16-Oct-2023

ବଲାଙ୍ଗିର (ପ୍ରେରଣା ଖବର ): ଟିକ୍ରାପଡା ଅହୋରାତ୍ର ନାମଯଂଜ୍ଞ ଚଳିତ ବର୍ଷ ୫୦ ବର୍ଷ ପୂର୍ତ୍ତି ରେ ସୁବର୍ଣ୍ଣ ଜୟନ୍ତି ସମାରୋହ ନଭେମ୍ବର ୧୯ ରୁ  ନଭେମ୍ବର ୨୭ ତାରିଖ ଏବଂ ବିଶ୍ୱ ଶାନ୍ତି ବିଷ୍ଣୁ ମହାଯଜ୍ଞ  ନଭେମ୍ବର ୨୨ ରୁ ନଭେମ୍ବର ୨୭ ତାରିଖ ପର୍ଯ୍ଯନ୍ତ ଆୟୋଜନ କରାଯିବାକୁ  ଟିକ୍ରାପଡା ର ପୁରାତନ ଧାର୍ମିକ ଅନୁଷ୍ଠାନ ଶ୍ରୀକ୍ରିଷ୍ଣା ଚୈତନ୍ୟ ସେବା ସଂସ୍ଥାନ (କୀର୍ତ୍ତନ୍ୟ ମଣ୍ଡଳୀ) ଦ୍ୱାରା ଆହୁତ ଏକ ପ୍ରସ୍ତୁତି ବୈଠକ ସ୍ଥାନୀୟ ପତିତପାବନ ବିଦ୍ୟାଳୟର ସଭାଗୃହରେ ଅନୁଷ୍ଠିତ ହୋଇଯାଇଛି l ବଲାଙ୍ଗିର ସହରର ଧାର୍ମିକ ଅନୁଷ୍ଠାନ, ସାମାଜିକ ତଥା ସାଂସ୍କୃତିକ ଅନୁଷ୍ଠାନ, ବିଭିନ୍ନ ବ୍ୟକ୍ତିବିଶେଷ ତଥା ସମସ୍ତ ପଡାବାସୀ ଏବଂ ଟିକ୍ରାପଡା ଅହୋରାତ୍ର ନାମଯଜ୍ଞ ର ସମସ୍ତ ସଭ୍ୟସଭ୍ୟା ମାନେ ଉପସ୍ଥିତ ରହି ଉକ୍ତ କାର୍ଯ୍ୟକ୍ରମ ଗୁଡିକ ଆୟୋଜନ ନିମନ୍ତେ ମତାମତ ପ୍ରଦାନ କରିଥିଲେ l ଆୟୋଜକ କମିଟିର  ସଭ୍ୟ ପ୍ରଦୀପ ସାହୁ ସ୍ୱାଗତ ଭାଷଣ ଦେବା ସହ ସଭା ସଂଯୋଜନା କରିଥିଲେ l ଶ୍ରୀ କ୍ରିଷ୍ଣା ଚୈତନ୍ୟ ସେବା ସଂସ୍ଥାନର ସଭାପତି  ପ୍ରକାଶ ନେପାକ  ବିବରଣୀ ପ୍ରଦାନ କରିବା ସହ ଆଗାମୀ ସୁବର୍ଣ୍ଣ ଜୟନ୍ତି ରେ ନାମଯଜ୍ଞ ସହ ବିଶ୍ୱ ଶାନ୍ତି ବିଷ୍ଣୁ ମହାଯଜ୍ଞ, ୭ ଦିନ ଧରି ବିଭିନ୍ନ ଆଧ୍ୟାତ୍ମିକ ତଥା ସାଂସ୍କୃତିକ କାର୍ଯ୍ୟକ୍ରମ, ସ୍ମରଣିକା ପ୍ରକାଶନ କରାଯିବା ସହ ବିଦ୍ୟାଳୟସ୍ତରୀୟ ଆଧ୍ୟାତ୍ମିକ ସଂଗୀତ, ସୌଖିନ ପୋଷାକ, ବେଦ ଉଚ୍ଚାରଣ, ଚିତ୍ରକଳା, ରଙ୍ଗୋଲି,ବକ୍ତୃତା ପ୍ରତିଯୋଗିତା ମାନ ଆୟୋଜନ କରାଯିବା ର ସୂଚନା ଦେବା ସହ  ସହରର ସମସ୍ତ ଅନୁଷ୍ଠାନ ଓ  ବ୍ୟକ୍ତି ବିଶେଷ ଏହି ଉତ୍ସବ କୁ ମହାସମାରୋହରେ ଆୟୋଜନ କରାଯିବାକୁ ମତା ମତ ଦେବାକୁ ଅନୁରୋଧ କରିଥିଲେ l ସମ୍ପାଦକ ଅଙ୍କୁଶ ହୋତା ଆଗାମୀ ସୁବର୍ଣ୍ଣ ଜୟନ୍ତି ଆୟୋଜନ ପାଇଁ ସମସ୍ତଙ୍କ ସହଯୋଗ କାମନା କରିଥିଲେ l ପ୍ରତିଷ୍ଠାତା ସଭ୍ୟ ଭଗବାନ ବଗର୍ତି  ଏହି ନାମଯଂଜ୍ଞ ର ଅନବରତ ଭାବେ ଆୟୋଜନ କରାଯାଇ ୫୦ ବର୍ଷରେ ପର୍ଦାର୍ପଣ କରିଥିବାରୁ  ଓଡିଶା ରେ ଏକ ଗୌରବ ମୟ ଅଧ୍ୟାୟ ସୃଷ୍ଟି କରିବାକୁ ଯାଉଛି ବୋଲି ପ୍ରକାଶ କରିଥିଲେ l ବିଶିଷ୍ଟ ସମାଜ ସେବି ତଥା ବରିଷ୍ଠ ସଭ୍ୟ ବିକ୍ରମାନନ୍ଦ ବହିଦାର ସମସ୍ତ ଅନୁଷ୍ଠାନ ନାମଯଜ୍ଞ ଓ ବିଷ୍ଣୁ ମହାଯଜ୍ଞ ସହଯୋଗ କରିବା ପାଇଁ ନିବେଦନ କରିଥିଲେ l ବରିଷ୍ଠ ସଭ୍ୟ ଅଶୋକ ଚାନ୍ଦ ସ୍ମରଣିକା ପ୍ରକାଶନ ଉପରେ ଆଲୋକପାତ କରିଥିଲେ l 
ବିଭିନ୍ନ ଆଧ୍ୟାତ୍ମିକ ଅନୁଷ୍ଠାନ ପ୍ରଜାପିତା ବ୍ରାହ୍ମକୁମାରୀ, ସତସଙ୍ଗ ବିହାର, ଭାଗବତ ଭବନ ଏବଂ ଅନ୍ୟ ଅନୁଷ୍ଠାନ ର କର୍ମକର୍ତ୍ତା ମତାମତ ପ୍ରଦାନ କରିଥିଲେ l ବିଶିଷ୍ଟ ସଂଗଠକ ତଥା ସମାଜସେବୀ ଶ୍ରୀକର ମିଶ୍ର ଏକ୍ସନ କମିଟି ର ଗୋପାଳଜୀ ପାଣିଗ୍ରାହୀ, ଭୀମପାହାଡ଼ କମିଟି ରୁ ଲକ୍ଷ୍ମଣ ମେହେର, ସଂକୀର୍ତନ୍ୟ ପ୍ରେମୀ ଗୁଲାବ ବାଗ, ପଙ୍କଜିନୀ ପଣ୍ଡା, ଯୁଧିଷ୍ଠିର ମିଶ୍ର, ପ୍ରଭାଜର ମିଶ୍ର, ଜୟରାମ ମିଶ୍ର, ଗୋପାଳ ହୋତା ପ୍ରମୁଖ ମତାମତ ପ୍ରଦାନ କରିବାସହ ସମସ୍ତ ପ୍ରକାର ସାହାଯ୍ୟ ସହଯୋଗ ପ୍ରଦାନ କରିବା ପାଇଁ ପ୍ରତିଶୃତି ଦେଇଥିଲେ l କମିଟି ର ସଦସ୍ୟ ସନ୍ତକ ବହିଦାର ଓ ଶିବନାରାୟଣ ରଥ କାର୍ଯ୍ୟକ୍ରମ ଆୟୋଜନ ଉପରେ ସମ୍ୟକ ସୂଚନା ଦେଇଥିଲେ l ମହିଳା କମିଟି ସଦସ୍ୟା କାଉନସିଲର ଇସ୍ମତ ଆରା ଖାନ ଧନ୍ୟବାଦ ଅର୍ପଣ କରିବା ସହ ମହିଳା ମାନଙ୍କର ସହଯୋଗ କାମନା କରିଥିଲେ l