08-Feb-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ଠାରେ ଖୋଲିଥିବା ସ୍ମାର୍ଟ ଲାଇବ୍ରେରୀକୁ ଫିଜିଓ ଡାକ୍ତର ଦେବାଶିଷ ପଣ୍ଡା ବିଭିନ୍ନ ପ୍ରକାରର ୨୪ଖଣ୍ଡ ପୁସ୍ତକ ପ୍ରଦାନ କରିଛନ୍ତି । ଅଧ୍ୟୟନ ପାଇଁ ଆସୁଥିବା ଛାତ୍ରଛାତ୍ରୀ ମାନଙ୍କ କ୍ୟାରିଅର ଗଠନରେ ଏହି ପୁସ୍ତକ ଉପଲବ୍ଧ ହେବ ।ସୂଚନା ଯୋଗ୍ୟ ଯେ ବିନିକା ପାଲିପଡା ନିବାସୀ ଜ୍ୟୋତିର୍ବିଦ ତଥା ଅବସରପ୍ରାପ୍ତ ଶିକ୍ଷକ ଜ୍ୟୋତିଷ୍କର ପଣ୍ଡାଙ୍କ ସୁପୁତ୍ର ଦେବାଶିଷ ବିନିକା ସ୍ପୋର୍ଟସ କ୍ଲବର ଜଣେ ସକ୍ରିୟ ସଦସ୍ୟ ଭାବେ ୧୪ରୁ କମ ବୟସ୍କ କ୍ରିକେଟରେ ରାଜ୍ୟସ୍ତରରେ ଖେଳି ତାଙ୍କର କ୍ୟାରିଅର ଗଠନ କରିଥିବାରୁ ସ୍ପୋର୍ଟସ କ୍ଲବ ତରଫରୁ ତାଙ୍କୁ ସମ୍ବର୍ଦ୍ଧିତ କରାଯାଇଥିଲା ଶ୍ରୀ ପଣ୍ଡା ୨୦୧୭-୧୮ରେ ଏଥେଲେଟିକ ଦୂତି ଚାନ୍ଦ ଓ ଅନନ୍ୟା ମଲ୍ଲିକଙ୍କ ସ୍ବାସ୍ଥ୍ୟ ଦେଖାରେଖା ପାଇଁ ଫିଜିଓ ଡାକ୍ତର ଭାବେ ଦାୟିତ୍ଵ ତୁଲାଇଥିଲେ ।ସେହିପରି ୨୦୧୯ରେ ବିଶ୍ବସ୍ତରୀୟ ହକି ସେମି ଫାଇନାଲ ମ୍ୟାଚରେ ସାଉଦ ଆଫ୍ରିକା ଟିମ,୧୯ରୁ କମ ବୟସ୍କ ଝାରଖଣ୍ଡ ଟିମ,୨୦୨୧-୨୨ରେ ୧୯ରୁ କମ ବୟସ୍କ ଭାରତୀୟ କ୍ରିକେଟ ଦଳର ଖେଳାଳିଙ୍କ ସ୍ୱାସ୍ଥ୍ୟର ସୁରକ୍ଷାରେ ନିୟୋଜିତ ହୋଇ ତାଙ୍କର ପାରଦର୍ଶିତା ଦେଖାଇଛନ୍ତି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ବିନିକା ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର,ବିନିକା ନଗରପାଳ ସୁବାସ ଭୋଇ, ଲାଇବ୍ରେରୀ ଇନଚାର୍ଜ ହିମାଂଶୁ ଶେଖର ପୁଟେଲ,ସ୍ପୋର୍ଟସ କ୍ଲବ ସମ୍ପାଦକ ମନୋଜ ଦାସ,ସୃଜନ ପଣ୍ଡା,ସନ୍ତୋଷ ମହାକୁର, ପ୍ରତାପ ସାହୁ,କନିଷ୍ଠ ଯନ୍ତ୍ରୀ ବିବେକାନନ୍ଦ ପାତ୍ର,ଶଙ୍କରା ପେକ୍ସ ସଭାପତି ଧର୍ମରାଜ ପଣ୍ଡା,ନବଜୀବନ ପଣ୍ଡା,ଭୁବନେଶ୍ୱର ପାତ୍ର,ରବୀନ୍ଦ୍ର ପାତ୍ର ପ୍ରମୁଖ ଉପସ୍ଥିତ ଥିଲେ ।