07-Feb-2023

ବଲାଙ୍ଗୀର, ଗତ କିଛି ଦିନ ହେଲା ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ଓ ହସ୍ପିାଟଲ ପରିସରରୁ ବାରମ୍ବର ବାଇକ୍  ଓ ମୋବାଇଲ୍ ଚୋରୀ ହେଉଥିବା ଅଭିଯୋଗ ହେଉଛି । ଚୋରୀକୁ ନେଇ ରୋଗୀ ଓ ରୋଗୀ ମାନଙ୍କ ସଂପର୍କୀୟ ମାନେ ଏଠାରେ ନିଜକୁ ଅସୁରକ୍ଷିତ ମଣୁଛନ୍ତି । ଦିନଦ୍ୱିପହରରେ ଚୋର ମାନେ ଡାକ୍ତରଖାନା ପରିସରରୁ ବାଇକ୍ ଓ ମୋବାଇଲ୍ ଚୋରୀ କରି ଫେରାର୍ ମାରୁଛନ୍ତି । ଏ ନେଇ ହସ୍ପିଟାଲ ଫାଣ୍ଡିରେ ଲିଖିତ ଅଭିଯୋଗ କରାଯାଉଥିଲେ ମଧ୍ୟ ବଇକ୍ ଚୋର ମାନଙ୍କୁ ଗିରଫ୍ କରିବାରେ ପୋଲିସ ସଂପୂର୍ଣ୍ଣ ବିଫଳ ହୋଇଥିବା ଦେଖିବାକୁ ମିଳିଛି । ଏହି କ୍ରମରେ ଆଜି ଭୀମ ଭୋଇ ମେଡିକାଲ କଲେଜ ର ସର୍ଜରୀ ୱାର୍ଡ ସାମ୍ନାରୁ ଏକ ବାଇକ୍ ଚୋରୀ ହୋଇଯାଇଛି । ଏ ନେଇ ସୋନପୁର ଜିଲ୍ଲା ତରଭା ଥାନା ଚାରଭଟା ଗ୍ରାମର ସରୋଜ କୁମାର ରଣା ବଲାଙ୍ଗୀର ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି । ଗତକାଲି ରାତି ୧ଠ ଟା ସମୟରେ ସରୋଜଙ୍କ ଏକ ଲାଲ ରଙ୍ଗର ଗ୍ଲେମର ବାଇକ୍ (ଓଡି୦୩୦୧୧୯) ଟି  ଭୀମ ଭୋଇ ମେଡିକାଲ କଲେଜ ର ସର୍ଜରୀ ୱାର୍ଡ ସାମ୍ନାରୁ ଚୋରୀ ହୋଇଯାଇଥିଲା । ବଲାଙ୍ଗୀର ହସ୍ପିଟାଲ ପରିସରରୁ ଏପରି ବାରମ୍ବାର ବାଇକ୍ ଚୋରୀ ହେଉଥିଲେ ମଧ୍ୟ ପୋଲିସର ନିସ୍କ୍ରିୟତା ଯୋଗୁଁ ଚୋର ମାନେ ଅନାୟସରେ ଚୋରୀ କରିବାରେ ସଫଳ ହେଉଛନ୍ତି । ତେଣୁ ହସ୍ପିାଟାଲ ପରିସରରେ ବାଇକ୍ ଚୋର ମାନଙ୍କୁ ଦମନ କରିବା ତଥା ଚୋରୀ ଗାଡିକୁ ଉଦ୍ଧାର କରିବା ଦିଗରେ ବଲାଙ୍ଗୀର ପୋଲିସ ତତ୍ପରତା ପ୍ରକାଶ କରିବାକୁ ଜନସାଧାରଣ ଦାବି କରିଛନ୍ତି ।