02-May-2023

ପାଟଣାଗଡ(ଦିଲୀପ ପଣ୍ଡା ): ପାଟଣାଗଡ଼ ବ୍ଲକ ଲରମ୍ଭା ଥାନା ଅନ୍ତର୍ଗତ ବାହାଲଭଟଲି ଗ୍ରାମରେ ଜଣେ ବିବାହିତ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି ।

ପାରିବାରିକ କଲହକୁ ନେଇ ମହିଲା ଜଣକ ଆତ୍ମହତ୍ୟା କରିଥିବା ଶାଶୁ ଘରଳୋକେ କହୁଥୁବାବେଲେ ମୃତକଙ୍କ ବାପା ଶୁକସାନ୍ତ ସୁନା ଝିଅ ପ୍ରିୟଙ୍କା କୁ ଯୈ।ତୁକପାଇଁ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି । ପୁଲିସ ଏକ ମାମଲା ରୁଜୁ କରି ତଦନ୍ତ ପରେ ମୃତମହିଲାଙ୍କ ସ୍ବାମୀ ତାପସରଞ୍ଜନ ସିକାକୁ ଗିରଫ କରି କୋର୍ଟ ଚାଲାଣ କରିଛି । କୋର୍ଟରେ ଜାମିନ ନାମଞ୍ଜୁର ହେବାରୁ ତାକୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ଥାନାଧିକାରୀ ସୁଶାନ୍ତ ପଧାନଙ୍କ ଠାରୁ ଜଣାପଡିଛି । ଅଭିଯୋଗ ଅନୁସାରେ ପଦ୍ମପୁର ଥାନା ଏନଏସି ଅନ୍ତର୍ଗତ ରଜାପଡାର ଶୁକସାନ୍ତ ସୁନା ଙ୍କ ଝିଅକୁ ଲରମ୍ଭା ଥାନା ବାହାଲଭଟଲି ଗାଁର ତାପସରଞ୍ଜନ ସିକା  ଆଜିକୁ ୪ ବର୍ଷ ପୂର୍ବେ  ସୁପ୍ରିୟାଙ୍କୁ ପ୍ରେମବିବାହ କରିଥିଲେ । ବିବାହ ସମୟରେ ନିଜ ସାଧ୍ୟମତେ ଜାନି ଯୌତୁକ ମଧ୍ୟ ଦେଇଥିଲେ । ମୃତ ମହିଳାଙ୍କ ସ୍ବାମୀ ବେରୋଜଗାରଥିବାରୁ ଏକ ଦୋକାନ ଖୋଲିବା ପାଇଁ  ବୋହୁକୁ ଲକ୍ଷାଧିକ ଟଙ୍କା ଆଣିବାକୁ କହିଥିଲେ ।ବାପଘରଲୋକେ ଟଙ୍କା ଦେବାକୁ ଅସମର୍ଥ ହେବାରୁ ଶାଶୁ ଘର ଳୋକେ ଝିଅକୁ ନିର୍ଯାତନା ଦେଇଆସୁଥିଲେ । ଏହି କଥାକୁନେଇ ସ୍ଵାମୀ -ସ୍ତ୍ରୀ ଓ ଶାଶୂ ଶସୁର ଙ୍କ ମଧ୍ୟରେ ସବୁବେଳେ ଝଗଡା ଲାଗିରହୁଥିଲା । କିଛି ମାସ ପୂର୍ବରୁ ଶୁକସାନ୍ତ ଝିଅକୁ ଶାଶୁ ଘର ଳୋକେ ବାରମ୍ବାର ନିର୍ଯ୍ୟାତନା ଦେଇଆସୁଥିବାରୁ ସେତାଙ୍କ ଝିଅକୁ ଘରକୁ ଆଣିଥିଲେ । ଏଠାରେ କିଛି ଦିନ ରହିବାପରେ ସ୍ଵାମୀ ଓ ତାର ପରିବାରବର୍ଗ ବଦ୍ଧୁବାଦ୍ଧବଙ୍କ ଉପସ୍ଥିତିରେ ଝିଅକୁ ନେଇଯାଇଥିଲେ ।  ଝିଅ ଶାଶୁ ଘରକୁ ଯିବାର କିଛିଦିନପରେ ଏହି ଘଟଣା ଘଟିଛି । ଝିଅକୁ ସ୍ଵାମୀ ଓ ଶାଶୂ ଶସୁର ଗତ ରବିବାର ରାତିରେ ମାଡମାରିବା ପରେ ତଣ୍ଟିଚିପି ହତ୍ୟା କରି ଘରରୁ ୨୦୦ ମିଟର ଦୂରରେ ଥିବା ଏକ ମହୁଲ ଗଛରେ ଆତ୍ମହତ୍ୟା ରୁପଦେଇଥିବା ମୃତକଙ୍କ ବାପା ଅଭିଯୋଗ କରିଛନ୍ତି । ଝିଅଙ୍କ ବାପା ଙ୍କ ଏତଲା ଆଧାରରେ ଲରମ୍ଭା ପୁଲିସ ଏସଡିପିଓ ଜ୍ୟୋତିର୍ମୟ ଭୁକ୍ତା ଓ ସାଇଣ୍ଟିକଫିକ ଟିମର ସହାୟତା ନେଇ ମୃତଦେହ ଉଦ୍ଧାର କରି ଶବବ୍ୟଵଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରିବା ସହ ଅଭିଯୁକ୍ତ ସ୍ବାମୀକୁ ଗିରଫ କରି ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ଥାନାଧିକାରୀ ଙ୍କ ଠାରୁ ଜଣାପଡିଛି ।