ କାର୍ଯ୍ୟକ୍ରମର ଜିଲ୍ଲା ସଂଯୋଜକ ସାଗରସଂଗମ ଶତପଥି(ବିନୁ) ପରିଚାଳନା କରିଥିଲେ ।