18-Jun-2023

ବଲାଙ୍ଗୀର - ସ୍ଥାନୀୟ ମାରୱାଡ଼ି ସେବା ସଦନ ଠାରେ ଜେ ଏସ ଏମ କଲେଜ ରେ +୨ ଏବଂ +୩ କମର୍ସ ରେ ଅଧ୍ୟୟନ କରି କୃତିତ୍ୱ ଲାଭ କରିଥିବା ଛାତ୍ରଛାତ୍ରୀ ମାନଙ୍କ ବିଦାୟ କାଳୀନ ଉତ୍ସବ ମହାସମାରୋହରେ ପାଳିତ ହୋଇଯାଇଛି । ଏହି ବିଦାୟ କାଳୀନ ଉତ୍ସବର ମୁଖ୍ୟ ଅତିଥି ଡ଼.ପ୍ରଭାସ ସିଂ ବରଗଡ଼ର ପୂର୍ବତନ ସାଂସଦ ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ମୂଲ୍ୟବାନ ଶବ୍ଦ ସଂଯୋଜନା ପୂର୍ବକ ଉତ୍ସାହିତ କରିଥିଲେ । ମୁଖ୍ୟବକ୍ତା ଭାବେ ବଲାଙ୍ଗୀର ମହିଳା ମହାବିଦ୍ୟାଳୟର ଅଧ୍ୟାପକ ଶ୍ରୀଯୁକ୍ତ ସଦାଶିବ ମଲ୍ଲିକ ଛାତ୍ରଛାତ୍ରୀ ମାନଙ୍କୁ ଆତ୍ମବିଶ୍ବାସ ଓ

କଠିନ ପରିଶ୍ରମ ବଳରେ ନିଜର କ୍ୟାରିଅର ଗଠନ କରିବା ପାଇଁ ଉଦବୋଧନ ଦେଇଥିଲେ।ଅନ୍ୟତମ ଅତିଥି ଭାବେ ନାଗରିକ କମିଟି ର ସାଧାରଣ ସମ୍ପାଦକ ମନୋରଞ୍ଜନ

ସାହୁ ଯୋଗଦାନ କରି ଛାତ୍ରଛାତ୍ରୀ ମାନଙ୍କ ଉତ୍ତୋରୋତ୍ତର କାମନା କରିଥିଲେ । କଲେଜ୍ ର ଛାତ୍ର ଅଭିଷେକ ଅଗ୍ରୱାଲ ଏବଂ ଛାତ୍ରୀ ଟି. ସୋରେନା ଫ୍ଲୋରେନ୍ସ ସଂଯୋଜନା କରିଥିବା ବେଳେ ଅଧ୍ୟକ୍ଷା ଚେତନା ଅଗ୍ରୱାଲ କଲେଜର ବାର୍ଷିକ ବିବରଣୀ ପଠନ କରିଥିଲେ।କଲେଜ୍ ର ନିର୍ଦ୍ଦେଶିକା ସୁମନ ଶର୍ମା ଏବଂ ଚେୟାରମେନ ସି ଏ, ଶ୍ରୀକାନ୍ତ ଶର୍ମା ଉତ୍ସବ କୁ ପରିଚାଳନା କରିଥିଲେ । ସଭା ଶେଷରେ ଛାତ୍ରଛାତ୍ରୀ ମାନଙ୍କ ଦ୍ଵାରା ରଙ୍ଗା ରଙ୍ଗ କାର୍ଯକ୍ରମ ପ୍ରସ୍ତୁତି ହୋଇଥିଲା ।