18-Jul-2023

ବରଗଡ଼:-ବରଗଡ ଜିଲ୍ଲା ବିଜେପୁର ନିର୍ବାଚନ ମଣ୍ଡଳୀ ସଦର ମହକୁମା ସ୍ଥିତ କେଉଁଟିପାଲି ବଜାର ପ୍ରାଙ୍ଗଣରେ ଭାରତୀୟ ଜନତା ପାର୍ଟିର ସଞ୍ଜୁକ୍ତ ମୋର୍ଚ୍ଚା ବୈଠକ ଅନୁଷ୍ଠିତ ହୋଇ ଯାଇଛି।ବୈଠକରେ ରାଜ୍ୟ ସଭାପତି ମନମୋହନ ସାମଲ ମୁଖ୍ୟ ଅତିଥି ଭାବେ ଯୋଗଦେଇ ସମାବେଶ କୁ ଉଦଘାଟନ କରିଥିଲେ।ଶ୍ରୀଯୁକ୍ତ ସାମଲ ବିଜେପୁର ପହଞ୍ଚିବା ପୂର୍ବରୁ ପଡା ଛକଠାରେ ତାଙ୍କୁ ବିଜେପି ନେତା ଓ କର୍ମୀ ଗଣ ଭବ୍ୟ ସ୍ୱାଗତ କରିବା ସହ ଏକ ବାଇକ ଶୋଭା ଯାତ୍ରାରେ ବିଜେପୁର ସହର ପରିକ୍ରମା କରି ସଭାସ୍ଥଳକୁ ପାଛୋଟି ଆଣିଥିଲେ।ପରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ସୁରେଶ୍ୱର ଶତପଥିଙ୍କ ଅଧ୍ୟକ୍ଷତାରେ ସଭାକାର୍ଯ୍ୟ ଆରମ୍ଭ ହୋଇଥିଲା।ବିଗତ ମୋଦୀ ସରକାରଙ୍କ ୯ବର୍ଷ ଶାସନ କାଳର ବିଭିନ୍ନ ଗରିବ କଲ୍ୟାଣ ଯୋଜନାର ସଫଳତା ଉପରେ ବଖାଣି ଥିଲେ।ବୁଥ ସ୍ତରର ଲୋକମାନଙ୍କ ଘରକୁ ଘର ଯାଇ ମୋଦୀଜୀ ଙ୍କ ନଅବର୍ଷର ସଫଳତା ଉପରେ ଅବଗତ କରିବାକୁ ଉପସ୍ଥିତ କର୍ମୀ ସମାବେଶରେ ସମ୍ମୋଧିତ କରିଥିଲେ।ପୁଣି ଆଗାମୀ ୨୦୨୪ରେ ଓଡ଼ିଶାରେ ବିଜେପିର ଡବଲ ଇଞ୍ଜିନ ସରକାର ଗଢ଼ିବା ସୁନିଶ୍ଚିତ ବୋଲି ଦ୍ରୃଢ଼ୋକ୍ତି ବ୍ୟକ୍ତ କରିଥିଲେ।ଏହି ପରିବର୍ତ୍ତନର ଧାରା ବିଜେପୁରରୁ ତାର ଆଭାସ ଦେଖାଦେଉଛି ବୋଲି କହିଥିଲେ।ଘରକୁ ଘରକୁ ଘର

ଯାଇ ବିଜେପି ସଙ୍ଗଠନ କିଭଳି ଭାବେ ଆହୁରି ସଶକ୍ତ ହେବ ଯେପରି ସାରା ନିର୍ବାଚନ ମଣ୍ଡଳୀ ମୋଦୀଜୀ ଙ୍କ ୯ ବର୍ଷ ଶାସନର ସଫଳତା ଘରେଘରେ ପହଞ୍ଚି ପାରିବ ସେନେଇ କଠିନ ରୁ କଠିନ ପରିଶ୍ରମ କରିବାକୁ ପଡିବ ବୋଲି ଉପସ୍ଥିତ ସମାବେଶ କୁ ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ବିଧାୟକ ପ୍ରାର୍ଥୀ ଜମିଦାର ସନତ ଗଡତୀୟା ଉଦବୋଧନ ଦେଇଥିଲେ।ଏବଂ ଏଇ ୨୫ ବର୍ଷରେ ବୁଡି ରହିଥିବା ନବୀନ ସରକାରଙ୍କୁ ଗାଦିଚ୍ୟୁତ କରିବା ପାଇଁ ଆପଣମାନଙ୍କୁ ଆଶ୍ରିର୍ବାଦ ସହଯୋଗ ଏକାନ୍ତ କାମ୍ୟ ବୋଲି ଶ୍ରୀ ଗଡତୀୟା ମତବ୍ୟକ୍ତ କରିଥିଲେ।ଅନ୍ୟ ମାନଙ୍କ ମଧ୍ୟରେ ସାଂସଦ ସୁରେଶ ପୂଜାରୀ, ଜିଲ୍ଲା ପ୍ରଭାରୀ ବିଧାୟକ ନାଉରୀ ନାଏକ,ରାଜ୍ୟ ଯୁବମୋର୍ଚ୍ଚା ସଭାପତି ଇରାଶିଷ ଆଚାର୍ଯ୍ୟ,କୃଷକ ମୋର୍ଚ୍ଚାର ରାଜ୍ୟ ସଭାପତି ପ୍ରଦୀପ ପୁରୋହିତ ପ୍ରମୁଖ ଭବ୍ୟ ସମାବେଶରେ ଉଦବୋଧନ ଦେଇଥିଲେ।