18-Jun-2023

ଲୋଇସିଂହା, (ବିନୋଦ କୁମାର ଦୀପ) ଓଡ଼ିଶା ପ୍ରାନ୍ତୀୟ ମାରୱାଡ଼ି ଯୁବା ମଞ୍ଚ ତଥା ମାରୱାଡି ଯୁବାମଞ୍ଚ ଲୋଇସିଂହା ଆନୁକୂଲ୍ୟରେ ଲୋଇସିଂହା ଅଗ୍ରେସନ ଭବନ ଠାରେ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଥିଲା l ମାରୱାଡି ଯୁବାମଞ୍ଚ ସଭାପତି ଶ୍ରୀ ରାକେଶ ଅଗ୍ରୱାଲ, ସମ୍ପାଦକ ଅଭିଷେକ ଅଗ୍ରୱାଲ ଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏହି ଶିବିର ଅନୁଷ୍ଠିତ ହୋଇଥିଲା l ଏହି ମେଗା ରକ୍ତଦାନ ଶିବିର କାର୍ଯ୍ୟକ୍ରମ ରେ ଡ଼ ଗୌତମ କୁମାର ଅଗ୍ରୱାଲ, ବିକାଶ ଅଗ୍ରୱାଲ, କେଶବ ଅଗ୍ରୱାଲ, ଓମପ୍ରକାଶ ଅଗ୍ରୱାଲ, ସାହିଲ ଅଗ୍ରୱାଲ, ରୋହିତ ଅଗ୍ରୱାଲ, ପ୍ରତୀକ ଅଗ୍ରୱାଲ ଓ ମୋହନ ଅଗ୍ରୱାଲ ରକ୍ତଦାନ ଶିବିରରେ ବିଶେଷ ଭାବେ ସହଯୋଗ କରିଥିଲେ l ଏହି ରକ୍ତଦାନ ଶିବିରରେ ରାଜ୍ୟ ମାରୱାଡି ଯୁବାମଞ୍ଚ ସଦସ୍ୟମାନେ ମଧ୍ୟ ଅଂଶଗ୍ରହଣ କରିଥିଲେ l ତା ସଂଗେ ସଂଗେ ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ, ବିଜେଡି ରାଜ୍ୟସଭା ସଦସ୍ୟ ନିହାରରଞ୍ଜନ ବେହେରା, ବିଜେଡି ଲୋଇସିଂହା ବ୍ଲକ ସଭାପତି ହୃଦାନନ୍ଦ ବେହେରା, ଲୋଇସିଂହା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡ଼ା. ସଂଜୀବ ବିଶ୍ୱାଳ, ଷ୍ଟାଫ ନର୍ସ ଜ୍ୟୋତିର୍ମୟୀ ନାଏକ, ସମାଜସେବୀ ସରୋଜ ମହାକୁର, ଲୋଇସିଂହା ସାମ୍ବାଦିକ ସଂଘ ସଭାପତି ସରୋଜ ବିଶ୍ୱାଳ ପ୍ରମୁଖ ଉକ୍ତ କାର୍ଯ୍ୟକ୍ରମରେ ଉପସ୍ଥିତ ଥିଲେ l ରକ୍ତଦାନ କରିଥିବା ସମସ୍ତ ରକ୍ତଦାତା ମାନଙ୍କୁ ମାନପତ୍ର ଓ ଫୁଲତୋଡ଼ା ଦେଇ ସମ୍ମାନିତ କରାଯାଇଥିଲା l ରକ୍ତଦାନ କେନ୍ଦ୍ର ନିକଟରେ ଏକ ସେଲ୍ଫି ପୋଏଣ୍ଟ କରାଯାଇଥିଲା l 

ଯାହାଦ୍ୱାରା ରକ୍ତଦାତା ମାନେ ରକ୍ତଦାନ ପରେ ସେଲ୍ଫି ପୋଏଣ୍ଟ କୁ ଯାଇ ଖିସିର ଶହ ସେଲ୍ଫି ନେଉଥିବାର ଦେଖିବାକୁ ମିଳିଥିଲା l ଲୋଇସିଂହା ମାରୱାଡ଼ି ଯୁବା ମଞ୍ଚ ଆନୁକୁଲ୍ୟରେ ଅନୁଷ୍ଠିତ ମେଗା ରକ୍ତଦାନ ଶିବିରରେ ସର୍ବ ମୋଟ ରେକର୍ଡ କାଳୀନ 100 ୟୁନିଟ ରୁ ଉର୍ଦ୍ଧ ରକ୍ତଦାନ କରି ତାର ଗାରିମା ବଜାୟ ରଖିଛି l ସମସ୍ତ ଙ୍କୁ ଜଣା ଯେ ରକ୍ତଦାନ ଏକ ମହତ୍ ଦାନ l ରକ୍ତ ଦାନ ଏକ ଜୀବନ ଦାନ, ଏପରି ଏକ ମହତ୍ କାମ କରି ପ୍ରଶଂସାର ପାତ୍ର ହୋଇ ପାରିଛି ମାରୱାଡ଼ି ଯୁବା ମଞ୍ଚ ଲୋଇସିଂହା l