18-Jul-2023

ପାଟଣାଗଟ(ଦିଲୀପ ପଣ୍ଡା ):ସ୍ଥାନୀୟ ବ୍ରହ୍ମପୁରା ନିକଟସ୍ଥ ବ୍ଲକ ଛକଠାରେ ଗତକାଲି ବିଧାୟକ ଙ୍କ କିଛି ସମର୍ଥକଙ୍କ ସହ ସହରର ବିଭିନ୍ନ ସଙ୍ଗଠନର କର୍ମକର୍ତ୍ତା ମାନେ ଭଗବାନ ପର୍ଶୁରାମଙ୍କ ଫଟୋକୁ ଅପସାରଣ କରି ପ୍ରବାଦପୁରୁଷ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ସ୍ଥାପନ କରିଥିଲେ । ଏହାକୁ ବିରୋଧ କରି ଆଜି ହିନ୍ଦୁବାଦି ସଙ୍ଗଠନ, ବ୍ରାହ୍ମଣ ଏକତାମଞ୍ଚ, ବଜରଙ୍ଗ ଦଳ, ପକ୍ଷରୁ  ଧାରଣା ଦିଆଯାଇଛି । ଏପରିକି ସଙ୍ଗଠନ ତରଫରୁ ପାଟଣଗଡ ଥାନାରେ ଲିଖିତ ଅଭିଯୋଗ ମଧ୍ୟ କରାଯାଇ ଆସନ୍ତା କାଲି ପାଟଣଗଡ ବନ୍ଦ କରାଜିବ ବୋଲି ଚେତାବନୀ ଦିଆଯାଇଛି । ପ୍ରକାଶଯେ ୨୦୧୯ ମସିହା ପର୍ଶୁରାମ ଜୟନ୍ତୀ ଦିନ ଠାରୁ ବ୍ଲକ ଛକଠାରେ ହିନ୍ଦୁବାଦି ସଙ୍ଗଠନ, ବ୍ରାହ୍ମଣ ଏକତାମଞ୍ଚ, ବଜରଙ୍ଗଦଳ ତରଫରୁ ପଞ୍ଚମୁଖୀ ହନୁମାନ ମନ୍ଦିର ଠାରୁ ଏକ ଶୋଭାଯାତ୍ରାରେ ବାହାରି ବ୍ଲକ ଛକଠାରେ ଭଗବାନ ପର୍ଶୁରାମଙ୍କ ଏକ ଫଟୋ ସ୍ଥାପନ କରି ପୂଜାର୍ଚ୍ଚନା କରିବା ସହ ଉକ୍ତ ଛକକୁ ପର୍ଶୁରାମ ଛକ ନାମରେ ନାମିତ କରାଯାଇଥିଲା । ହେଲେ ଗତକାଲି ପାଟଣଗଡ ବିଧାୟକ ଙ୍କ କିଛି ସମରର୍ଥକ ଙ୍କ ସହ ସହରର ବିଭିନ୍ନ ସଙ୍ଗଠନର କର୍ମକର୍ତ୍ତା ମାନେ ଏକ ଶୋଭାଯାତ୍ରାରେ ଯାଇ ଉକ୍ତ ସ୍ଥାନରେ ଭଗବାନ ପର୍ଶୁରାମଙ୍କ ଫଟୋକୁ ଅପସାରଣ କରି ସେଠାରେ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ସ୍ଥାପନ କରିଥିଲେ । ଏହାର ପ୍ରତିବାଦରେ ଆଜି  ଉପରୋକ୍ତ ସଙ୍ଗଠନର କର୍ମକର୍ତ୍ତା ମାନେ ନୂତନ ଭାବରେ ସ୍ଥାପିତ କରାଯାଇଥିବା ବିଜୁ ପଟ୍ଟନାୟକ ଙ୍କ ମୂର୍ତ୍ତି ତଲେ ସକାଳୁ ମୂର୍ତ୍ତି ଧାରଣରେ ବସିପଡ଼ି ଥିଲେ । ଖବର ଲେଖାହେବା ପର୍ଯ୍ୟନ୍ତ ପ୍ରଶାସନ ତରଫରୁ ସେମାନଙ୍କୁ ବୁଝାସୁଝା ସ୍ଵତ୍ବେ ମଧ୍ୟ ସେମାନେ ନିଜ ଜିତରେ ଅଟଳ ରହିଥିବା ଜଣାପଡିଛି । ଏସମ୍ପର୍କରେ ପାଟଣଗଡ ବିଧାୟକ ସରୋଜ କୁମାର ମେହେର ଙ୍କୁ ପଚାରିବାରୁ ପାଟଣଗଡ ଜନସାଧାରଣ ଙ୍କ ଲିଖିତ ଅନୁରୋଧ କ୍ରମେ ୨୦୨୨ ମସିହା ଏପ୍ରିଲ ୨୦ ତାରିଖରେ ସହରରେ ଥିବା ୭ ଗୋଟି ଛକର ସୈ।ନ୍ଦରଯ୍ୟ କରଣ ସହ ମହାପୁରୁଷ ଓ ଭଗବାନ ପର୍ଶୁରାମଙ୍କ ମୃର୍ତ୍ତୀ ସ୍ଥାପନ ପାଇଁ ଏନ୍ଏସି ବୈଠକ କରେ ଏକ ପ୍ରସ୍ତାବ ଗୃହୀତ କରାଜାଇଥିଲା । ତତ୍ ଅନୁସାରେ ପ୍ରଥମ ପର୍ଯ୍ୟାୟରେ ବର୍ଥଲ୍ଲା ଛକଠାରେ ଗୈ।ତମ ବୈ।ଦ୍ଧ ଙ୍କ ମୂର୍ତ୍ତି ସ୍ଥାପନ କରାଯାଇଛି । ଦ୍ଵିତୀୟ ପର୍ଯ୍ୟାୟର ବ୍ଲକ ଛକ ଠାରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ମୂର୍ତ୍ତି ସ୍ଥାପନ କରାଗଲା । ତୃତୀୟ ପର୍ଯ୍ୟାୟରେ ଦୁଇରୁ ତିନିଦିନ ମଧ୍ୟରେ ବ୍ରହ୍ମପୁରା ତଥା ରଥଭଟା ଛକଠାରେ ଭଗବାନ ପର୍ଶୁରାମଙ୍କ ମୂର୍ତ୍ତି ସ୍ଥାପନ କରାଯିବ ବୋଲି ତାଙ୍କର ପ୍ରତିକ୍ରିୟା ରଖିଥିଲେ ।