04-Sep-2023

ବଲାଙ୍ଗୀର , ଗତକାଲି ସଂଧ୍ୟାରେ ସ୍ଥାନୀୟ ରୁଗୁଡି ପଡା ଠାରେ ବଲାଙ୍ଗୀର ମଧୁବୈଶ୍ୟ ସମାଜ (ଗୁଡିଆ) ତରଫରୁ ଏକ ବୈଠକ ଅନୁଷ୍ଠିତ ହୋଇଥିଲା । ସମାଜର ବରିଷ୍ଠ ସଭ୍ୟ ଆଦିତ୍ୟ ଚୋପଦାରଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ମୁଖ୍ୟ ବକ୍ତା ଭାବେ ଅବବସରପ୍ରାପ୍ତ ନ୍ୟାୟାଧୀଶ  ଗୋପାଳ ଚନ୍ଦ୍ର ଚୋପଦାର, ମୁଖ୍ୟ ଅତିଥି ଭାବରେ ଗୁଡିଆ ସମାଜର

ପ୍ରଦେଶିକ କର୍ମକର୍ତ୍ତା ତଥା  ନାଗରିକ କମିଟିର ସଂପାଦକ ମନୋରଂଜନ ସାହୁ ,   ସମ୍ମାନିତ ଅତିଥି ଭାବେ ଗୁଡିଆ ସମାଜର ଜିଲ୍ଲା ସଂପାଦକ ଜୟକୃଷ୍ଣ ସାହୁ  ଓ ପ୍ରମୁଖ ମଞ୍ଚାସୀନ ରହି ଗୁଡିଆ ସମାଜର ଭାଇଭାଉଣୀ ମାନଙ୍କ ଏକତ୍ରିତ ଓ ସଂଘବଦ୍ଧ ଭାବରେ ରହି ସମାଜକୁ ଉନ୍ନତି ପଥରେ ଆଗେଇ ନେବାକୁ ପରାମର୍ଶ ଦେଇଥିଲେ । ସମାଜରେ ସଂସ୍କାର ଆଣିବାକୁ ଜାତି ସମାଜର ଭୂମିକା ଗୁରୁତ୍ୱପୂର୍ଣ୍ଣ ବୋଲି ଅତିଥି ମାନେ ମତ ଦେଇଥିଲେ l ଏହି ଅବସରରେ ବିମଳ କୁମାର

ଚୋପଦାରଙ୍କ ଲିଖିତ ପୁସ୍ତକ ‘ଚୋପଦାର ବଂଶାବଳୀ’ କୁ ଅତିଥି ମାନେ ଉନ୍ମୋଚନ କରିଥିଲେ । ପୁସ୍ତକର ପ୍ରକାଶିକ ଚିତ୍ରାଙ୍ଗି ଚୋପଦାର ପୁସ୍ତକ ସଂପର୍କରେ ସୂଚନା ଦେଇଥିଲେ ।  ସଭା ପ୍ରାରମ୍ଭରେ ଇଷ୍ଟଦେବ ଶ୍ରୀ ଗଣେଶ ଓ ଚୋପଦାର ବଂଶର ଅୟମାରମ୍ଭର ମୁଖ୍ୟ କର୍ତ୍ତା ସ୍ୱର୍ଗତ ରତ୍ନାକର ଚୋପଦାରଙ୍କ ଫଟୋଚିତ୍ରରେ ମାଲ୍ୟାର୍ପଣ ଓ ପ୍ରଦୀପ ପ୍ରଜ୍ୱଳନ କରାଯାଇଥିଲା । ସଭାକୁ ପୁସ୍ତକର ଲେଖକ ବିମଳ ଚୋପଦାର ପରିଚାଳନା କରିବା ସହ ଧନ୍ୟବାଦ ଅର୍ପଣ କରିଥିଲେ । 
ସଭାରେ ଅନ୍ୟ ମାନଙ୍କ ମଧ୍ୟରେ ଧୃବଚରଣ ଚୋପଦାର, ସୁରିତ ଚୋପଦାର, ପ୍ରକାଶ ଚୋପଦାର, କୈଳାସ ଚୋପଦାର, ଅମ୍ବରୀଶ ସରାଫ , ବିନୋଦ ଚୋପଦାର, ବିନୟ ଚୋପଦାର, ପ୍ରଶାନ୍ତ ଚୋପଦାର, ସରୋଜ ଚୋପଦlର, ପ୍ରଦୀପ ଚୋପଦାର ପ୍ରମୁଖ ଉପସ୍ଥିତ ଥିଲେ ।