18-Jul-2023

ବିନିକା(ହିମାଂଶୁ ଶେଖର ପୁଟେଲ)ଅଲ ଓଡ଼ିଶା ପ୍ରାଇଭେଟ୍ ସ୍କୁଲସ ଏସୋସିଏସନ(ଅପୋସା) ତରଫରୁ ଚଳିତ ମାସ ୨୧ତାରିଖରେ ଭୁବନେଶ୍ଵର ଲୋୟର ପିଏମଜି ଛକ ଠାରେ ହେବାକୁ ଯାଉଥିବା ରାଜ୍ୟ ସ୍ତରୀୟ ସମାବେଶରେ ଯୋଗଦେବା ପାଇଁ ଆଜି ବିନିକା ସ୍ଥିତ ଶିଶୁ ବିକାଶ ବିଦ୍ୟା ମନ୍ଦିର ପରିଚାଳନା କମିଟି,ଶିକ୍ଷାଦାନ କରୁଥିବା ଗୁରୁମା ମାନଙ୍କ ତରଫରୁ ଗଣଧାରଣା ପ୍ଳାଏ କାର୍ଡ ଦେଖାଇ ପ୍ରସ୍ତୁତି ଆରମ୍ଭ ହୋଇଥିବା ଦେଖିବାକୁ ମିଳିଥିଲା।ସୂଚନା ଯୋଗ୍ୟ ଯେ ସାଂପ୍ରତିକ ସ୍ଥିତିରେ ଘରୋଇ ବିଦ୍ୟାଳୟ ଗୁଡ଼ିକର ସମସ୍ୟା ସମାଧାନକୁ ନେଇ ସମସ୍ତ ଷ୍ଟାଫ ଆନ୍ଦୋଳନକୁ ଓହ୍ଲାଇବାକୁ ବାଧ୍ୟ ହୋଇଛନ୍ତି ।ସେଥିପାଇଁ କିଛିଦିନ ତଳେ ସୁବର୍ଣ୍ଣପୁର ଜିଲ୍ଲା ସ୍ତରୀୟ ପ୍ରସ୍ତୁତି ବୈଠକରେ ଜିଲ୍ଲାର ସମସ୍ତ ପ୍ରାଇଭେଟ୍ ବିଦ୍ୟାଳୟ ଷ୍ଟାଫ ଉପସ୍ଥିତ ରହି ନିଷ୍ପତି ନେଇଛନ୍ତି ।ଏହି ପରିପ୍ରେକ୍ଷିରେ ଜିଲ୍ଲା ସଂଘ ଉପସଭାପତି ତଥା ବିନିକା ଶିଶୁ ବିକାଶ ବିଦ୍ୟା ମନ୍ଦିର ପରିଚାଳନା କମିଟି ସମ୍ପାଦକ ସର୍ବେଶ୍ଵର ପୁରୋହିତ ସୂଚନା ଦେଇଛନ୍ତି ଯେ ଆସନ୍ତା ୨୧ତାରିଖ ଦିନ ସ୍କୁଲରେ ପାଠପଢା ବନ୍ଦ ହେବ ।ଶିକ୍ଷା ପ୍ରଦାନ କରୁଥିବା ଗୁରୁଜୀ,ଗୁରୂମା ମାନେ ସମାବେଶରେ ଯୋଗଦେବା ପାଇଁ ପ୍ଲା କାର୍ଡ ଦେଖାଇ ଅଭିଭାବକଙ୍କୁ ସଚେତନତାର ବାର୍ତା ପ୍ରଦାନ କରିଛନ୍ତି।ସେହିପରି ବିନିକା ସହର ଓ ବ୍ଲକ ଅଞ୍ଚଳର ବିଭିନ୍ନ ସ୍ଥାନରେ ଥିବା ପ୍ରାଇଭେଟ୍ ସ୍କୁଲ ଗୁଡ଼ିକ ମଧ୍ୟ ଏହି ଦିନ ବନ୍ଦ ରହିବ ।ତେବେ ଉକ୍ତ ଅଞ୍ଚଳରୁ ପ୍ରାୟ ୧୦୦ରୁ ଉର୍ଦ୍ଧ୍ବ ଶିକ୍ଷକ, ଶିକ୍ଷୟତ୍ରୀ,ପରିଚାଳନା କମିଟି ସଦସ୍ୟ ଭୁବନେଶ୍ୱର ସମାବେଶରେ ଯୋଗଦେବେ ବୋଲି ଜଣାପଡିଛି ।