08-Feb-2023

ରେଢ଼ାଖୋଲ(ଅନିଲ କୁମାର ପୃଷ୍ଟି): ରାଞ୍ଚି ବିଜୟୱାଡା ଜାତୀୟ ରାଜପଥର ରେଢ଼ାଖୋଲ ଥାନା ଅନ୍ତର୍ଗତ ତେରେବେଡା ଗ୍ରାମ ନିକଟରେ ଭାରସାମ୍ୟ ହରାଇ ଓଲଟିଲା ଟ୍ରକ୍ ।  ଘଟଣା ସ୍ଥଳରେ ଟ୍ରକ୍ ଚାଳକ ଜୀବନ୍ତ ଦଗ୍ଧ। ସୂଚନାଯୋଗ୍ୟ ଯେ ରାଞ୍ଚି ବିଜୟୱାଡା ଜାତୀୟ ରାଜପଥରେ ନାକଟିଦେଉଳ ପଟରୁ ରେଢ଼ାଖୋଲ ପଟକୁ ଆସୁଥିବା ଏକ ୧୨ ଚକିଆ ଟ୍ରକ  ଗତକାଲି  ବିଳମ୍ବିତ ରାତିରେ ଭାରସାମ୍ୟ ହରାଇ ରାସ୍ତାର ତଳକୁ ଓଲଟି ପଡିଥିଲା । ଫଳରେ ଟ୍ରକରେ ନିଆଁ ଲାଗିଯାଇଥିଲା ନିଆଁ ଲାଗିବାରୁ ଟ୍ରକ୍ ଚାଳକ ଟ୍ରକ ଭିତରୁ ବାହାରି ପାରିନଥିଲେ ଏବଂ ଜୀବନ୍ତ ଅବସ୍ଥାରେ ଜଳି ଯାଇ ପାଉଁଶ ହୋଇଯାଇଛନ୍ତି । ଖବର ପାଇ ଘଟଣା ସ୍ଥଳରେ ଦମକଳବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ ହେଲେ ଟ୍ରକଟି ସଂପୂର୍ଣ୍ଣ ଜଳିଯାଇଥିଲା । ରେଢ଼ାଖୋଲ ପୋଲିସ ପହଞ୍ଚି ଦୁର୍ଘଟଣାର  ତଦନ୍ତ ଆରମ୍ଭ କରିଥିବାବେଳେ ମୃତ ଟ୍ରକ୍ ଚାଳକ ଜଣକ ଅନୁଗୁଳ ଜିଲ୍ଲା କିଶୋରନଗର ଅଞ୍ଚଳର ବୋଲି ଜଣାପଡିଛି।