03-Dec-2022

ବଲାଙ୍ଗିର(ପ୍ରେରଣା ଖବର) ଆଜି ଆନ୍ତର୍ଜାତିକ ଭିନ୍ନକ୍ଷମ ଦିବସ ଉପଲକ୍ଷେ ବଲାଙ୍ଗିର ଠାରେ ଜିଲ୍ଲା ସ୍ତରୀୟ  ଆନ୍ତର୍ଜାତିକ ଭିନ୍ନକ୍ଷମ ଦିବସ ପାଳିତ ହୋଇଯାଇଛି । ଏହି  ଦିବସ ପାଳନ ଅବସରରେ ଭିନ୍ନକ୍ଷମ ଛାତ୍ରଛାତ୍ରୀ ତଥା ବିଭିନ୍ନ ସଂଗଠନ ର କର୍ମକର୍ତ୍ତା ମାନଙ୍କୁ ନେଇ ଏକ ରାଲି କଚେରି ଛକ ରୁ ବାହାରି ଟାଉନ ହଲ ପର୍ଯ୍ୟନ୍ତ ଆସିଥିଲା ।ଏହି   ରାଲି ରେ ରେଡକ୍ରସ ଭିନ୍ନକ୍ଷମ ବିଦ୍ୟାଳୟ ସଇଁତଳା ,ଡ଼ ହରେକୃଷ୍ଣ ମହତାବ ମାନସିକ ନ୍ୟୁନତା ସଂସ୍ଥାନ ,ଜଗତବନ୍ଧୁ ବିଶ୍ଵଭାରତୀ ଶିକ୍ଷାନିକେତନ ସାଲେପାଲି , ଏସ॰ସି॰ ଡି॰ ଟିଟିଲାଗଡ ଦୃଷ୍ଟିହୀନ,ବଧିର ବିଦ୍ୟାଳୟ, ଆଶ୍ରା ବଲାଙ୍ଗିର ଥେରେପି କେନ୍ଦ୍ର ,ଲେପ୍ରୋସି ହୋମ ,ବଲାଙ୍ଗିର , ଆଶ୍ରା  ଥେରେପି କେନ୍ଦ୍ର,ଡେସିଲ , ଟିଟିଲାଗଡ, ଗ୍ରାମ ମଙ୍ଗଲ ପାଠାଗାର ର ଶ୍ରବଣ ବାଧିତ ଶିକ୍ଷକ ତାଲିମ କେନ୍ଦ୍ର ର ଛାତ୍ରଛାତ୍ରୀ ଙ୍କ ସମେତ ବିଭିନ୍ନ ସଂଗଠନ ର କର୍ମକର୍ତ୍ତା ମାନେ ଯୋଗଦେଇଥିଲେ । ରାଲି  କୁ ବଲାଙ୍ଗିର ଉପ ଜିଲ୍ଲାପାଳ କୁମାର ନାଗଭୂଷଣ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । ପରେ ଏହି ଦିବସ ପାଳନ ଉପଲକ୍ଷେ ଟାଉନ ହଲ ଠାରେ ଏକ ସଭା ଅନୁଷ୍ଠିତ ହୋଇଥିଲା । ସଭାରେ ଜିଲ୍ଲାପରିଷଦ ଅଧ୍ୟକ୍ଷା ଦେବକୀ ସାହୁ, ଜିଲ୍ଲାପାଳ ଚଞ୍ଚଳ ରାଣା, ବଲାଙ୍ଗିର ପୌର ପରିଷଦ ଅଧ୍ୟକ୍ଷା ଲିକା ସାହୁ ,ଭାରପ୍ରାପ୍ତ  ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ ଡ଼ କୁବେର ଚନ୍ଦ୍ର ମହନ୍ତ, ନିରତାର ସି॰ ଆର॰ ସି॰ ସେଣ୍ଟର ବଲାଙ୍ଗିର ର ନିର୍ଦ୍ଦେଶକ ସୂର୍ୟମଣି ପ୍ରସାଦ ପ୍ରମୁଖ ଅତିଥି ଭାବେ ଯୋଗଦେଇ ଆନ୍ତର୍ଜାତିକ ଭିନ୍ନକ୍ଷମ ଦିବସ ପାଳନ ର ତାତ୍ପର୍ଜ୍ୟ ,ଭିନ୍ନକ୍ଷମ ଙ୍କ ଅଧିକାର ଓ ବିଭିନ୍ନ ଯୋଜନା ମାଧ୍ୟମରେ ସେମାନଙ୍କର କିପରି ସର୍ବାଙ୍ଗୀନ ବିକାଶ କରାଯାଇପାରିବ ସେ ସମ୍ପର୍କରେ ମତବ୍ୟକ୍ତ କରିଥିଲେ । ଜିଲ୍ଲା ସାମାଜିକ ସୁରକ୍ଷା ଅଧିକାରୀ ନବକୃଷ୍ଣ ସାହୁ ବଲାଙ୍ଗିର ଜିଲ୍ଲାରେ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ପକ୍ଷରୁ ଭିନ୍ନକ୍ଷମ ଙ୍କ ନିମନ୍ତେ କାର୍ଯକାରୀ ହେଉଥିବା ବିଭିନ୍ନ ଯୋଜନା ର ରୂପରେଖ ଓ ଏହାଦ୍ୱାରା ଜିଲ୍ଲା ର ହିତାଧିକାରୀ ମାନେ ପାଉଥିବା ସୁବିଧା ସୁଯୋଗ ତଥା ସଫଳତା ଉପରେ ପ୍ରାରମ୍ଭିକ ବକ୍ତ୍ୟବ ପ୍ରଦାନ କରିବା ସହ ସଭାକାର୍ଯ ପରିଚାଳନା କରିଥିଲେ । ସଭାରେ ଅତିଥି ମାନେ ଜିଲ୍ଲା ର ବିଭିନ୍ନ ଅଞ୍ଚଳରୁ ଆସିଥିବା ଭିନ୍ନକ୍ଷମ ହିତାଧିକାରୀ ମାନଙ୍କୁ ନିରତାର ସି॰ ଆର॰ ସି॰ ସେଣ୍ଟର ବଲାଙ୍ଗିର ଦ୍ଵାରା ପ୍ରଦତ୍ତ ସହାୟକ ଉପକରଣ ବଣ୍ଟନ କରିଥିଲେ । ଏହି କ୍ରମରେ ୨ ଜଣଙ୍କୁ ରୋଲାଟୋର ,୨ ଜଣଙ୍କୁ ହ୍ଵିଲ ଚେୟାର ,୨ ଜଣଙ୍କୁ ବ୍ରେଲି କିଟ ଏବଂ ୬ ଜଣଙ୍କୁ ଅନ୍ୟାନ୍ୟ ସହାୟକ ଉପକରଣ ବଣ୍ଟନ କରାଯାଇଥିଲା । ସେହିପରି  ସାମାଜିକ ସୁରକ୍ଷା ଯୋଜନା ଅନ୍ତର୍ଗତ ଭିନ୍ନକ୍ଷମ ଙ୍କୁ ବିବାହ ପ୍ରୋତ୍ସାହନ ଯୋଜନା ଜରିଆରେ ୬ ଜଣ ଦମ୍ପତି, ପ୍ରତ୍ୟେକ ଙ୍କୁ ୨ ଲକ୍ଷ ୫୦ ହଜାର ଟଙ୍କା ର ଚେକ ଅତିଥିମାନେ ପ୍ରଦାନ କରିଥିଲେ  । ଜିଲ୍ଲା ର ୧୪ ଗୋଟି ବ୍ଲକ ଓ ୫ ଟି ୟୁ॰ଏଲ॰ବି ର ଜଣେ ଲେଖାଏଁ ଭିନ୍ନକ୍ଷମ ଙ୍କୁ ଉତ୍ସବରେ ସମ୍ମାନିତ କରାଯାଇଥିଲା ।  ଆନ୍ତର୍ଜାତିକ ଭିନ୍ନକ୍ଷମ ଦିବସ ପାଳନ ଉପଲକ୍ଷେ ଜିଲ୍ଲାର ବିଭିନ୍ନ ଭିନ୍ନକ୍ଷମ ବିଦ୍ୟାଳୟ ର

ଛାତ୍ରଛାତ୍ରୀ ମାନଙ୍କ ମଧ୍ୟରେ ଅନୁଷ୍ଠିତ ବକ୍ତୃତା ,ମ୍ୟୁଜିକାଲ ଚେୟାର ,୧୦୦ ମିଟର ଦୌଡ ଆଦି ପ୍ରତିଯୋଗିତା ର କୃତି ପ୍ରତିଯୋଗୀ ମାନଙ୍କୁ ଅତିଥିମାନେ ପୁରସ୍କାର ଓ ମାନପତ୍ର ପ୍ରଦାନ କରିଥିଲେ । ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଜୟଦେବ ପାଣିଗ୍ରାହୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ସଭାପରେ ରେଡକ୍ରସ ଭିନ୍ନକ୍ଷମ ବିଦ୍ୟାଳୟ ସଇଁତଳା ,ଡ଼ ହରେକୃଷ୍ଣ ମହତାବ ମାନସିକ ନ୍ୟୁନତା ସଂସ୍ଥାନ ,ଜଗତବନ୍ଧୁ ବିଶ୍ଵଭାରତୀ ଶିକ୍ଷାନିକେତନ ସାଲେପାଲି , ଏସ॰ସି॰ ଡି॰ ଟିଟିଲାଗଡ ଦୃଷ୍ଟିହୀନ,ବଧିର  ବିଦ୍ୟାଳୟ ର ଛାତ୍ରଛାତ୍ରୀ

,ଜରାନିବାସ ସାଲେପାଲି ର ବରିଷ୍ଠ ନାଗରିକ ଏବଂ ତୃତୀୟ ଲିଙ୍ଗ ମାନଙ୍କ ଦ୍ଵାରା ମନୋଜ୍ଞ ସାଂସ୍କୃତିକ କାର୍ଯକ୍ରମ ପରିବେଷଣ କରାଯାଇଥିଲା । ଏହି ସମସ୍ତ କାର୍ଯକ୍ରମ କୁ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଶ୍ରୀ  ସାହୁ ତଥା ଜିଲ୍ଲା ସାମାଜିକ ସୁରକ୍ଷା କାର୍ୟାଳୟ ର କର୍ମଚାରୀ ମାନେ ପରିଚାଳନା କରିଥିବା ବେଳେ ଜିଲ୍ଲାର ବିଭିନ୍ନ ଭିନ୍ନକ୍ଷମ ବିଦ୍ୟାଳୟ ର ଶିକ୍ଷକ ଶିକ୍ଷୟତ୍ରୀ ଏବଂ ବିଭିନ୍ନ ସଂଗଠନ ର କର୍ମକର୍ତ୍ତା ମାନେ ସହଯୋଗ କରିଥିଲେ ।