12-Jan-2023

ବଲାଙ୍ଗୀର(ପ୍ରେରଣା ଖବର) ବଲାଙ୍ଗୀର ଜିଲ୍ଲାପାଳଙ୍କ କାର୍ଯ୍ୟକଳାପକୁ ନେଇ ଜିଲ୍ଲାର ଲୋକପ୍ରତିନିଧି ଅସନ୍ତୋଷ ବ୍ୟକ୍ତ କରୁଛନ୍ତି । ମୁଖ୍ୟତଃ ଜିଲ୍ଲାକୁ ଆସୁଥିବା ସରକାରୀ ଅନୁଦାନକୁ ଜିଲ୍ଲାପାଳ ଚଞ୍ଚଳ ରାଣା ମନଇଚ୍ଛା ବାଣ୍ଟୁଛନ୍ତି । ଏପରିକି କିଛି ଲୋକଙ୍କୁ ଅନୁଗ୍ରହ ଦେଖାଇ ଅଧିକ ଅନୁଦାନ ଦେଉଥିବା ବେଳେ କେତେକ ବ୍ଲକକୁ ତାଙ୍କର ନ୍ୟାର୍ଯ୍ୟ ଅନୁଦାନ ମିଳୁନାହିଁ । ଅନୁନ୍ନତ ବ୍ଲକକର ଅନୁଦାନ କାଟି ଜିଲ୍ଲାପାଳ ମନଇଚ୍ଛା କାର୍ଯ୍ୟକଳାପ କରୁଛନ୍ତି । ତେଣୁ ଆଜି ଏହି ପ୍ରସଙ୍ଗକୁ ନେଇ ଜିଲ୍ଲାପରିଷଦ ବୈଠକରେ କଣ୍ଟାବାଞ୍ଜି ବିଧାୟକ ସନ୍ତୋଷସିଂ ସାଲୁଜା ଓ ଜିଲ୍ଲାପାଳ ଚଞ୍ଚଳ ରାଣା ମୁହାଁମୁହିଁ ହୋଇଛନ୍ତି । ବୌଠକରେ ବିଜୁ କେବିକେ ଯୋଜନାର ଅର୍ଥରାଶି ଆବଣ୍ଟନନେଇ କୁକୁ ସିଂ ଅସନ୍ତୋଷ ବ୍ୟକ୍ତ କରିଥିଲେ । କୁକୁସିଂ ଅଭିଯୋଗ କରିଥିଲେ ଯେ, ଲୋକପ୍ରତିନିଧିମାନଙ୍କୁ ଅଣଦେଖା କରି ଜିଲ୍ଲାପାଳ ଆଇନର ଉଲଂଘନ କରୁଛନ୍ତି । ନିଜକୁ ଶାସକ ଭାବେ ଲୋକପ୍ରତିନିଧିଙ୍କୁ ନ୍ୟୁନ ଭାବି ଜିଲ୍ଲାକୁ ଆସିଥିବା ୧୨୦କୋଟି ଟଙ୍କାର ଅନୁଦାନକୁ ତାଙ୍କର ମନଇଚ୍ଛା ବାଣ୍ଟିଛନ୍ତି । ବିଜୁ କେବିକେ ଓ ଅନ୍ୟାନ୍ୟ ଷ୍ଟେଟସେୟାର ବଣ୍ଟନରେ ଅନୀୟମିତତା କରାଯାଇଥିବା ଅଭିଯୋଗ ହୋଇଛି । ଏହି କଥାକୁ ନେଇ କଥା କଟାକଟି ହେଲେ ବେଳେ ଜିଲ୍ଲାପାଳଙ୍କ ଚୌକିପାଖକୁ ଯାଇ ନିଜର ରାଗ ଦେଖାଇଥିଲେ କୁକୁ ସିଂ । ବୈଠକରେ ଉପସ୍ଥିତ ମନ୍ତ୍ରୀ ଟୁକୁନୀ ସାହୁ, ଜିଲ୍ଲାପରିଷଦ ସଭାପତି ଦେବକୀ ସାହୁ କୁକୁସିଂଙ୍କୁ ବୁଝାଇବାକୁ ଚେଷ୍ଟା କରିଥିଲେ । କିନ୍ତୁ ଜଣେ ସରକାରୀ କର୍ମଚାରୀ ହୋଇ ଜିଲ୍ଲାପାଳ ଯେଭଳି କାର୍ଯ୍ୟକଳାପ କରୁଛନ୍ତି ସେ ଆଗକୁ ଏମପିରେ ଛିଡା ହେବେ ସେଥିପାଇଁ ସଂଗଠନ କରୁଥିବା ଭଳି ମନେ ହେଉଛି ବୋଲି କୁକୁ ସିଂ କହିଥିଲେ ।  କଥା ଏତେ ଦୂରକୁ ଗଲା ଯେ,ଉଭୟେ ନିଜ ନିଜ ପିଏସଓଙ୍କୁ କିଛି କିଛି ଇସାରା ମଧ୍ୟ କରୁଥିବା ଦେଖାଯାଇଥିଲା । ବଲାଙ୍ଗୀରରେ ପୂର୍ବରୁ ଅନେକ ଜିଲ୍ଲାପାଳ ମନୋପଲିି କରି ଲୋକଙ୍କଠାରୁ ମାଡ ଖାଇକରି ଯାଇଛନ୍ତି । ଦରକାର ପଡିଲେ ସେଭଳି ଅବସ୍ଥା ହେବ ବୋଲି କୁକୁ ଚେତାବନୀ ଦେଇଥିଲେ । ସବୁ ବ୍ଲକକୁ ତାଙ୍କର ସେୟାର ଠିକରେ ନଦେଇ ଅନ୍ୟାୟ କରାଯାଇଛି । ଏହାକୁ ସଂଶୋଧନ କରାଯାଉ ନଚେତ ପରିଣାମ ଭୟାବହ ହେବ ବୋଲି କହିଥିଲେ । ଶେଷରେ  ଜିଲ୍ଲାପାଳ ଅନ୍ୟ ଅନୁଦାନରୁ କମ ଅନୁଦାନ ପାଇ ନଥିବା ବ୍ଲକକୁ ଅର୍ଥ ଦିଆଯିବ ବୋଲି ଜିଲ୍ଲାପାଳ ଚଞ୍ଚଳ ରାଣା କହିବା ପରେ ନିଜ ଆସନକୁ ଯାଇ ବିଧାୟକ ଶ୍ରୀ ସାଲୁଜା ବସିଥିଲେ । ତେବେ ଜିଲ୍ଲାର ଏହି ଅବ୍ୟସ୍ଥା ନେଇ ରାଜ୍ୟସରକାରଙ୍କୁ ଚିଠି କରାଯାଇଥିବା ମଧ୍ୟ କୁକୁ ସିଂ କହିଥିଲେ । ଆଜିର ଘଟଣାରେ ଜିଲ୍ଲାପାଳଙ୍କ ମନୋପଲିକୁ ନେଇ ଖପ୍ପାଥିବା ଲୋକପ୍ରତିନିଧିମାନେ ଖୁସି ଥିବା ବେଳେ ବୈଠକରେ ନିଜ ଅଧସ୍ଥନ କର୍ମଚାରୀଙ୍କ ସାମନାରେ ଜିଲ୍ଲାପାଳ ଶ୍ରୀ ରାଣା ଅପଦସ୍ତ ହୋଇଥିଲେ ।