12-Jan-2023

 ବିନିକା(ହିମାଂଶୁ ଶେଖର ପଟେଲ)ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅନ୍ତର୍ଗତ ମହଦା ଜଗନ୍ନାଥ ହାଇସ୍କୁଲ ପ୍ରାଙ୍ଗଣରେ ଏକ ଦିବସୀୟ ବ୍ଲକ ସ୍ତରୀୟ ଜୁନିଅର ରେଡକ୍ରସ ସଚେତନତା ଅଭିଯାନ                                  ଅନୁଷ୍ଠିତ ହୋଇଯାଇଛି ।  ବିନିକା ତହସିଲଦାର ମୁକ୍ତେଶ୍ୱର ପାଣିଗ୍ର୍‌ାହି ଅଭିଯାନରେ ମୁଖ୍ୟଅତିଥି ଭାବରେ ଯୋଗଦେଇ ରେଡକ୍ରସ ପତାକା ଉତ୍ତୋଳନ କରି ଅଭିଯାନକୁ ଉଦଘାଟନ କରିଥିଲେ ଏବଂ ଜୁନିଅର ରେଡକ୍ରସର ମାନବୀୟ ସେବାରେ ସମସ୍ତ ପରାମର୍ଶଦତା ମାନେ ଉଦବୁଦ୍ଧ ହେବାକୁ ମତବ୍ୟକ୍ତ କରିଥିଲେ । ସ୍କୁଲର ପ୍ରଧାନଶିକ୍ଷକ ଅନନ୍ତ ନାରାୟଣ ପ୍ରସାଦ ସିଂଦେଓ ଭବ୍ୟ ସଭାରେ ଅଧ୍ୟକ୍ଷତା କରିଥିଲେ । ପ୍ରାକ୍ତନ ରାଜ୍ୟ ପୁରସ୍କାର ପ୍ରାପ୍ତ ଶିକ୍ଷକ ତଥା ଜିଲ୍ଲା ଜୁନିଅର ରେଡକ୍ରସ କମିଟୀର ଭାଇସଚେୟାରମ୍ୟାନ ପ୍ରମୋଦ କୁମାର ପଣ୍ଡା ଯୋଗଦେଇ ଛାତ୍ରଛାତ୍ରୀମାନେ  କିଭଳି ଜୁନିଅର ରେଡକ୍ରସ ୟୁନିଟରେ ବହୁ ସଂଖ୍ୟାରେ ଭାଗ ନେବେ ଓ ନିଜ ନିଜର ବ୍ୟକ୍ତିତ୍ୱ ବିକାଶ କରିବେ ସେ ଦିଗରେ ପରାମର୍ଶଦାତା ମାନେ କାର୍ଯ୍ୟ କରିବାକୁ ଆହ୍ୱାନ କରିଥିଲେ ।  

ସମ୍ମାନୀତ ଅତିଥି ଭାବରେ  ମହଦା ସରପଂଚ ଭୀମସେନ ସିଂଦେଓ, ମକରଧ୍ୱଜ ଚୌଧୁରୀ, ନିର୍ମଲ ଷାଣ୍ଡ,ବ୍ରଜମୋହନ ସା,କୁହିବାହାଲ ହାଇସ୍କୁଲ ପ୍ରଧାନଶିକ୍ଷକ ମୁରଲୀଧର ବିଶ୍ୱାଲ ପ୍ରମୁଖ ଯୋଗଦେଇ ମତବ୍ୟକ୍ତ କରିଥିଲେ । କାର୍ଯ୍ୟକ୍ରମକୁ ଜିଲ୍ଲା ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତ ପରିଚାଳନା କରିଥିଲେ । ବରିଷ୍ଠ  ସାଧନକର୍ମି ଚନ୍ଦ୍ରମଣି ବାଘ ସଂଯୋଜନା କରିଥିଲେ । ଆଗାମୀ ଦିନରେ ବ୍ଲକ ତଥା ଜିଲ୍ଲାର ସମସ୍ତ ହାଇସ୍କୁଲ ଏବଂ ଅପର ପ୍ରାଇମେରୀ ସ୍କୁଲରେ ୬ଷ୍ଠ ଶ୍ରେଣୀରୁ ୧୦ମ ଶ୍ରେଣୀରେ  ଅଧ୍ୟୟନ କରୁଥିବା  ଛାତ୍ରଛାତ୍ରୀ ମାନଙ୍କୁ ରେଡକ୍ରସ ର ସପ୍ତନୀତି ରେ ବ୍ରତୀ କରାଯାଇ ସେମାନେ କିଭଳି ଭବିଷ୍ୟତରେ ସମାଜରେ ସ୍ୱେଚ୍ଛାକୃତ ଭାବରେ ମାନବୀୟ ସେବା ପ୍ରଦାନ କରିବାରେ ସକ୍ଷମ ହେବେ ସେ ଦିଗରେ ଜୁନିଅର ରେଡକ୍ରସ କାର୍ଯ୍ୟ ସଂପାଦନ କରିବାକୁ ଅତିଥି ଏବଂ ପରାମର୍ଶଦାତା ମାନେ ମତବ୍ୟକ୍ତ କରିଥିଲେ ।

ବିନିକା ବ୍ଲକ ଅନ୍ତର୍ଗତ ୨୩ଟି ହାଇସ୍କୁଲ ର ଜୁନିଅର ରେଡକ୍ରସ ପରାମର୍ଶଦତା ମାନେ ଅଭିଯାନରେ ଯୋଗଦେଇ ତାଲିମ ଗ୍ରହଣ କରିଥିଲେ ।  ସାଧନକର୍ମି ହୃଷିକେଶ ଡାଙ୍ଗ, ତପସ୍ୱିନୀ ଦାଶ, ଶେଷଦେବ ଛତ୍ର ପ୍ରମୁଖ ରେଡକ୍ରସର ଆନ୍ଦୋଳନ, ଜୁନିଅର ରେଡକ୍ରସର ସେବା ମୂଳକ କାର୍ଯ୍ୟକ୍ରମ, ପ୍ରାଥମିକ ଚିକିତ୍ସା, ସଡକ ସୁରକ୍ଷା ସଂପର୍କିତ ରକ୍ଷକ ଯୋଜନାର ଉପଯୋଗିତା  ବିଷୟରେ ଶିବିରାର୍ôଥ ମାନଙ୍କୁ ତାଲିମ ପ୍ରଦାନ କରିଥିଲେ । ମହଦା ହାଇସ୍କୁଲର ବରିଷ୍ଠ ଶିକ୍ଷକ ସୁଶିଲ ବିଶି ସ୍ୱାଗତ ଅଭିଭାଷଣ ଦେଇଥିଲେ । ଅତିଥିବୃନ୍ଦ ଗ୍ରାମର ଅବହେଳିତ ପରିବାରକୁ ରେଡକ୍ରସ ତରଫରୁ କମ୍ବଲ ବଂଟନ କରଥିଲେ । ବିନିକା ବିସିସି ତଥା ମହଦା ହାଇସ୍କୁଲର ଜୁନିଅର ରେଡକ୍ରସ ପରାମର୍ଶଦାତା ପବିତ୍ର ବାରିକ ଧନ୍ୟବାଦ ଅର୍ପଣ କରିଥିଲେ ।